LUKAS 3:11 - BOWOT BOHUA

¹¹ Yohanes mutah, ‘‘Ulun ijo anaingina duo kolambar kolambi, harus nonga ihcokolombar ahkan injah ijo eam ngina, tutang ulun ijo anai ukui harus io magioh.’’

LUKAS 3:11 Iomraidhean Croise

MATEUS 25:40

Lahca rih ahkan mutah, ‘Kota'an ih; ohkot ihkam nguan hal orih sinoka umba anai ihcobehti, tahkan konduang-konduang-Ku ijo paling hina, rimai ihkam jari nguaioh umba Ahku!’

LUKAS 11:41

Ijo anai luwang pihkan tutang piring'kam rih, iorih ihco harus ihkam nongaoh ahkan ulun-ulun porosbolum. Umba cara kolourih, paringoh ahkan monjadi borasih ahkan'kam.

LUKAS 18:22

Ngonih orih, Yesus nuhtui, ‘‘Magun anai ihco hal, ijo harus ihko nguaioh: Modagangrih paring ramun'kam, nongarih duitoh ahkan ulun porosbolum, tutang ihko ahkan duon ponahtou ang soruga. Uliorih lombut ngahasu Ahku.’’

LUKAS 19:8

Pongohino rih ang lohpouoh, Zakheus tombok tutang nuhtui umba Yesus, ‘‘Tuhan soparu tahkan ponahtou'ku ahkan ahku nyadahkahoh ahkan ulun porosbolum; tutang iai beweu ijo pu'u ahku nihpuoh, ahkan ahku bayar huli ahkaioh opat kali lihpet!’’

YOHANES 13:29

Anai ijo ngohu Yesus nyuhu Yudas moli angihco ijo tomorulu ahkan pesta rih, ata'ai nonga honjiot isut duit ahkan ulun-ulun porosbolum – tului Yudas nambit duit kas iro.

KESAH RASUL-RASUL 10:2

Io ulun ijo mihkoh umba Pohotala tutang koparing jolahaioh sombayang ahkan Pohotala. Io aro dohop ulun-ulun Yahudi ijo porosbolum tutang io toturus bodo'a nokuh Pohotala.

KESAH RASUL-RASUL 10:31

Io nuhtui, ‘Kornelius! Pohotala jari norima do'a'mu tutang mingat ahkan kopiosbosara ahtoi'mu.

KESAH RASUL-RASUL 10:4

Kornelius nopahjah molehkat rih honong mihkoh turus nuhtui, ‘‘Anai inon Tuan?’’ Molehkat rih nuhtui, ‘‘Do'a'mu, tutang kotounbosara ahtoi'mu jari tonorima bain Pohotala tutang Pohotala ingat umba'mu.

EPESUS 4:28

Ulun ijo biasa nahkou harus tondo nahkou. Sobalik io harus bogawi mangat ngonduon bolanjaoh honong bujur tutang duon dohop ulun ijo bokotahpas.

1 TIMOTEUS 6:17

Ahkan ulun-ulun ijo tahtou ang kolunon tuh, hondakrih ihko nyawot, mangat iro ara bojuhu, tutang ara bokoharap ahkan ramui-ramui ijo eam bunggut – kolou haloh umba ponahtou. Iro harus bokoharap ahkan Pohotala, ijo nonga karon aang'co ahkan ihto honong molowi, mangat ihto komonanyamoh.

1 TIMOTEUS 6:18

Nyawotrih ahkan iro, mangat nunjuk kopios, ahkan aro nguan hal-hal ijo pios, murah ahtoi, tutang rajin mononga.

IBRANI 6:10

Pohotala eamoh Pohotala ijo eam adil. Io eam nolingou, inon ijo ihkam nguairih bagi-Oh, tutang asi ijo ihkam nunjukrih ahkai-Oh, angohkot ihkam dohop konduang-konduang samakoporocaya, ijo houn tutang uhuntuh.

YAKOBUS 1:27

Kote'et boagama, ijo borasih tutang sojahti numbun topahjah Pohotala, Amai iorih; mondohop anak-anak nulo uhus tutang balu-balu ijo ngarot, tutang monjaga arop bongon mangat ara tonorusak bain kolunon tuh.

YAKOBUS 2:14

Konduang-konduang! Inon gunaioh ulun nuhtui, ‘‘Ahku ulun ijo porocaya,’’ amat io eam ngorinahoh umba gawiuoh? Dahpot-rih koporocaya somahcam rih monyolamatoh?

1 YOHANES 3:17

Amat ihcobehti ijo pombolumoh sukup nohto konduangoh anai kotahpas, tahpi eam kani dohop konduangoh rih, koloukuwoh ulun rih dahpot homauh ijo io sita Pohotala?

1 YOHANES 4:20

Amat ihcobehti nuhtui, ‘‘Ahku ngasih Pohotala,’’ tahpi io eam mongasih konduangoh, ulun rih bobalik. Kotului ulun ijo eam mongasih konduangoh ijo gihtaioh, eam harapan tou mongasih Pohotala ijo eam tonohto baiuoh.