LUKAS 24:44 - BOWOT BOHUA

⁴⁴ Uliorih Io nuhtui ahkan'ndo, ‘‘Tuhrih hal-hal ijo jari Ahku manderoh ahkan'kam ohkot Ahku magun hihcoumba ihkam: ijo nyinong hal ijo tonyurat tohou Ahku aang buhku-buhku Museh, tutang nabi-nabi tutang Masmur, harus nyolung.’’

LUKAS 24:44 Iomraidhean Croise

MATEUS 1:22

Paringoh rih nyolung kodorih, mangat nyolung inon ijo tonuhtui Tuhan nguha nabi-Oh, iorih,

MATEUS 16:21

Nopara tahkan ohkot orih, Yesus nuhtui turus tarang ahkan murid-murid-Oh, ijo Io harus tulak nokuh Yerusalem tutang nyuru aro ngarot tahkan okon-okon, imam-imam kopala, tutang guru-guru agama. Io ahkan buah punu, tahpi ang ondou kotolu Io ahkan bolum hoduli.

MATEUS 26:54

Tahpi amat kodorih, eam tou nyolung kolou ijo jari tonujum ang Surat Borasih ijo puna harus nyolung kolou ijo ang huntuh tuh?”

MATEUS 26:56

Tahpi puna jari koharusoh kodorih ahkan nyolung inon ijo tonyurat bain nabi-nabi ang luwang Surat Borasih.” Uliorih rih, paring murid-murid Yesus bororawuh nohtah Yesus.

MARKUS 9:31

kotului Io beteng majar murid-murid-Oh, ‘‘Anak Ulun ahkan tonyarah nokuh kowasan kolunon,’’ kolourih hion Yesus, ‘‘tutang Io ahkan tomunu, tahpi aang ondou ijo kotolu Io ahkan tonombolum!’’

LUKAS 21:22

Tului aang ondou-ondou rih anai, ‘Ondou-ondou Hukum Tomuhtus,’ mangat umba kolourih nyolung inon ijo jari tonyurat aang Surat Borasih.

LUKAS 22:37

Tului porocayarih, ayat Surat Borasih ijo auh koloutuh, ‘Io mongohu kolou 'cobehti ponyirou,’ harus nyolung ngosan arop-Ku. Tului inon ijo tonyurat a'ang Surat Borasih tohou Ahku uhun nyolung huntuh tuh.’’

LUKAS 24:46

Turus Io nuhtui umba iro, ‘‘Ang Surat Borasih tonyurat tohou Lahca Ponyolamat harus ngarot, tutang harus monyun huli tahkan popahtoi aang ondou ijo kotoluoh.

LUKAS 9:22

Yesus nuhtui ka'a, ‘‘Anak Ulun puna harus aro konoporos tutang konolawan bain okon-okon, tutang imam-imam kopala, tutang guru-guru agama. Io ahkan tomunu, tahpi a'ang ondou tolu ia ahkan tonombolum hoduli.’’

LUKAS 9:44

‘‘Nohtoani pio-pios tutang ara nolingou tuhtui-tuhtui-Ku tuh: Anak Ulun ahkan tonosorah, ahkan kowasan kolunon.’’

YOHANES 3:14

Sama kolou Museh ngahtangoh lohi tombaga ang tuhtuk doroh kahju ang padang balambah, kodorih ka'a Anak Ulun ahkan konahtangoh,

YOHANES 5:39

Ihkam bolajar Surat Borasih, tului nanyam'kam ijo umba cara orih ihkam anai ngina pombolum sojahti tutang kototahiu. Tutang Surat Borasih rih bongoi nonga kosaksian tohou Ahku.

YOHANES 5:46

Amatjahka ihkam porocaya umba Museh, ihkam porocaya umba Ahku, tului tohou Ahku rih io nyurat.

KESAH RASUL-RASUL 13:33

orih jari Io nguaioh aang ihto honong ngombolumoh Yesus hoduli tahkan popahtoi. Tului ang luwang Surat Masmur ijo koduo anai tonyurat koloutuh: ‘Ihko tuh Anak-Ku, ang ondou tuh Ahku jari monjadi Amai-Mu.’

KESAH RASUL-RASUL 13:40

Orih kotuluioh ihkam harus nohtoanioh pios-pios, ara nyiring nyolung aang ihkam, inon ijo bola nabi nuhtui auh tuh,

KESAH RASUL-RASUL 2:27

Tului Ihko Tuhan eam mohonau homboruak'ku mohcon ang lowun ulun mahtoi. Ihko eam mohonauoh jihpon-Mu ijo bokehtep rih lonyuh tutang dilap.

KESAH RASUL-RASUL 3:18

Tutang tului orihrih nyolung ka'a inon ijo jari nuhtui bain Pohotala soun lomoi hopatau nabi-nabi-Oh ijo Lahca Ponyolamat ijo tonobowot rih harus ngarot.

KESAH RASUL-RASUL 7:37

Io rih ka'a Museh ijo nuhtui umba uhtus Israel, ‘Pohotala ahkan nonga ahkan'mu ihcobehti nabi, ijo konopili tahkan aang louk ihkam bongom, sama kolou Io jari ngopili ahku.’

IBRANI 10:1

Hukum agama Yahudi baya nonga gambaran ijo kawu-kawus, tutang hal-hal ijo hinut ijo ahkan lombut, tutang eam gambar ijo kotu'uioh tahkan hal-hal orih. Eam mustitou hukum orih dahpot nyoporuna ulun ijo lombut nyembah Pohotala tutang ngomin ponyorahan, oluka nyinong toun toturus tonyorah porahpah-porahpah ijo sama.

IBRANI 3:5

Museh bokehtep tehen kolou jihpon ang Lohpou Tuhan, tutang nyiar hal-hal ijo ahkan tomorihtaoh bain Pohotala ang kotihka ijo ahkan lombut.

IBRANI 7:1

Melkisedek tuh iorih lahca tahkan Salem tutang imam Pohotala Ijo Mahaisung. Ohkot Abraham buli tahkan hokolahi mongalahoh lahca-lahca, Melkisedek lombut noharang Abraham tutang mborehkatoh.

IBRANI 9:8

Umba poroturan orihrih, Roh Pohotala ngorinah hawui jelas, ijo kotahin kemah hila baun rih magun tombok, jalan nyolong koluwang Ruang Palingborasih rih jaha tokuap.

1 PETRUS 1:11

Iro nyolidik koloukuwoh, tutang mira hal orih ahkan nyolung, ijo konohuangoh bain Roh Kristus ijo anai ang luwang arop iro. Ang ohkot rih, Roh-Oh monujum ahkan iro, tohou karot-karot ijo harus tonyuru bain Kristus tutang tohou kohajoi-Oh ijo ahkan nutut ulimba rih.

PONGORINAH 19:10

Ahku tosuhkutu'ut ang husuk molehkat rih kani nyembahoh, tahpi io nuhtui umba ahku, ‘‘Ara! Ara nyembah ahku, sembah rih Pohotala! Kotului ahku ka jihpon sama kolou ihko, tutang kolou paring konduang'mu, ijo nambit segah ang kosaksian Yesus.’’ Tului kosaksian Yesus orihrih ijo moilham ulun-ulun ijo monujum.