LUKAS 24:30 - BOWOT BOHUA

³⁰ Aang ohkot tuot kuman homboh iro, Yesus ngomin luhte, ngohawot torimakasih ahkan Pohotala, mbola-bolah luhte rih umba longoi-Oh, turus nonga ahkan iro.

LUKAS 24:30 Iomraidhean Croise

MATEUS 14:19

Pongohino Yesus nyuhu ulun aro rih tuot ang ngosan uru. Turus Io ngomin limo luhte tutang duo ohcin rih, turus nokara nokuh langit tutang ngohawot torimakasih ahkan Pohotala. Ulimbarih Io nyila-nyila luhte rih umba longoi-Oh, tutang nonga orih ahkan murid-murid-Oh ahkan'ndo mbagi-mbagioh ahkan ulun aro rih.

MATEUS 15:36

Turus Yesus ngomin kopihtu luhte tutang ohcin rih, pongohuli ngohawot torimakasih ahkan Pohotala. Uliorih rih Io ngiwak-ngiwak luhte orih, tutang ohcin rih umba longoi-Oh, turus nonga orih ahkan murid-murid-Oh. Tutang iro magi-milahoh ahkan ulun aro rih.

MATEUS 26:26

Kotihka iro ulikuman, Yesus ngomin luhte, turus ngohawot do'a torimakasih. Pongohuli Io molah-molah luhte rih umba longoi-Oh, turus nongaoh ahkan murid-murid-Oh hawoi hioi, “Ngomin tutang kumai; jituh behtik-Ku.”

MARKUS 14:22

Kotihka iro rahat kuman, Yesus ngomin luhte tutang ngohawot do'a torimakasih ahkan Pohotala. Pongohuli Io mbolah luhte orih honong longoi-Oh, turus nongaoh ahkan murid-murid-Oh hawui nuhtui, ‘‘Onin tutang kumairih tuh behtik-Ku.’’

MARKUS 6:41

Pongohuli Yesus ngomin limo luhte tutang duo ohcin rih, turus nokara nokuh langit, tutang ngohawot torimakasih ahkan Pohotala. Uli rih Io milat-milat luhte rih umba longoi-Oh, tutang mbilah orih ahkan murid-murid-Oh, nyuhu magioh ahkan ulun aro rih. Tutang duo ohcin rih tonomagi ka'a, ahkan ulun aro paring.

MARKUS 8:6

Mahka Yesus rih nyuhu ulun aro tuot ang ngosan tana, turus ngomin kopihtu luhte rih tutang ngohawot torimakasih ahkan Pohotala. Pongohuli Io milat-milat luhte rih umba longoi-Oh tutang nonga-Oh ahkan murid-murid-Oh mangat hobagi-bagi ahkan ulun-ulun. Mahka murid-murid-Oh nguanangrih.

LUKAS 22:19

Umbotrih rih Yesus ngomin luhte. Tutang uli ngohawot do'a torimakasih, Io mbagi-mbagi luhte rih umba longoi-Oh, turus nongaoh ahkan iro, tutang nuhtui, ‘‘Jihtuh behtik-Ku [ijo tonyarah ahkan ihkam. Nguanohrih koloutuh ahkan mingat Ahku.’’

LUKAS 24:29

tetapi iro nahan Io, ‘‘Mohcon ang unuk ekai,’’ hion iro umba Io, ‘‘uhuntuh jari doni cohit, tutang jari nopara ngalomi ka'a.’’ Mahka Yesus nyolong ahkan umba tiruh ang unuk rih.

LUKAS 24:35

Koduo murid Yesus ijo punai lombut rih turus mborihta ang posuru iro ang beteng jalan, tutang koloukuwoh iro ngosono Tuhan aang uhun Io mbola-mbolah luhte.

LUKAS 9:16

Turus Yesus ngomin limo luhte tutang duo ohcin rih, uliorih nokara nokuh langit tutang ngohawot torimakasih ahkan Pohotala. Pongohino Io milah-milat luhte tutang ohcin rih hapan longoi-Oh, turus nongaoh ahkan murid-murid-Oh mangat magi-milah ahkan ulun aro rih.

YOHANES 6:11

Pongohuli Yesus ngomin luhte rih, turus ngohawot torimakasih ahkan Pohotala. Ulimbarih Io magi-magioh luhte rih ahkan ulun aro. Pongohuli Io magi-magioh ohcin rih, tutang iro kuman sobosuh-bosuhoh.

KESAH RASUL-RASUL 2:42

Hawui kokehtep iro bajar tahkan rasul-rasul rih, tutang toturus hopuhpung hombo-homboh. Iro kuman hombo-homboh tutang bodo'a hombo-homboh.

KESAH RASUL-RASUL 2:46

Nyinong ondou iro turus hopuhpung ang Lohpou Tuhan; hawui kuman hombo-homboh, tutang jorih hawui randah ahtoi ang lohpou-lohpou'ndo.

KESAH RASUL-RASUL 27:35

Uli nuhtui kodorih rih Paulus ngomin luhte turus nuhtui torimakasih ahkan Tuhan ang boun iro paringoh. Pongohino io mombagi-bagi luhte rih umba longoioh, turus iro kumaioh.