LUKAS 24:26 - BOWOT BOHUA

²⁶ Eamkah Lahca Ponyolamat harus komo houn karot rih, punai norima kohajoi-Oh?’’

LUKAS 24:26 Iomraidhean Croise

LUKAS 24:44

Uliorih Io nuhtui ahkan'ndo, ‘‘Tuhrih hal-hal ijo jari Ahku manderoh ahkan'kam ohkot Ahku magun hihcoumba ihkam: ijo nyinong hal ijo tonyurat tohou Ahku aang buhku-buhku Museh, tutang nabi-nabi tutang Masmur, harus nyolung.’’

LUKAS 24:46

Turus Io nuhtui umba iro, ‘‘Ang Surat Borasih tonyurat tohou Lahca Ponyolamat harus ngarot, tutang harus monyun huli tahkan popahtoi aang ondou ijo kotoluoh.

LUKAS 24:7

ijo, ‘Anak Ulun harus tonosarahoh ahkan ulun bodusa, turus tomahpak, tutang aang ondou ijo kotolu Io ahkan monyun.’ ’’

YOHANES 2:22

Jadi pongohuli, ulimba Yesus tonomonyun tahkan popahtoi, toingat murid-murid-Oh ijo hal rih pu'u tonuhtui-Oh. Mahka porocayarih iro ahkan inon hal ijo tonyurat luwang Surat Borasih tutang ahkan inon ijo tonuhtuioh bain Yesus.

YOHANES 20:9

Nyiring aang ohkot rih iro jaham solembang inon ijo tonyurat a'ang Surat Borasih ijo Io harus bolum tahkan popahtoi.)

KESAH RASUL-RASUL 17:3

Hogalang ayat-ayat Surat Borasih, io monarang tutang pokarah ijo Lahca Ponyolamat ijo tonobowot bain Pohotala puna mongarot nyiring mahtoi, tahpi Io bolum hoduli tahkan popahtoi. ‘‘Yesus ijo ahku mborihtaoh ahkan'kam rih, Io rih Lahca Ponyolamat ijo tonobowot,’’ hion Paulus.

IBRANI 12:2

Hondakrih topahjah ihto nitu umba Yesus, bain Io ijo mbolum porocayan ihto tutang mohaga tahkan pahtuk nyiring laiu. Yesus tahan ngarot, ang kahju sopolahki! Io eam poduli ijo mahtoi, ang kahju sopolahki rih anairih angihco hal ijo ngomia. Io tihkas ingat ahkan kojorih ijo ahkan tonginyam-Oh pongohuli. Huntuh Io tuot ang sila kotuon pododusan Pohotala tutang moretah hihco umba Io.

1 PETRUS 1:11

Iro nyolidik koloukuwoh, tutang mira hal orih ahkan nyolung, ijo konohuangoh bain Roh Kristus ijo anai ang luwang arop iro. Ang ohkot rih, Roh-Oh monujum ahkan iro, tohou karot-karot ijo harus tonyuru bain Kristus tutang tohou kohajoi-Oh ijo ahkan nutut ulimba rih.

1 PETRUS 1:3

Olailah ihto norimakasih umba Pohotala, Amai, Tuhan ihto Yesus Kristus! Io paham mongasih ihto, orih kotuluioh Io nonga ahkan ihto pombolum ijo bohua, hawui mombolum hoduli Yesus Kristus tahkan popahtoi. Tuh mononga'kan ihto harapan ijo segah.