LUKAS 22:41 - BOWOT BOHUA

⁴¹ Pongohuli rih Io tulak labih mahcu isut tahkan iro, kira-kira komahcu pukah bahtu, turus nolehku-kalopoh tutang bodo'a.

LUKAS 22:41 Iomraidhean Croise

MATEUS 26:39

Pongohuli Yesus tulak ngomahcu aropoh honjiot, turus Io nyundop ahkan tana tutang bodo'a. “Amai,” hioi-Oh, “amat tou, dian tahkan Ahku kokarot ijo Ahku harus nyuruoh tuh. Tahpi a'ai numbun konohuang-Ku, molekan numbun konohuang Amai iou.”

MARKUS 14:35

Yesus hihkas labih mahcu honjiat, turus nolehku ang tana tutang bodo'a. A'ang do'a-Oh Io nyawot, amat tou Io eam usah nyuru wayah kokarot rih.

LUKAS 18:11

Ulun Parisi rih tombok bongoi hawui bodo'a, ‘Pohotala, ahku ngohawot torimakasih ahkan-Mu, tului ahku eam kolou ulun bohkon, ijo bokuhu, curang, ata'ai hobandung. Ahku botorimakasih, tului ahku eam kolou ponagih pajak orih rih.

LUKAS 18:13

Tahpi ponagih pajak rih tombok a'ang unuk mahcu-mahcu tutang molahan eam bohanyi nokara nokuh langit. Hawui nehkap husukoh io nuhtui, ‘Pohotala, ngasirih ahku, ulun bodusa tuh!’ ’’

KESAH RASUL-RASUL 20:36

Ulijari Paulus ngumbot panderoh, io suhkuntu'ut umba iro paringoh turus bodo'a.

KESAH RASUL-RASUL 21:5

Tahpi ulijari umbot ohkotoh ihkai mohcon ang anan, ihkai nohtah iro tutang noturus ponyalan ihkai. Iro paringoh, honong anak oruhoh iro ngihtot johcok luar lowu. Ang anan ang saran kowang ihkai paring suhkuntu'ut tutang bodo'a.

KESAH RASUL-RASUL 7:60

Turus io suhkuntu'ut homboh na'ah hajo tu'u, ‘‘Tuhan ararih dusa tuh tonyombaharih nokuh isun iro!’’ Opah nuhtui kodorih io bolukang palus.

KESAH RASUL-RASUL 9:40

Petrus nyuhu iro paringoh soluka, turus Petrus nehku tu'utoh tutang bodo'a. Pongohuli io nohimo otun Dorkas tutang nuhtui, ‘‘Tabita, monyun!’’ Mahka Dorkas nguap mahtaioh, tutang kotihka io nohto Petrus, io turus tuot.

IBRANI 5:7

Ang wayah Yesus bolum ang kolunon tuh, Io bodo'a tutang nyawot umba auh kombak tutang tangihoh ahkan Pohotala, ijo sanggup monyolamat Io, tahkan popahtoi. Tutang kotului Io tunduk umba Pohotala honong tuwi horomat, mahka Io tongonahanoh.