LUKAS 22:39 - BOWOT BOHUA

³⁹ Yesus nohtah lowu tutang hihkas kolou bahutoh nokuh Puruk Zaitun, tutang murid-murid-Oh tulak ka'a homboh Io.

LUKAS 22:39 Iomraidhean Croise

MATEUS 21:1

Ohkot jari doni Yerusalem, iro johcok ang Betpage ang Puruk Zaitun. Ang anan Yesus nyuhu duo behti murid-Oh nyalan labih houn.

MATEUS 26:30

Pongohuli rih iro monyanyi ihco nyanyi tara. Tutang uliorih rih iro tulak nokuh Puruk Zaitun.

MARKUS 11:11

Kolaiuoh Yesus johcok Yerusalem, turus nyolong nokuh Lohpou Tuhan. Ang anan Io monopahjah hokodiling-Oh. Tahpi tului jari doni sohit, Io pongohuli tulak nokuh Betania hombo-homboh umba koduo balas murid-Oh.

MARKUS 11:19

Amat jari ngolomi, Yesus tutang murid-murid-Oh nohtahoh lowu rih.

MARKUS 13:3

Pongohuli Yesus hihkas nokuh Puruk Zaitun, tutang tuot ang unuk ijo hotohimo umba Lohpou Tuhan. Turus Petrus, Yakobus, Yohanes tutang Andreas lombut nokuh Io mangat bopander umba Io cara bongon.

MARKUS 14:26

Pongohuli io monyanyi ihco nyanyi tara. Tutang ulimba rih iro tulak nokuh Puruk Zaitun.

LUKAS 21:37

Yesus majar ang Lohpou Tuhan ang tohun ondou, tutang ngolomi ondouoh, Io hihkas ahkan Puruk Zaitun tutang mohcon ang anan.