LUKAS 20:47 - BOWOT BOHUA

⁴⁷ Iro nihpu balu-balu tutang ngomin lohpou'ndo. Tutang nuhtup kosalan iro rih, iro bodo'a paham ombu! Hukum ijo bahat notai iro!’’

LUKAS 20:47 Iomraidhean Croise

MATEUS 23:13

“Colahka ihkam guru-guru agama tutang ulun-ulun Parisi! Ihkam guru pura-pura. Ihkam ngapeng ulun monjadi uhkup ain Pohotala. Ihkam bongom eam kani monjadi anak uhkup ain Pohotala, tutang ulun bohkon ijo kani, ihkam ngapengjalaioh. [

MATEUS 23:14

Colahka ihkam guru-guru agama tutang ulun-ulun Parisi: Ihkam tuhkang pura-pura. Ihkam ngobalik balu-balu tutang morapas lohpouoh, tutang ahkan nuhtup koja'at orih, ihkam bodo'a ombu-ombu. Tului orih hukum ihkam noin bahat!]

MARKUS 12:40

Iro monihpu baluranda tutang mosuwit lohpouoh. Tutang ahkan ngolindung koja'at iro rih, iro bodo'a ombu-ombu. Hukuman iro noin bahat!’’

LUKAS 12:1

Bokuhjan-kuhjan ulun-ulun ngorumbung Yesus nyiring anai ijo nihcak-ngihik pa'an injahoh. Pondehan ulun-ulun rih hokorumbung, Yesus nuhtui umba murid-murid-Oh, ‘‘Bua-buah toharep ragin ulun Parisi, maksud-Ku kopura-pura'ndo.

LUKAS 20:46

‘‘Buah bojagarih toharep guru-guru agama. Iro jolik nyala-nyalan hapan jubah ijo ombu, tutang jolik ngurah horomat ang pasar-pasar. Iro jolik unuk-unuk ijo tomohoromat ang luwang lohpou sombayang tutang ang pesta-pesta.

LUKAS 21:1

Aang Lohpou Tuhan, Yesus nopahjah ulun-ulun tahtou ngipos duit'ndo nokuh luwang pohti pononga.

1 TESALONIKA 2:5

Ihkam bongom ta'an, ijo eam pu'u ihkai honyama manih, ata'ai tihpu-tihpu umba ihkam, ahkan monyuhuk konohuang-konohuang ijo bokuhu. Pohotala saksioh!

TITUS 1:16

Iro nuhtui ijo iro kosono Pohotala, padahar gawin iro ngobeleoh. Iro ngojilokoh, tutang iro eam kani te'et; iro anairih ulun-ulun ijo eam dahpot nguan ang'co ijo hinut.

YAKOBUS 3:1

Konduang-konduang! Ara aro-aro tahkan louk'kam ijo kani monjadi guru. Ihkam kota'an, ijo ihto ijo monjadi guru ahkan tomosara umba labih paham tahkan ulun bohkon.