LUKAS 19:12 - BOWOT BOHUA

¹² Yesus nuhtui, ‘‘Anai ihcobehti bongsawan ijo tulak nokuh lowu mahcu ahkan tomotuot monjadi lahca, pongohino buli.

LUKAS 19:12 Iomraidhean Croise

MATEUS 21:38

Tahpi kotihka ponggawi-ponggawi pomulan anggur rih, nohto anak tuan tana orih, iro nuhtui ihco sama ijo bohkon, ‘Nah, ahtuh io, ahli warisoh. Olai ihto munuoh, mangat ihto tepun warisoh!’

MATEUS 28:18

Yesus ngondoni iro tutang nuhtui, “Paring kowasa ang soruga tutang ang ngosan tana jari tonyorah ahkak-Ku.

MARKUS 12:1

Pongohino Yesus nopara bopander honong porobasa ahkan imam-imam kopala, guru-guru agama tutang okon-okon Yahudi rih. Yesus nuhtui, ‘‘Anairih ihcobehti ulun, ijo ngombulan ihcokolambar kombulan anggur, turus kehpan pahkotoh ang kodilingoh. Ulilimbah rih io ngali lowong unuk pokakas mohahpit anggur rih, turus io nombok ihco lohpou jaga. Ulilimbah rih io posewa pombulan anggur rih, ahkan pira-pira ponggawihasil, turus io tulak nokuh lowu bohkon.

MARKUS 16:19

Limbah Tuhan Yesus hopander umba iro, Io hogahtang ahkan soruga. Ang anan Io moretah hihco umba Pohotala.

LUKAS 20:9

Yesus mander ahkan ulun-ulun rih, porobasa pongo tuh, ‘‘Anai ihcobehti ijo ngomulan ihcokolambar kobun anggur. Io monyewaoh kobun rih, ahkan pira-pira ponggawi-ponggawi, turus botulak nokuh lowu bohkon, tutang mohcon tahi ang anan.

LUKAS 24:51

Pondehan Io nguan orih rih, Io hogahtang nokuh soruga, turus hopisah tahkan iro.

YOHANES 18:37

Mahka Pilatus ngisok umba Io, ‘‘Amat kodorih Ihko Lahca?’’ Yesus mutah, ‘‘Ihko bongom nuhtui ijo Ahku tuh Lahca. Ahku konanak tutang lombut nokuh kolunon ahkan ihco konohuang, iorih nonga kosaksian tohou komorong. Ulun ijo tahkan komorong rih ngonih Ahku.’’

KESAH RASUL-RASUL 17:31

Tului Io jari nuhkasoh sino ohkotoh mosara hopus kolunon tuh honong koadiloh. Gawi rih ahkan tonguan bain ihcobehti ijo jari ngopili Pohotala ahkan orih. Tutang ahkan paring ulun jahkin ahkan hal rih. Pohotala jari mombolumoh hoduli ulun rih tahkan popahtoi!’’

1 KORINTUS 15:25

Kristus harus turus momoretah, nyiring Pohotala nguan paring musuh Kristus, ngominda umba Kristus.

IBRANI 9:28

Kolourih ka'a, Kristus sinotikat nyorah arop monjadi porahpah ahkan mongapit dusan aro ulun. Io ahkan lombut hino aang koduo tikatoh, eam hino ahkan ngobuah soal dusa, tahpi ahkan nyolamat ulun-ulun ijo ngindoi polombut-Oh.

1 PETRUS 3:22

tutang jari nuhkat nokuh soruga. Huntuh Io bokowasa hihco umba Pohotala, tutang moretah paring molehkat, paring pongowasa honong paring koba'as.

PONGORINAH 1:7

Nohto, Io lombut ngolindung bounondou! Paring ulun ahkan nohto Io, taput ka'a iro ijo jari nyadop Io. Karon uhtus ang tana ahkan nahtum tului Io. Yo, musti! Amen!