LUKAS 17:5 - BOWOT BOHUA

⁵ Rasul-rasul nuhtui umba Tuhan Yesus, ‘‘Tuhan, ngoba'as koporocaya ihkai.’’

LUKAS 17:5 Iomraidhean Croise

MARKUS 6:30

Rasul-rasul ijo sonuhu bain Yesus rih, pongohuli buli hino, tutang hihco umba Yesus. Iro nyorihta ahkan Yesus paring ijo jari iro nguai tutang majaroh.

MARKUS 9:24

Toturus amai orih ngociak, ‘‘Tuhan, ahku porocaya tahpi kaporocaya'ku rih tahpas. Dohoprih ahku mangat labih porocaya hino!’’

LUKAS 7:13

Kotihka Tuhan Yesus nohto ulunbawi rih, Io ngasianyam umba io turus nuhtui, ‘‘Ara nangih, inai!’’

LUKAS 7:19

turus nyuhu iro hihkas nokuh Tuhan Yesus tutang ngisok Io, ‘‘Amairih ulun rih ijo ahkan lombut numbun bowot Pohotala, ata'ai harus ihkai ngindoi 'cobehti bohkon?’’

PILIPI 4:13

Umba kowasa ijo tononga Kristus ahkak'ku, ahku anai koba'as ahkan noharep kokaron kolou koada'an.

2 TESALONIKA 1:3

Konduang-konduang, ihkai toturus pahtut ngohawot torimakasih ahkan Pohotala kotului ihkam. Tutang puna kopahtutoh ihkai nguan kodorih, kotului ihkam mahi-mahi porocaya umba Kristus tutang ihkam mahi ngasi ihco umba ijobohkon.

IBRANI 12:2

Hondakrih topahjah ihto nitu umba Yesus, bain Io ijo mbolum porocayan ihto tutang mohaga tahkan pahtuk nyiring laiu. Yesus tahan ngarot, ang kahju sopolahki! Io eam poduli ijo mahtoi, ang kahju sopolahki rih anairih angihco hal ijo ngomia. Io tihkas ingat ahkan kojorih ijo ahkan tonginyam-Oh pongohuli. Huntuh Io tuot ang sila kotuon pododusan Pohotala tutang moretah hihco umba Io.