LUKAS 16:2 - BOWOT BOHUA

² Jadi io na'ah pogawai ngatuhduit orih tutang nuhtui, ‘Inon tuh ijo konahak'ku tohou ihko? Uhuntuh, nyorah ahkak'ku laporan suhkup tohou aangkonuam ngatuh ponahtou'ku. Ihko eam tou huli monjadi pogawai ngatuhduit'ku.’

LUKAS 16:2 Iomraidhean Croise

MATEUS 12:36

Jadi, ingatrih: ang Ondou Kiamat nyinong ulun harus nanggung-jawab, ngosan nyinong auhoh ijo konohawot, ijo eam boguna.

MATEUS 20:8

Cohit ondou tepun pombulan rih nuhtui umba mandoroh, ‘Na'ah rih ulun-ulun ponggawi rih tutang bayar rih upah'ndo nyinong behti, nopara tahkan ulun ijo bogawi pokopongooh, johcok umba ijo bogawi pahtukoh.’

LUKAS 12:20

Tahpi Pohotala nuhtui umba io, ‘Oi uong! Ngolomi tuh ka'a ihko ahkan mahtoi, turus iairih ijo ahkan tepun paring ponahtou'kam ijo jari tonipun'kam ahkan arop rih?’

LUKAS 12:42

Tuhan mutah, ‘‘Iai pohalu ijo te'et tutang pihtar, nyiring potuot bain tuanoh monjadi kopala, ngosan karon-pohalu bohkon ahkan io nonga iro ukun ang ohkotoh?

LUKAS 16:1

Yesus nuhtui umba murid-murid-Oh, ‘‘Anai ihcobehti ulun tahtou. Io anai tepun ihcobehti pogawai ngatuhduitoh ijo ngurus ponahtou ponuhanoh. Ulun tahtou rih norima laporan ijo pogawai ngatuhduit rih aro bokora umba duitoh.

LUKAS 16:3

Mahka pogawai ngatuhduit rih niruk, ‘Ahku harus nguan inon huntuh? Tuan'ku kani potondo ahku. Nyangkul, ahku eam ba'as; nyodahkah, ahku mia.

RUMA 14:12

Jadi ihto nyino-nyinongoh harus nanggung-jawab kokaron gawin 'to, umba Pohotala.

1 KORINTUS 1:11

Kotului ulun-ulun tahkan bobuhan Kloë mander ahkak'ku, ijo anai soaljawab ang louk ihkam.

1 KORINTUS 4:2

Ijo pahtu-pahtuk tonutut tahkan pohalu ijo kodorih, iorih ijo io bokehtep umba tuanoh.

1 KORINTUS 4:5

Kobain orih, tului jaha ohkotoh, ara ihkam joi-join nuhkas, ijo ihcobehti bosala ata'ai eam. Ngindoi iou nyiring Tuhan lombut noin. Io iou ijo ahkan nguap paring rahasia-rahasia, ijo bosuhuk a'ang kopindong. Iorih ijo ahkan ngahkas paring niat ijo hotuyuk ang luwang ahtoi ulunkolunon. Ang ohkot rih punai nyinong behti norima tahkan Pohotala tara ijo pahtut tonorimaoh.

2 KORINTUS 5:10

Kotului musti ihto paringoh ahkan konomin nokuh noharep bosaran Kristus, tutang nyino-nyinong ahkan dahpot balosoh, sorurui umba gawiuoh ang kolunon tuh – gawi pios, ata'ai ka kaja'at.

1 TIMOTEUS 4:14

Ara ihko langak hapa pononga tahkan Roh Pohotala ijo tononga ahkan'mu, ang ohkot okon-okon ukup ngina longon iro ang ngosan kuhung'mu, tutang nabi-nabi monyiar pohtoh Pohotala tohou arop'mu.

1 TIMOTEUS 5:24

Dusa 'cokobagi ulun, hounumba ponosara, jari gihtan honong tarang. Tahpi dusan ulun bohkon, punai tongota'an ulioh.

1 PETRUS 4:10

Ihkam nyino-nyinong jari norima pononga-pononga ijo hokobohkon tahkan Pohotala. Kotului orih kolou ponggawi ijo pios tahkan ponongan-ponongan Pohotala, hondakrih ihkam monggunaoh pongonduon rih ahkan kogunan sama-sama.

1 PETRUS 4:5

Tahpi iro noin, harus nonga tanggung-jawab ahkan Pohotala, ijo jari sodia ahkan mosara ulun, ijo bolum tutang ijo mahtoi.

PONGORINAH 20:12

Tutang ahku nohto ulun-ulun mahtoi, hajo, koik, tombok toharep pododusan rih. Mahka surat-surat ka tonomirang. Turus ihco kobalun surat ijo bohkon tonomirang, yorih Surat Ulun Bolum. Pongohuli hukum tongonyahtu nokuh ngosan ulun-ulun mahtoi, hotohorong umba dolang gawin iro, numbun ijo tosurat luwang surat-surat rih.