LUKAS 16:15 - BOWOT BOHUA

¹⁵ Tahpi Yesus nuhtui umba iro, ‘‘Ihkam tuh ulun ijo ang toharep ulun bohkon, topahjahoh morong, tahpi Pohotala kota'an usin ahtoi'mu. Tului inon ijo tongohu isung bain ulun, topahjahoh pinda bain Pohotala.

LUKAS 16:15 Iomraidhean Croise

MATEUS 23:5

Paring ijo tonguan'ndo baya unuk ponopahjah ulun ih. Iro ha'at hapan tali sombayang ijo lumbah, tutang pokombu rumbai-rumbai jubah iro!

MATEUS 6:16

“Amat ihkam puasa, ara boum mosom kolou ulun ijo jolik bopura-pura. Iro ngubah tapan baui, mangat paring ulun ngota'an ijo iro puasa. Ingat, orih-rih upah ijo iro jari norimaoh.

MATEUS 6:2

Jadi amat ihkam nonga sodakah ahkan ulun porosbolum, ara ngembar-ngembor hal rih, kolou ijo konuan bain ulun-ulun pura-pura. Iro ijo kani nguan orih ang luwang lohpou sombayang, tutang ang jalan-jalan hajo, mangat tonohoromat ulun. Ingat, iro jari norima upahoh.

MATEUS 6:5

“Amat ihkam bodo'a, ara kolou ulun-ulun ijo jolik pura-pura. Iro jolik bodo'a hawui tombok ang lohpou sombayang tutang sapang jalan mangat tonohto ulun. Ingat, orih upah ijo'ndo jari norimaoh.

LUKAS 10:29

Tahpi guru agama rih kani ngomorong aropoh. Io ngisok, “Iai hawui jolahak'ku rih?’’

LUKAS 11:39

Tului rih Tuhan nuhtui umbaoh, ‘‘Punaioh ihkam ulun-ulun Parisi kopahtuhoh muhi pihkan tutang piring hila luar iou, tahpi ang luwang aropoh bongoi tuwi umba kokaras tutang koja'at.

LUKAS 18:11

Ulun Parisi rih tombok bongoi hawui bodo'a, ‘Pohotala, ahku ngohawot torimakasih ahkan-Mu, tului ahku eam kolou ulun bohkon, ijo bokuhu, curang, ata'ai hobandung. Ahku botorimakasih, tului ahku eam kolou ponagih pajak orih rih.

LUKAS 18:14

‘‘Porocayarih,’’ hion Yesus, ‘‘aang ohkot buli nokuh lohpou ponagih pajak orih ijo tonorima Pohotala, tutang bohkon ulun Parisi rih. Tului nyinong ulun ijo ngondiang aropoh ahkan tongopinda; tutang nyinong ulun ijo ngopinda aropoh ahkan tonongahtang.’’

LUKAS 18:21

‘‘Paring poretah orih jari ahku molalus tahkan biou,’’ hion ulun tahtou rih.

LUKAS 18:9

Yesus monyorihta ka'a porobasa tuh, ijo tonuju-Oh ahkan ulun ijo nopahjah hina ulun bohkon, tahpi yahkin ijo aropoh bongoi pios.

LUKAS 20:20

Jadi, iro ngurah kosapet ijo pios. Iro nyuruk ulun mangat nguan kolou ulun ijo ihlas, tutang nyuhu ulun-ulun rih nyokohtung Yesus umba kisok-kisok, mangat iro duon monyarah Yesus nokuh wewenang tutang kowasa gubernur.

LUKAS 20:47

Iro nihpu balu-balu tutang ngomin lohpou'ndo. Tutang nuhtup kosalan iro rih, iro bodo'a paham ombu! Hukum ijo bahat notai iro!’’

YOHANES 2:25

Eam porulu ulun nonga kotorangan ahkai-Oh tohou iai ka, tului Io bongoi ta'an inon ijo anai ang luwang ahtoi kolunon.

YOHANES 21:17

Bagi ijo kotolu tikatoh Yesus ngisok hino umba io, ‘‘Simon anak Yona, kuwohkah ihko mongasih Ahku?’’ Petrus monjadi porosahtoioh kotului Yesus ngisok umbaoh nyiring kotolu tikat. Mahka Petrus mutah hino, ‘‘Tuhan, Tuhan ta'an kopari-paringoh, Tuhan ta'an ahku mongasih Tuhan!’’ Turus Yesus nuhtui umba io, ‘‘Nyokahtik tobiri-tobiri-Ku.

KESAH RASUL-RASUL 1:18

Yudas tuh jari duon tana kolowongoh tahkan upah potanahoh ijo ja'at. Io ngonyahtu tutang mahtoi honong butuioh borutat nyiring usin tonoiuoh soluka paringoh.

KESAH RASUL-RASUL 1:24

Turus iro bodo'a. Iro nuhtui, ‘‘Tuhan Ihko kota'an ahtoi paring ulun. Yudas jari bokisat tahkan ponuotoh, kolou rasul tutang jari mahtoi. Jadi ngorinah ahkan ihkai iai tahkan duo behti tuh ijo Tuhan mitih ahkan tononga gawi orih ngatioh Yudas.’’

KESAH RASUL-RASUL 15:8

Tutang Pohotala ijo ngosono ahtoi ulun jari ponokarahoh ijo Io norima iro; Pohotala pokarah hal-hal orih hawui nonga ahkan iro Roh Pohotala, sama kolou ijo jari tononga-Oh ahkan ihto ka'a.

RUMA 3:20

Tului earo ihcobehti ka ahkantou hokopios umba Pohotala, bain tului ulun rih, nguan hal-hal ijo sombang aang hukum agama. Podahar hukum rih tihkas pokarah ahkan ulun, ijo ulun bodusa.

RUMA 8:27

Mahka Pohotala ijo ngota'an usin ahtoi ulun, horahtiu konohuang Roh rih. Tului Roh rih nyawot ahkan Pohotala, bagi ukup Pohotala tutang tohorong umba konohuang Pohotala.

1 KORINTUS 4:5

Kobain orih, tului jaha ohkotoh, ara ihkam joi-join nuhkas, ijo ihcobehti bosala ata'ai eam. Ngindoi iou nyiring Tuhan lombut noin. Io iou ijo ahkan nguap paring rahasia-rahasia, ijo bosuhuk a'ang kopindong. Iorih ijo ahkan ngahkas paring niat ijo hotuyuk ang luwang ahtoi ulunkolunon. Ang ohkot rih punai nyinong behti norima tahkan Pohotala tara ijo pahtut tonorimaoh.

1 PETRUS 3:4

Tombalikoh, hondakrih kobohinoi'mu lombut tahkan luwang ahtoi, budi basa ijo bolomu luwah tutang teneng; orih rih kobohinoi abadi ijo paham borega numbun ponopahjah Pohotala.

1 PETRUS 5:5

Kodorih ka'a Konduang, ulun-ulun biou. Tunduk ahkan ulun-ulun ijo oko. Konduang paringoh harus ngominda arop, tutang saling mohalu honong randah ahtoi. Kotului luwang Surat Borasih tonyurat koloutuh, ‘‘Pohotala noharep ulun ijo bojuhu, tahpi kasih umba ulun ijo randah ahtoi.’’

PONGORINAH 2:23

Dolang muridoh ahkan Ahku munu ka'a mangat paring ukup borondong ijo Ahku rih Io ijo nosot tiruk tutang ahtoi kolunon. Ihkam ahkan Ahku malos numbun gawin ihkam nyino-nyinong.