LUKAS 13:13 - BOWOT BOHUA

¹³ Turus Yesus ngina longoi-Oh nokuh ngosan bawi rih, tutang aang uhun orih ka'a io tombokmorong, turus monara Pohotala.

LUKAS 13:13 Iomraidhean Croise

MATEUS 9:8

Ohkot ulun-ulun nohto ang nyolung rih, iro mihkoh tutang monara Pohotala, kotului Pohotala ius nonga kowasa ijo kodorih hajo ahkan kolunon.

MARKUS 16:18

Amat iro nambit lohi ata'ai ngorih sowui, iro eam ahkan buah colahka. Amat iro ngina longoi ang ngosan ulun-ulun ijo poros, ulun-ulun rih ahkan pios.’’

MARKUS 5:23

tutang nyawot honong paham, ‘‘Amai, anak bawi aik'ku poros paham. Kanirih kowa lombut ahkan nambitoh, mangat io pios tutang eam mahtoi!’’

MARKUS 6:5

Ang unuk rih Yesus eam kani nguan angihco kahtahelan ka'a, tihkas ngopios pira-pira ulun poros tutang ngina longoi-Oh ang ngosan iro.

MARKUS 8:25

Yesus ngina hino longoi-Oh ang mahtan ulun rih. Sino tuh ulun rih bousaha nohto sodahpot-dahpot. Mahtaioh pios, tutang io nohto paringaoh, honong jelas samasino.

LUKAS 13:12

Kotihka Yesus nohtooh, na'ahrih Io umbaoh, ‘‘Ibu, ihko pios tahkan ponyahkit'mu!’’

LUKAS 18:43

Kotihka orih ka'a io duon nohto, turus io nutut Yesus hawui ngohawot torimakasih ahkan Pohotala. Kotihka ulun aro nohto hal nyolung rih paringoh monara Pohotala.

LUKAS 4:40

Kotihka mahtanondou rahat bolop, paring ulun ngomin ahkan Yesus, konduang-konduangoh ijo poros mahca-mahcam ponyahkit. Yesus ngina longoi-Oh nokuh ngosan kuhung iro nyino-nyinong tutang ngopios iro paring.

KESAH RASUL-RASUL 9:17

Mahka Ananias tulak nokuh lohpou rih tutang ngina longoi ang ngosan Saulus, ‘‘Konduang Saulus,’’ hion Ananias, ‘‘Tuhan Yesus ijo Konduang nohto ang beteng jalan kotihka Konduang rahat ahkan ohtoi, Iorih ijo nyuhu ahku lombut, mangat ihko duon nohto hino tutang tongowasa bain Roh Pohotala.’’