LUKAS 13:11 - BOWOT BOHUA

¹¹ Ang anan anai ulunbawi ijo jari jalu balas toun poros, tului anai roh ja'at ang luwang behtiuoh. Ulunbawi rih nyohkot, tutang samasino eam duon tombokmorong.

LUKAS 13:11 Iomraidhean Croise

MATEUS 4:23

Ang Galilea, Yesus mongodiling ang sohopus tana tutang majar ang lohpau sombayang. Io mborihta Kabar Hinut, ijo Pohotala ahkan moretah. Tutang Io ka'a ngopios ulun-ulun mondam tutang cacat.

MARKUS 9:21

Turus Yesus ngisok umba amaioh, ‘‘Jari pira kotahiu io koloutuh?’’ ‘‘Tahkan io honong koik!’’ hion amaioh.

LUKAS 13:12

Kotihka Yesus nohtooh, na'ahrih Io umbaoh, ‘‘Ibu, ihko pios tahkan ponyahkit'mu!’’

LUKAS 13:16

Nah, ang ohtoi uhuntuh anai ihcobehti bawi lihit Abraham ijo jari jalu balas toun kotohiuoh konongarut bain Sehtan. Inon io eam tou tonguwat tahkan karutoh rih ang ondou Sabat?’’

LUKAS 21:28

Amatmira hal-hal orih nopara nyolung, kuat tutang ngahtang kuhung'mu, bain honjulu hino ihkam ahkan tonyolamat.’’

LUKAS 8:2

Kolourih ka'a pira-pira ulunbawi ijo jari tongopios tahkan kowasa roh ja'at tutang ponyahkit. Iro rih Maria ijo konohawot Magdalena (pihtu roh ja'at jari dian tahkan io);

LUKAS 8:27

Aang ohkot Yesus sohowu ahkan kowang, Io tonokuh bain ihcobehti bahkas ijo sonorupang roh ja'at. Ulun rih tahkan lowu. Jari tahi io eam hopokajan tutang eam kani mohcon ang lohpou. Io tihkas kani mohcon ang lowong-lowong unuk tanom.

LUKAS 8:43

Ang loukoh anai hino ihcobehti ulunbawi ijo jari duo balas toun poros tongondaha ijo hotutung umba kobulanan. Io jari ngo'opah karon-ramuioh tului botawas umba dokter, tahpi eam aro ijo tou ngopios io.

KESAH RASUL-RASUL 3:2

Ang anan ang baun gerbang ijo konohawot ‘‘Bauntukang Bohinoi,’’ anai ihcobehti ulunbahkas ijo bolomu tahkanpahtukoh konanak. Nyinong ondou ulun orih omin nokuh anan mangat nyodahkah nokuh ulun-ulun ijo nyalan nokuh Lohpou Tuhan.

KESAH RASUL-RASUL 4:22

Ulun ijo nginyam kopios ijo helan rih, jari labih tahkan ohpat pulu toun umuroh.