LUKAS 12:32 - BOWOT BOHUA

³² ‘‘Ihkam ijo tihkas koik jamalahoh ara mihkoh! Tului Amai'kam sanang nonga ahkan'kam borehkat tahkan Pomoretah-Oh.

LUKAS 12:32 Iomraidhean Croise

MATEUS 14:27

Tahpi Yesus turus na'ah iro, “Tenengrih! Ahku Yesus. A'ai mihkoh!”

MATEUS 20:16

Turus Yesus nuhtui hino, “Kolourih ka'a ulun-ulun ijo kolaiou, ahkan monjadi ijo pahtukoh, tutang ulun-ulun ijo pahtukoh monjadi ijo kolaiou.”

MATEUS 25:34

Pongohuli Lahca rih nuhtui umba ulun-ulun ang hila koto'ui-Oh, ‘Nokuhohtoi ihkam ijo tomorehkat bain Amai-Ku. Nyolong nokuh Kolahca'an ijo tonyodia ahkan'kam tahkan pahtuk kolunon.

MATEUS 7:15

“Rondo-rondong toharep nabi-nabi polasu. Iro lombut nokuh ihkam hobukus bulu tobiri, tahpi iro kotu'ui kolou horomaung ijo bosiak.

LUKAS 10:21

Aang ohkot rih ka'a, Yesus jorih tului konowasa bain Roh Pohotala. Yesus nuhtui, ‘‘Amai, Tuhan ijo mongowasa langit tutang tana! Ahku norimakasih ahkan-Mu, tului paring orih Ihko ngulimoh tahkan ulun-ulun ijo pitar tutang boilmu, tahpi Ihko ngorinah ahkan ulun-ulun ijo eam pitarhorahti. Orih ijo ngojorih ahtoi Amai.

YOHANES 18:36

Yesus mutah, ‘‘Kolahcak-Ku eam tahkan kolunon tuh. Jahkaoh kolahcak-Ku tahkan kolunon tuh, ulun-ulun aik-Ku ahkan ngolawan mangat Ahku ara tonyorah ahkan okon-okon ulun Yahudi. Tahpi puna kolahcak-Ku eam tahkan kolunon tuh!’’

KESAH RASUL-RASUL 20:28

Hondakrih ihkam monjaga arop tutang monjaga ka'a sohopus ukup ijo jari tonosarah Roh Pohotala ahkan'kam ahkan tonojaga. Tului ihkam jari konahtang monjadi ponuneng ukup rih. Pios ihkam jorih monjaga ukup Pohotala rih kolou sokahtik monjaga tobiri-tobirioh. Tului Pohotala jari ngonjorian ukup rih aiu-Oh bongoi, nguha popahtoi Anak-Oh bongoi.

KESAH RASUL-RASUL 20:29

Soponulakoh ahku, musti ahkan lombut kokaro harimaung ijo bosiak nokuh tohun ihkam. Tutang ulun-ulun ijo ihkam monjaga rih ahkan ukun harimaung-harimaung rih.

RUMA 6:23

Tului popahtoi orih rih uhpah tahkan dusa, tahpi pombolum sojahti tutang kototahiu hihco umba Kristus Yesus Tuhan ihto, anairih pononga ijo tonongaoh bain Pohotala honong cuma-cuma.

1 KORINTUS 1:21

Kotului koloukuwoh ka kopihtaroh kolunon, io eam dahpot kosono Pohotala nguha kopihtaroh bongoi. Tahpi justru kobain Pohotala pihtar, mahka Io nohuang nyolamat ulun-ulun ijo porocaya umba Io, nguha borihta ijo ihkai nyiaroh ijo tongohu auh alik kobain kolunon.

PILIPI 2:13

kotului Pohotala bongoi, ijo bogawi ang luwang arop'kam, ahkan nguan ihkam rela tutang sanggup nyanang ahtoi Pohotala.

2 TESALONIKA 1:11

Orih kotuluioh ihkai toturus bodo'a ahkan'kam. Ihkai bodo'a mangat Pohotala ngonjorian ihkam layak ahkan bolum numbun kohondak-Oh; ahkan orih rih Io na'ah ihkam. Keleh Pohotala umba kowasa-Oh, molalus kojolik-Oh, ahkan nguan kopios. Tutang nyoporuna paring gawi ijo ihkam nguaioh, tului porocaya umba Kristus.

2 TESALONIKA 1:5

Tutang ang ohtoi rih korinah eaminon adiloh bosara Pohotala: Ihkam jari ngarot kotului Kolunon Bohua Ain Pohotala, tutang tului orih ihkam ahkan tongohu layak ahkan nyolong nokuh luwangoh.

IBRANI 12:28

Kotului orih, hondakoh ihto ngohawot torimakasih ahkan Pohotala, kotului ihto norima tahkan Io ihco kolahca'an ijo eam dahpot tonoruhkuh. Hondakrih ihto norimakasih tutang sombayang ahkan Pohotala hawui horomat tutang mihkoh, numbun cara ijo tongojolik baiu-Oh bongoi.

YAKOBUS 2:5

Ingatrih, Konduang-konduang ijo tonokasih. Ulun ijo porosbolum ang kolunon tuh, tonopili Pohotala ahkan monjadi ulun ijo tahtou a'ang kaporocaya. Ulun-ulun rih ahkan monjadi ukup ain Pohotala, kolou ijo tonobowot Pohotala ahkan ulun ijo mongasih-Oh.

2 PETRUS 1:11

Umba kolourih ihkam ahkan tononga hak tuwi ahkan nyolong Kolahca'an ijo kototahiu tahkan Tuhan tutang Lahca Ponyolamat ihto Yesus Kristus.

PONGORINAH 1:6

tutang ngonjorian ihto ihco uhtus khusus, imam-imam ijo mohalu Pohotala, Amai-Oh. Yesus Kristus orihrih, ijo hajo tutang bokowasa ahkan turus-jahamoh. Amen.

PONGORINAH 22:5

Iro eam ahkan porulu sumbu ata'ai koloang mahtanondou, tului ngolomi eam anai hino, tutang Tuhan Pohotala bongoi ahkan ngoroloang iro. Mahka iro ahkan moretah kolou lahca ahkan turus-jahamoh.