LUKAS 12:21 - BOWOT BOHUA

²¹ Kolourih kojoriai umba nyinong ulun ijo bousaha monjadi tahtou ahkan arop, tahpi eam bousaha monjadi tahtou ang mahtan Pohotala.’’

LUKAS 12:21 Iomraidhean Croise

LUKAS 12:33

Modagangoh ponahtou'mu, tutang nongarih duitoh ahkan ulun porosbolum. Naparih ahkan'kam kambut ijo eam dahpot kupit, iorih ponahtou ijo tongina ang soruga. Ponahtou rih eam tou nihou bain ponahkou eam duon ngomiuoh, tutang somahtoi eam duon morusakoh.

LUKAS 16:11

Jadi, amat tohou ponahtou kolunon tuh, ihkam jari eam duon tomorocaya, iai kani momporocaya ahkan'mu ponahtou rohani?

LUKAS 6:24

Tahpi colahkarih ihkam ijo tahtou uhuntuh; tului ihkam jari nginyam komomih-kopioioh!

RUMA 2:5

Tahpi ihkam mahang kuhung tutang eam kani hubah. Bain tului orih ihkam bongomrih ijo ngambot hukum'mu monjadi tambah bahat aang Ondou Kiamat, amat Pohotala ngorinah kosangit-Oh tutang momuatoh hukum ijo adil.

2 KORINTUS 6:10

Oluka ahtoi ihkai tongoporos ahtoi, tahpi ihkai hototurus jorih ka'a. Ihkai topahjahoh porosbolum, tahpi ihkai jari nguan aro ulun monjadi tahtou. Topahjahoh ihkai eam anai ngina ino-inon tahpi kotu'ui ihkai jari ngina paring-aangoh.

1 TIMOTEUS 6:9

Tahpi ulun ijo kani monjadi tahtou, tonihkos tutang tojorat bain bomahca-mahcam kojolikoh, ijo uong tutang ijo morusak. Kojolik-kojolik orih nguan ulun monjadi lonyuh tutang colahka.

YAKOBUS 2:5

Ingatrih, Konduang-konduang ijo tonokasih. Ulun ijo porosbolum ang kolunon tuh, tonopili Pohotala ahkan monjadi ulun ijo tahtou a'ang kaporocaya. Ulun-ulun rih ahkan monjadi ukup ain Pohotala, kolou ijo tonobowot Pohotala ahkan ulun ijo mongasih-Oh.

PONGORINAH 2:9

Ahku ta'an kosusah-kosusah ihkam; Ahku ta'an ihkam porosbolum, tahpi kotu'uioh ihkam tahtou! Ahku ta'an patanah-patanah ijo tonyahkah toharep'kam bain ulun-ulun ijo ngahku aropoh Yahudi padahal eam, iro anairih ukup Sehtan.