LUKAS 11:41 - BOWOT BOHUA

⁴¹ Ijo anai luwang pihkan tutang piring'kam rih, iorih ihco harus ihkam nongaoh ahkan ulun-ulun porosbolum. Umba cara kolourih, paringoh ahkan monjadi borasih ahkan'kam.

LUKAS 11:41 Iomraidhean Croise

MATEUS 26:11

Ulun porosbolum toturus anai ang louk ihkam, tahpi Ahku eam hototurus jaham hihco ihkam.

MATEUS 5:42

Amat ulun nyawot aangihco umba'kam tonga ahkaioh. Tutang ara ka'a nulak ulun ijo kani nginyam aangihco tahkan ihko.”

MARKUS 7:19

Tului ijo nyolong rih eam nyuru ahtoi, tahpi nyuru butui, tutang pongohuli soluka hino.’’ Umba auh-auh rih Yesus ngorinah ijo paring uhkun rih borasih.

LUKAS 12:33

Modagangoh ponahtou'mu, tutang nongarih duitoh ahkan ulun porosbolum. Naparih ahkan'kam kambut ijo eam dahpot kupit, iorih ponahtou ijo tongina ang soruga. Ponahtou rih eam tou nihou bain ponahkou eam duon ngomiuoh, tutang somahtoi eam duon morusakoh.

LUKAS 16:9

Turus Yesus nuhtui hino, hioi-Oh, ‘‘Ngonihrih! Haparih ponahtou kolunon tuh unuk ngurah jolahan, mangat amat ponahtou kolunon tuh jari eam aro regai hino, ihkam ahkan tonorima ang unuk mohcon ijo kototahiuoh.

LUKAS 18:22

Ngonih orih, Yesus nuhtui, ‘‘Magun anai ihco hal, ijo harus ihko nguaioh: Modagangrih paring ramun'kam, nongarih duitoh ahkan ulun porosbolum, tutang ihko ahkan duon ponahtou ang soruga. Uliorih lombut ngahasu Ahku.’’

LUKAS 19:8

Pongohino rih ang lohpouoh, Zakheus tombok tutang nuhtui umba Yesus, ‘‘Tuhan soparu tahkan ponahtou'ku ahkan ahku nyadahkahoh ahkan ulun porosbolum; tutang iai beweu ijo pu'u ahku nihpuoh, ahkan ahku bayar huli ahkaioh opat kali lihpet!’’

KESAH RASUL-RASUL 10:15

Tahpi auh orih nuhtui hino umba io, ‘‘Inon ijo jari tonuhtui borasih bain Pohotala, ara ihko ngohuoh kojilok.’’

KESAH RASUL-RASUL 11:29

Mahka paring murid Yesus rih pahkat ahkan ngirim pononga ahkan konduang-konduang ijo mohcon ang Yudea; nyinong-behti nonga numbun koduonoh.

KESAH RASUL-RASUL 24:17

Ulijari pira-pira toun eam anai ang Yerusalem, ahku huli nokuh anan, turus ngihtot duit pondohop ahkan uhtus'ku tutang ahkan nonga porahpah ahkan Pohotala.

2 KORINTUS 8:12

Amat ihkam rela nonga, mahka Pohotala ahkan norima ponongan'kam rih, hogalang inon ijo anai aang ihkam, eam hogalang inon ijo eam anai aangihkam.

EPESUS 4:28

Ulun ijo biasa nahkou harus tondo nahkou. Sobalik io harus bogawi mangat ngonduon bolanjaoh honong bujur tutang duon dohop ulun ijo bokotahpas.

TITUS 1:15

Kokaron ang'co, anairih borasih ahkan ulun-ulun ijo borasih. Tahpi bagi ulun-ulun ijo tirukoh ja'at tutang ijo eam porocaya, eam anai ang'co ka ijo borasih, tului tiruk tutang ahtoi-bua iro jari ja'at!

IBRANI 13:16

Ara nolingou, nguan ang pios, tutang saling hodohop, tului jituh porahpah-porahpah, ijo ngojorih ahtoi Pohotala.

IBRANI 6:10

Pohotala eamoh Pohotala ijo eam adil. Io eam nolingou, inon ijo ihkam nguairih bagi-Oh, tutang asi ijo ihkam nunjukrih ahkai-Oh, angohkot ihkam dohop konduang-konduang samakoporocaya, ijo houn tutang uhuntuh.

YAKOBUS 1:27

Kote'et boagama, ijo borasih tutang sojahti numbun topahjah Pohotala, Amai iorih; mondohop anak-anak nulo uhus tutang balu-balu ijo ngarot, tutang monjaga arop bongon mangat ara tonorusak bain kolunon tuh.