LUKAS 11:22 - BOWOT BOHUA

²² Tahpi amat ihcobehti, ijo molowi ba'as monyarang tutang mopokalah io, mahka ulun ijo molowi ba'as rih ahkan ngomin paring sonjata ijo konina bain tehpun lohpou rih, turus hobagi-bagi paring ramui-ramuioh.

LUKAS 11:22 Iomraidhean Croise

LUKAS 11:21

Amat ihcobehti ijo ba'as, tutang bosonjata cukup, ngindoi lohpouoh bongoi, paring ramuioh ahkan solamat.

LUKAS 11:23

Ulun ijo eam barih Ahku, kotu'uioh molawan Ahku tutang ulun ijo eam dohop Ahku, kotu'ui io ngakas gawik-Ku!’’

EPESUS 6:11

Hapanih paring pokahkas ijo tononga bain Pohotala ahkan'kam, mangat ihkam dahpot tahan molawan siasat-siasat bokolilit ijo paham tahkan Sehtan.

EPESUS 6:13

Tului orih, huntuh, hapanih koparing pokahkas ain Pohotala, mangat aang ondou ijo ja'at, ihkam sanggup molawan sorangan-sorangan musuh. Tutang mangat uli ihkam hokolahi johcok laiuoh, ihkam magun ba'as meteng.

KOLOSE 2:15

Aang sopolahki rih, Kristus nguan kokaro roh-roh ijo moretah tutang bokowasa monjadi eam bodaya hino. Iro jadi tutunan ulun aro, ang ohkot Kristus mongiring iro kolou tawanan a'ang pawai komanang-Oh.

1 YOHANES 3:8

Tahpi ulun ijo hototurus nguan dusa anairih anak Sehtan, kotului Sehtan bodusa tahkan pahtuk. Ahkan tuhrih Anak Pohotala lombut yorih ahkan polonyuh gawin Sehtan.

1 YOHANES 4:4

Tahpi anak-anak'ku, ihkam ain Pohotala. Ihkam jari ngalah nabi-nabi polasu, tului Roh ijo anai aang'kam labih bokowasa tahkanumba roh ijo anai aang ulun-ulun ain kolunon tuh.