LUKAS 10:2 - BOWOT BOHUA

² ‘‘Bua ijo tongohtom aro,’’ hioi-Oh umba iro, ‘‘tahpi ponggawi ahkan ngohtomoh baya honjiot. Tului rih nyawot umba Tepui umo rih, mangat Io ngirimoh ponggawi mangat ngohtom bua umoi-Oh.

LUKAS 10:2 Iomraidhean Croise

MATEUS 20:1

“Amat Pohotala moretah, koada'aioh kolou porobasa tuh: Ihcobehti tepun pombulan anggur soluka uhun ngohkos ngurah ulun ahkan bogawi ang pombulan angguroh.

MARKUS 13:34

Koada'aioh, nindung ihcobehti ulun, ijo nohtah lohpouoh turus tulak nokuh unuk ijo mahcu. Io nyarah ahkan pohalu-pohalu mohaga lohpouoh, tutang nonga karon-gawi ahkan iro nyino-nyinong behti. Ahkan pongindoi bauntukang, io mohtoh ahkan ngindoi moro-morong.

MARKUS 16:15

Turus Yesus nuhtui umba iro, ‘‘Tulak'kam, nokuh sohapus kolunon, tutang momborihta ohrih Kabar Hinut tahkan Pohotala rih, ahkan paring ukup kolunon.

MARKUS 16:20

Mahka murid-murid-Oh tulak momborihta Kabar Hinut tahkan Pohotala nokuh umo-umoh. Tutang Tuhan ka umba bogawi homboh umba iro, tutang ngorinah nguha kahtahelan-kahtahelan, ijo tononyiar iro rih tu'u.] [

LUKAS 9:1

Yesus na'ah koduo balas murid-Oh, turus nonga ahkan'ndo kowasa ahkan muhko roh ja'at tutang ngopios ponyahkit.

KESAH RASUL-RASUL 11:19

Uliius Stepanus tomunu, ulun-ulun ijo porocaya umba Yesus nopara tohoduru-duru, nyiring iro rawu-riai nokuh umo-umoh. Anai ijo nokoru dahpot nokuh Penisia, tutang anai hino ijo johcok Siprus tutang Antiokhia. Iro mborihta kabar tahkan Pohotala tihkas ahkan ulun-ulun Yahudi iu.

KESAH RASUL-RASUL 13:2

Kotihka iro rahat sombayang ahkan Tuhan tutang puasa, Roh Pohotala nuhtui umba iro, ‘‘Ngopili Barnabas doro Saulus, mbarih ahkak-Ku, mangat iro nguan gawi ijo jari Ahku nuhkasoh ahkan iro.’’

KESAH RASUL-RASUL 13:4

Tului tonyoruhan bain Roh Pohotala, Barnabas tutang Saulus botulak nokuh Seleukia. Tahkan anan iro bolayar nokuh pulou Siprus.

KESAH RASUL-RASUL 20:28

Hondakrih ihkam monjaga arop tutang monjaga ka'a sohopus ukup ijo jari tonosarah Roh Pohotala ahkan'kam ahkan tonojaga. Tului ihkam jari konahtang monjadi ponuneng ukup rih. Pios ihkam jorih monjaga ukup Pohotala rih kolou sokahtik monjaga tobiri-tobirioh. Tului Pohotala jari ngonjorian ukup rih aiu-Oh bongoi, nguha popahtoi Anak-Oh bongoi.

KESAH RASUL-RASUL 22:21

Tahpi Tuhan nuhtui hino umba ahku, ‘Tulakrih iou, tului Ahku ahkan nyuhu ihko tulak nokuh unuk ijo mahcu ahkan ulun-ulun bohkon uhtus Yahudi.’ ’’

KESAH RASUL-RASUL 8:4

Ulun-ulun porocaya ijo rawu-riai rih mborihta Kabar Hinut tahkan Pohotala rih nokuh umo-umoh ka'a.

1 KORINTUS 12:28

Kodorih ka'a ang luwang ukup, Pohotala jari nahtap unuk ahkan mahca-mahcam ulun; Ijo pahtuk rasul-rasul, koduo nabi-nabi kotolu guru-guru, turus iro ijo nguan kahtahelan-kahtahelan, pongohuli iro ijo tononga pononga ahkan ngopios ulun, ata'ai ahkan ndohop ulun bohkon, ata'ai monjadi okonulun, ata'ai ka ahkan bopander umba mahca-mahcam basa ijo helan.

1 KORINTUS 15:10

Tahpi tului asin Pohotala ahku monjadi kolou ahku ijo uhuntuh. Tutang eam porocuma Pohotala ngapun ahku. Justru ijo bogawi labih karas tahkan paring rasul ijo bohkonoh. Tahpi orih kotu'uioh, bohkon usaha aik'ku, orih usaha Pohotala ijo ngasi ahku, tutang ijo bogawi hombo-homboh ahku.

2 KORINTUS 6:1

Tului ihkai bogawi hombo-homboh umba Pohotala, mahka ihkai nyawot hawui tu'u-tu'u, a'ai ihkam mohonou kopios ahtoi Pohotala rih.

PILIPI 2:21

Paring ijo bohkonoh baya urusan aiu bongoi iou, eam kogunan Yesus Kristus.

PILIPI 2:25

Tohou konduang ihto Epafroditus ijo ihkam nyuhu mangat dohop ahku, ahku komo porulu ahkan nyuhu io hoduli ahkan ihkam. Io ius mambai ahku a'ang gawi tutang kolahik'ku.

PILIPI 2:30

Ahkan gunan gawin Kristus, io korenga iou mahtoi; io nyarah hasongoh, ahkan nonga pondohop ahkak'ku, ngosan aran ihkam.

KOLOSE 1:29

Ahkan monyapai hal rih, ahku bogawi paham. Ahku molawan honong paring koba'asarop ijo tononga Kristus ahkak'ku, tutang ijo bogawi luwang arop'ku hawui kotuwi kowasa.

KOLOSE 4:12

Tahbe tahkan Epafras. Io ka'a tahkan barih'kam. Io jihpon Kristus Yesus ijo toturus bodo'a hawui tehen ahkan ihkam. Io nyawot honong paham ahkan Pohotala, mangat koyahkin'kam monjadi ba'as tutang ihkam moro-morong kolou ulun oko, mangat ihkam hawui soporuna bokehtep umba konohuang Pohotala.

1 TESALONIKA 2:9

Tontu ihkam magun ingat, koloukuwoh kokarasoh ihkai bousaha tutang hokolawan. Hondou ngolomi ihkai bogawi, mangat ihkai eam nyusah ihcobehti ka tahkan ihkam, 'co-ohkot ihkai mborihta Kabar Hinut ijo tahkan Pohotala rih ahkan'kam.

1 TESALONIKA 5:12

Konduang-konduang, ihkai nyawot hawui paham, mangat ihkam morega ulun-ulun ijo bogawi ang tohun-tohun ihkam, iorih iro ijo jari tomitih bain Tuhan ahkan niting tutang ningak ihkam.

2 TESALONIKA 3:1

Laiuoh, Konduang-konduang, bodo'arih ahkan ihkai. Bodo'a mangat borihta tahkan Tuhan dahpot toturus tayap hawui jion tutang tonorima honong pios, sama kolou ijo jari nyolung aang ihkam soun.

1 TIMOTEUS 4:10

Orihrih kotuluioh, ihto kolahi tutang bogawi paham, kotului ihto moharap sotuwioh umba Pohotala ijo bolum; Iorih Ponyolamat paring ulun, kopahtukoh sosino ulun-ulun ijo porocaya.

2 TIMOTEUS 4:5

Oluka kodorih, ihko harus ngowasaoh arop'mu a'ang koada'an koloukuwoh ka. Tabahrih a'ang kokarot lalusrihiou tugas'mu kolou pomborihta Kabar Hinut rih, tutang molalusoh rih honong ko-hinu-hinutoh, kopahtut'mu ahkan mohalu Pohotala.

PILEMON 1:1

Konduang Pilemon, jolahan tutang sobat ihkai! Ahku, Paulus, ihcobehti ulun tohukum kotului Kristus Yesus, homboh umba konduang ihto Timoteus, nyurat surat tuh ahkan'mu,

IBRANI 3:6

Tahpi Kristus bokehtep kolou Anak, ijo botanggung-jawab ngosan Lohpou Pohotala. Tutang ihto tuhrih Lohpou Pohotala, amat ihto tahtap bosomangat tutang tahtap yakin ahkan ngondahpot inon ijo ihto harapoh.

PONGORINAH 2:1

‘‘Ahkan molehkat ukup ang Epesus, nyurat koloutuh: Tuhrih pohtoh tahkan Io ijo nambit kopihtu potion ang longoi koto'ui-Oh, tutang nyalan ang holat kopihtu owuh sumbu bulou rih.