LUKAS 1:2 - BOWOT BOHUA

² Iro nyurat hotohorong umba ijo jari tomorihta ahkan ihto bain ulun-ulun ijo nohto bongoi karonaang nyolung orih tahkan pahtukoh, tutang pongohino mborihtaoh kabar orih.

LUKAS 1:2 Iomraidhean Croise

MARKUS 1:1

Tuhrih Kabar Hinut tohou Yesus Kristus, Anak Pohotala.

MARKUS 16:20

Mahka murid-murid-Oh tulak momborihta Kabar Hinut tahkan Pohotala nokuh umo-umoh. Tutang Tuhan ka umba bogawi homboh umba iro, tutang ngorinah nguha kahtahelan-kahtahelan, ijo tononyiar iro rih tu'u.] [

MARKUS 4:14

Pongumo orih, iorih ulun ijo mborihta kabar tahkan Pohotala.

LUKAS 24:48

Ihkamrih saksi-saksi tahkan paringoh rih.

YOHANES 15:27

Tutang ihkam ka'a harus nonga kosaksian tohou Ahku, tului ihkam jari hihco Ahku tahkan pahtukoh.

YOHANES 16:4

Tahpi huntuh Ahku nuhtui rih ahkan'kam, mangat amat orih nyolung noin, ihkam mongingat ijo Ahku jari mborihtaohrih ahkan ihkam.’’ ‘‘Hal tuh eam Ahku mborihtaoh ahkan'kam tahkan pahtukoh, kotului Ahku magun hihcoumba ihkam.

KESAH RASUL-RASUL 1:3

Uliumba Io mahtoi, kotahin ohpat pulu ondou Io bojoin ngorinah arop-Oh umba cara ijo bokorinah samasino ahkan rasul-rasul rih ijo Io puna tu'u bolum. Iro nohto Io, tutang Io hopander umba iro tohou koloukuwohoh Pohotala moretah kolou Lahca.

KESAH RASUL-RASUL 1:8

Tahpi ihkam ahkan duon kowasa, amat Roh Pohotala jari lombut ahkan'kam. Tutang ihkam ahkan monjadi saksi-saksi ahkak-Ku ang Yerusalem ang hapus Yudea, ang Samaria tutang nyiring topahkan tana.’’

KESAH RASUL-RASUL 14:25

Tutang uliorih iro mborihtaoh auh Pohotala ang Perga, iro tulak nokuh Atalia.

KESAH RASUL-RASUL 16:6

Roh Pohotala, eam mongijin Paulus doro Silas mborihta auh Pohotala ang Propinsi Asia. Jadi ponyalan iro turus nokuh tana Pirigia tutang Galatia.

KESAH RASUL-RASUL 17:11

Ulun-ulun Berea labih bokuap ahtoi'ndo, tahkan ulun-ulun ang Tesalonika. Honong sanang ahtoi iro ngonih borihta tohou Yesus tutang nyinong ondou iro moriksa Surat Borasih ahkan ngota'an inon ajar Paulus rih morong.

KESAH RASUL-RASUL 26:16

Kuatiou tutang tombok! Ahku ngorinahoh arop ahkan'kam, hawui konohuang ahkan potuot ihko monjadi pohalu-Ku. Ihko harus monjadi pomborihta Kabar Hinut ahkan ulun bohkon, inon ijo ihko nohtooh ondou tuh tohou Ahku, tutang tohou inon ijo Ahku ahkan ngorinahoh ahkan'kam noin, aang ohkot ijo ahkan lombut.

KESAH RASUL-RASUL 4:20

Tului ihkai eam tou tondo mborihta tohou inon ijo jari ihkai nohto tutang konahan 'kai.’’

KESAH RASUL-RASUL 8:4

Ulun-ulun porocaya ijo rawu-riai rih mborihta Kabar Hinut tahkan Pohotala rih nokuh umo-umoh ka'a.

RUMA 15:16

Io ius ngojorian ahku monjadi pohalu Kristus Yesus ahkan sonuhu, ahkan nokuh uhtus-uhtus ijo bohkon Yahudi. Tutang ahku molalusoh kolou imam, ijo mborihta Kabar Hinut tahkan Pohotala, mangat ulun-ulun ijo bohkon Yahudi, monjadi ihco ponyorahan ahkan Pohotala, ijo dahpot tonorima baiou-Oh. Keleh Roh Pohotala napa iro monjadi ihco ponyorahan ijo khusus bagi Pohotala.

1 KORINTUS 4:1

Ngohurih ihkai pohalu-pohalu Kristus ijo botanggung-jawab mborihtaoh rancana-rancana Pohotala ijo jaha tongota'an kolunon.

IBRANI 2:3

Mahihino umba kosolamatan ijo labih hebat tahkan pohtoh-pohtoh rih! Amat ihto eam anai poduli toharep kosolamatan rih, ihto puna botatu eam ahkan luhput tahkan hukuman. Tului Tuhan bongoirih ijo pahtu-pahtukoh mborihta kosolamatan rih, tutang ulun ijo sula-sulak lomoi ngonihoh, jari mombuktioh komorongoh ahkan ihto.

1 PETRUS 5:1

Ahku nyawot monohtoani, dolang okon ukup'mu. Ahku nyurat tuh kolou jolahan okon, tutang kolou ulun ijo jari monyaksioh bongoi kongarot Kristus, tutang ijo ahkan umba ka'a konohajooh, amat noin kohajon Kristus tongorinah ahkan ulun. Ahku nyawot hawui paham,

2 PETRUS 1:16

Ang ohkot ihkai momborihta ahkan'kam, eaminon kohajoioh polombut Tuhan ihto Yesus Kristus, ihkai eam bohahpang aang dongeng-dongeng kabar-alik bain kolunon. Kohajon Yesus Kristus rih jari ihkai nohtooh umba mahta kuhung bongon.