IBRANI 2:3 - BOWOT BOHUA

³ Mahihino umba kosolamatan ijo labih hebat tahkan pohtoh-pohtoh rih! Amat ihto eam anai poduli toharep kosolamatan rih, ihto puna botatu eam ahkan luhput tahkan hukuman. Tului Tuhan bongoirih ijo pahtu-pahtukoh mborihta kosolamatan rih, tutang ulun ijo sula-sulak lomoi ngonihoh, jari mombuktioh komorongoh ahkan ihto.

IBRANI 2:3 Iomraidhean Croise

MATEUS 23:33

Ihkam ja'at tutang puna uhtus ulun ja'at! Koloukuwoh ka'a ihkam duon monyolamat arop'kam tahkan hukuman ijo ang norahka?

MATEUS 4:17

Tahkan ohkot orih Yesus nopara mborihta, “Hubah tahkan dusa-dusan'kam, tului Pohotala ahkan jeleng moretah kolou Lahca!”

MARKUS 1:14

Uliorih Yohanes ponosolong ang sipir, Yesus tulak nokuh Galilea, tutang nyiar Kabar Hinut tahkan Pohotala ang anan.

LUKAS 1:2

Iro nyurat hotohorong umba ijo jari tomorihta ahkan ihto bain ulun-ulun ijo nohto bongoi karonaang nyolung orih tahkan pahtukoh, tutang pongohino mborihtaoh kabar orih.

LUKAS 1:69

Io nonga ihto ponyolamat, ijo meteng-mamut lihit Dawid, jihpoi-Oh.

LUKAS 24:19

‘‘Angihcojari inon?’’ hion Yesus. ‘‘Angihcojari ijo nyolung umba Yesus, ulun tahkan Nasaret orih,’’ mutah iro, ‘‘Io Nabi. Auhtuhtui-Oh tutang karon gawi-gawi-Oh bokowasa samasino – pios numbun topahjah Pohotala, oluka numbun topahjah paring ulun.

YOHANES 15:27

Tutang ihkam ka'a harus nonga kosaksian tohou Ahku, tului ihkam jari hihco Ahku tahkan pahtukoh.

KESAH RASUL-RASUL 2:22

Konduang-konduang, ulun-ulun Israel! Ngonihrih inon ijo ahku nuhtuioh tuh: Yesus ulun Nasaret rih jari nonga tugas bain Pohotala ahkan konduang. Orih korinah sasino aang kahtahelan-kahtahelan tutang hal-hal luar-biasa ijo Pohotala nguaioh ang louk ihkam hopatou Yesus Kristus. Paring ohrih konduang bongon jari kota'an.

KESAH RASUL-RASUL 4:12

Tihkas nguha Yesus iou ulun duon solamat. Tului ang sohapus Kolunon, ang louk ulun eam aro ihcobehti bohkon ka ijo ngonduon kowasa tahkan Pohotala ahkan monyolamat ihto.’’

RUMA 11:14

Ahku moharap ahku dahpot polombut hiri ahtoi aang uhtus aik bongok, mangat umba jalan orihrih ahku duon nyolamat ihcokobagi tahkan iro.

RUMA 2:3

Tahpi ihkam, Konduang-konduang, nguanoh bongor ka'a hal-hal ijo ihkam ndawaoh ahkan ulun-ulun bohkon! Tutang ihkam niruk ihkam duon liwus tahkan hukum Pohotala?

1 KORINTUS 1:21

Kotului koloukuwoh ka kopihtaroh kolunon, io eam dahpot kosono Pohotala nguha kopihtaroh bongoi. Tahpi justru kobain Pohotala pihtar, mahka Io nohuang nyolamat ulun-ulun ijo porocaya umba Io, nguha borihta ijo ihkai nyiaroh ijo tongohu auh alik kobain kolunon.

1 TESALONIKA 5:3

Amatmira ulun nuhtui: ‘‘Paringoh aman tutang tentram,’’ mahka aang ohkot rih solenga iro ahkan tonopahas korusak tutang eam ihcobehti ka duon lolos. Hal orih ahkan nyolung songola, kolou anyam poros nganak, ijo nopahas ihcobehti bawi ijo ahkan nganak.

1 TIMOTEUS 1:15

Tu'u-tu'u morong auh tuh – bain orih pahtutrih tonorima tutang tomorocaya holowioh, ‘‘Kristus Yesus lombut nokuh kolunon tuh ahkan nyolamat ulun bodusa.’’ Tutang ahku rih ulun bodusa ijo paling ja'at.

TITUS 2:11

Tului Pohotala jari pokarah ponongaasi-Oh, guna nyolamat paring ukup kolunon.

IBRANI 1:1

Aang jaman lomoi aro tikat Pohotala hopander umba tahtu ajuh ihto nguha nabi-nabi tutang hapa mahca-mahcam cara.

IBRANI 1:14

Amat kolourih molehkat-molehkat rih, inon kotu'uioh? Iro anairih roh-roh ijo mohalu Pohotala, tutang ijo sonuhu Pohotala ahkan dohop ulun-ulun ijo ahkan norima kosolamatan.

IBRANI 1:2

Tahpi ang jaman laiou tuh, Io nuhtui umba ihto nguha Anak-Oh. Nguha Anak-Oh Pohotala naoi aangpindalangit tuh. Tutang Pohotala ius nahtap ijo Anak-Oh tuhrih ka'a ijo bohak tepun kokaro aangihco.

IBRANI 12:25

Tului rih bua-buahrih, ara nyiring ihkam eam kani ngonih Io ijo pander rih. Iro ijo eam kani ngonih Io ijo jari lombut nokuh tana, tutang monyiar borihta tahkan Pohotala, eam duon mokila arop. Inonhino ihto tuh, ijo ngonih Io ijo bopander tahkan soruga! Amat ihto eam kani ngonih-Oh, Amoh ahkantou ihto duon luhput!

IBRANI 4:1

Nah, bowot Pohotala magun tohapan, tutang ihto ahkan tononga nondobo'o ijo tonobowot-Oh. Jadi, hondakrih ihto bojaga, mangat ara anai ihcobehti ka tahkan louk ihkam, ijo korinah eam komo nondobo'o-Oh ijo tonobowot orih.

IBRANI 4:11

Kotului orih, olairih ihto bousaha tu'u-tu'u ahkan norima nondobo'o ijo nobowot Pohotala rih. Ara nyiring ihcobehti ka tahkan ihto gagal kolou iro lomoi, kotului eam porocaya ahkan Pohotala.

IBRANI 5:9

Mahka uliius Io tomonjadi ponyolamat ijo soporuna, Io monjadi luwangtohasak solamat ijo kototahiu bagi paring ulun ijo te'et umba Io,

IBRANI 9:28

Kolourih ka'a, Kristus sinotikat nyorah arop monjadi porahpah ahkan mongapit dusan aro ulun. Io ahkan lombut hino aang koduo tikatoh, eam hino ahkan ngobuah soal dusa, tahpi ahkan nyolamat ulun-ulun ijo ngindoi polombut-Oh.

1 YOHANES 1:1

Usin surat tuh tohou Auh ijo mononga pombolum, yorih Auh ijo jari anai tahkan pahtuk nopara. Ihkai jari ngonihoh, tutang ihkai jari nohtooh, umba mahtan ihkai bongon. Ihkai jari nopahjahoh, tutang jari nambitoh umba longon ihkai.

YUDAS 1:17

Tahpi Konduang-konduang'ku ijo tonongasih! Ingatrih ahkan inon ijo soun tomborihta, bain rasul-rasul Tuhan ihto Yesus Kristus.

PONGORINAH 7:10

Turus umba auh ijo muhing iro bososurak, ‘‘Kosolamatan ihto, polombutoh tahkan Pohotalan ihto, ijo tuot ang ngosan pododusan; tutang tahkan Anak Tobiri rih!’’