IBRANI 1:3 - BOWOT BOHUA

³ Io ijo nyingahoh kohajon Pohotala ijo gilang-gomilang; Io rih gambar ijo ngorinah tahkan behtin Pohotala bongoi. Io ka'a ijo mohaga kotehen angpindalangit tuh umba auh-Oh, ijo paham kowasai. Ulijari Io nongajalantou ulun ahkan tomorodehka tahkan dusa-dusan iro, Io monuot ang pododusan pomoretah ang soruga, samasama umba Pohotala, Pongowasa ijo palingdiang.

IBRANI 1:3 Iomraidhean Croise

MATEUS 22:24

“Amai Guru,” hion'ndo, “Museh majar koloutuh: Amat ihcobehti bahkas mahtoi, tutang io eam nohtah anak, konduangarioh harus kawin umba baluoh mangat nonga koturunan ahkan ulun ijo jari mahtoi rih.

MARKUS 16:19

Limbah Tuhan Yesus hopander umba iro, Io hogahtang ahkan soruga. Ang anan Io moretah hihco umba Pohotala.

YOHANES 1:14

Auh jari monjadi ulun, Io mohcon ang louk ihto, tutang ihto jari nohto kohajoi-Oh. Kohajoi orih tonorima-Oh kolou anak tukan Amai. Nguha Io ihto nohto Pohotala tutang kasih-Oh ahkan ihto.

YOHANES 1:29

Anghawun ondouoh Yohanes nohto Yesus lombut ahkaioh. Turus Yohanes nuhtui, ‘‘Nohto, orihrih Anak Tobirin Pohotala ijo ngapit dusan kolunon.

YOHANES 1:4

Auhrih tohasak pombolum, tutang pombolum nonga koloang ahkan kolunon.

KESAH RASUL-RASUL 2:33

Io hogahtang nokuh ponuotoh ijo isung tutang ahkai tononga kowasa bain Pohotala, turus norima Roh Pohotala ijo jari tonobowot bain Amai. Tutang ijo ihkam huntuh, tuh ngonih tutang nohto anairih, Roh rih ijo Io nusuhoh ahkan ihkai.

KESAH RASUL-RASUL 7:56

‘‘Nohto,’’ hion Stepanus, ‘‘ahku nohto soruga bokuap tutang Anak Ulun tombok ang hila kotoun Pohotala!’’

RUMA 1:16

Ahku porocaya samasino ahkan Kabar Hinut rih, tului kabar rih anairih kowasan Pohotala ahkan monyolamat paring ulun ijo porocaya; pahtuk pahtukoh ulun Yahudi, tutang uhtus bohkon ka'a.

RUMA 8:34

Inonrih anai ulun ijo kani monosalan ihto? Kristus Yesus noin ijo ndohop ihto! Iorih ijo jari mahtoi, ata'ai malahan Iorih ijo jari tonobolum hoduli tahkan popahtoi, tutang anai hihco Pohotala, ang unuk ijo bokowasa.

2 KORINTUS 4:4

Hotala ja'at ijo ngowasa kolunon tuh, nuhtup tiruk ulun-ulun ijo eam porocaya rih. Iorih ijo ngapeng-ngahana iro, mangat iro eam nohto koloang tahkan Kabar Hinut rih, tohou kohajon Kristus ijo hosuhtu gambar Pohotala.

KOLOSE 3:1

Ihkam jari tonombolumoh hoduli hombo-homboh umba Kristus. Bain orih harus ihkam bousaha ahkan ngondahpot hal-hal ijo ang soruga, ang amoh Kristus moretah hihco umba Pohotala.

TITUS 2:14

Io jari moporahpah arop-Oh bagi ihto, ahkan momorodehka ihto tahkan kokaro koja'at, tutang ngonjorian ihto ihco ukup ijo morodehka tahkan dusa, tutang ijo monjadi Aiu-Oh iou, hawui ijo rajin nguan ang hinut.

IBRANI 1:13

Pohotala eam pu'u nuhtui koloutuh ahkan ihcobehti molehkat ka, ‘‘Tuotrih angsila kotouk-Ku nyiring musuh-musuh'mu Ahku ngominda umba ihko.’’

IBRANI 10:12

Sobalikoh Kristus, monyorah baya sino porahpah ahkan pongapun dusa, tutang porahpah rih nyolung ahkan turus-jahamoh. Ulijari monyorahoh porahpah rih, Yesus tuot ang sila kotoun Pohotala tutang moretah sama-sama umba Io.

IBRANI 12:2

Hondakrih topahjah ihto nitu umba Yesus, bain Io ijo mbolum porocayan ihto tutang mohaga tahkan pahtuk nyiring laiu. Yesus tahan ngarot, ang kahju sopolahki! Io eam poduli ijo mahtoi, ang kahju sopolahki rih anairih angihco hal ijo ngomia. Io tihkas ingat ahkan kojorih ijo ahkan tonginyam-Oh pongohuli. Huntuh Io tuot ang sila kotuon pododusan Pohotala tutang moretah hihco umba Io.

IBRANI 4:14

Orih rih kotuluioh ihto harus botambit tehen aang pongahkuan koporocayan ihto. Kotului ihto anaitepun Imam Hajo ijo hajo, ijo jari nyolong johcok nokuh husuk Pohotala – Iorih Yesus Anak Pohotala.

IBRANI 7:27

Io eam kolou imam-imam hajo ijo bohkon, ijo nyinong ondou harus monyorah pononga kotului dusa-dusan iro bongoi lomoi, punai tului dusa-dusan ukup. Yesus nyorah porahpah tihkas sino tikat ahkan turus-jahamoh, ohkot Io monyorah arop-Oh bongoi monjadi porahpah.

IBRANI 8:1

Pu'un tahkan paring pander tuh, iorih: Ihto anai tepun Imam Hajo ijo kolourih, ijo tuot moretah homboh Pohotala Paling Hajo ang soruga.

IBRANI 9:16

Amat anai surat warisan, harus ka'a anai buktioh ijo ulun ijo napa surat rih jari mahtoi.

IBRANI 9:26

Tului amat kolourih, orih rimai: Io jari dulangduli ngarot, tahkan kolunon tuh tona'oi. Tahpi korinahoh, huntuh aang jaman laiu tuh, Io lombut sinotikat iou ahkan mongapit dusa hawui monyorah arop-Oh bongoi.

1 PETRUS 1:21

Nguha Iorih ihkam porocaya ahkan Pohotala, ijo jari ngombolum Io hoduli tahkan popahtoi, tutang mopohajooh. Jadi, Pohotalarih ijo ihkam porocayaoh tutang ahkan Pohotalarih ka'a ihkam ngina koharapan.

1 PETRUS 3:22

tutang jari nuhkat nokuh soruga. Huntuh Io bokowasa hihco umba Pohotala, tutang moretah paring molehkat, paring pongowasa honong paring koba'as.

2 PETRUS 1:16

Ang ohkot ihkai momborihta ahkan'kam, eaminon kohajoioh polombut Tuhan ihto Yesus Kristus, ihkai eam bohahpang aang dongeng-dongeng kabar-alik bain kolunon. Kohajon Yesus Kristus rih jari ihkai nohtooh umba mahta kuhung bongon.

2 PETRUS 1:17

Ihkai anai ang anan, kotihka Io tohoromat, tutang tonohajo bain Pohotala, Amai. Ang ohkot rih konahan auh tahkan Ijo Mahahoromat ijo homouh umba Io, ‘‘Tuhrih Anak-Ku ijo Ahku ngasih-Oh. Io ngonjorih ahtoi-Ku!’’

1 YOHANES 1:7

Tahpi amat ihto bolum ang luwang koloang, koloukuwoh Pohotala anai ang luwang koloang, mahka ihto bolum heret, rukun ihco sama ijobohkon, tutang dahan Yesus, Anak-Oh muhi ihto tahkan kokaro dusa.

1 YOHANES 3:5

Ihkam ta'an, ijo Kristus lombut ahkan muhi dusa-dusan kolunon, tutang ijo eam aro dusa aang arop-Oh.

YUDAS 1:25

Iorih ihco-ihcooh Pohotala, Ponyolamat ihto nguha Yesus Kristus Tuhan ihto. Iorih Pohotala ijo tonohoromat Hajo, Bokowasa tutang Bopongaroh tahkan jaman houn lomoi nyiring huntuh tutang ahkan turus-jahamoh! Amen.

PONGORINAH 3:21

Iro ijo manang, ahkan Ahku ngijin-Oh tuot ang pododusan Aik-Ku hihco Ahku, sama kolou Ahku bongok ka jari manang, tutang huntuh tuot hihco Amai-Ku ang pododusan-Oh.

PONGORINAH 4:11

‘‘Yo Tuhan, yo Pohotalan ihkai! Ihko iourih ijo pahtut norima tara, horomat, tutang kowasa. Kotului Ihko iou pona'oi karo ang'co, tutang ngosan kohondak-Mu ka'a karo ang ang'co rih jari nyolung tutang bolum.’’