IBRANI 1:2 - BOWOT BOHUA

² Tahpi ang jaman laiou tuh, Io nuhtui umba ihto nguha Anak-Oh. Nguha Anak-Oh Pohotala naoi aangpindalangit tuh. Tutang Pohotala ius nahtap ijo Anak-Oh tuhrih ka'a ijo bohak tepun kokaro aangihco.

IBRANI 1:2 Iomraidhean Croise

MATEUS 13:39

Musuh ijo morawuh luang tingon, orih rih Sehtan. Ohkot kohtom io rih Ondou Kiamat, tutang ulun-ulun ijo ngohtom orihrih molehkat-molehkat.

MATEUS 17:5

Pondehan Petrus magun hopander baunondou ijo boloang sino ngapuh'ndo tutang tahkan baunondou rih konahan auh ijo nuhtui, “Tuhrih Anak-Ku ijo Ahku ngasih-Oh, Io nyanang ahtoi-Ku. Ngonih Io!”

MATEUS 21:38

Tahpi kotihka ponggawi-ponggawi pomulan anggur rih, nohto anak tuan tana orih, iro nuhtui ihco sama ijo bohkon, ‘Nah, ahtuh io, ahli warisoh. Olai ihto munuoh, mangat ihto tepun warisoh!’

MATEUS 26:63

Tahpi Yesus tonih ih. Sino hino imam hajo ngisok umba Io, “Honong Pohotala ijo bolum, nuhtuirih ahkan 'kai. Inon Ihko Lahca Ponyolamat Anak Pohotala?”

MATEUS 28:18

Yesus ngondoni iro tutang nuhtui, “Paring kowasa ang soruga tutang ang ngosan tana jari tonyorah ahkak-Ku.

MATEUS 3:17

Uliorih konahan auh Pohotala nuhtui, “Jituh Anak-Ku ijo Ahku ngasih-Oh. Io ngojorih ahtoi-Ku.”

MARKUS 1:1

Tuhrih Kabar Hinut tohou Yesus Kristus, Anak Pohotala.

MARKUS 12:6

Iai rih hino ijo tou tongirim huntuh bain tepun komulan rih? Tihkas mohcon ihcobehti, yorih anak aiu bongoi ijo unuk kosayangoh. Jadi, kojoriaioh io ngirim anakoh orih ahkan ponggawi-ponggawi. ‘Musti anak'ku tuh ahkan tomohoromatoh,’ tiruk tepun pombulan.

MARKUS 12:7

Tahpi ponggawi-ponggawi rih hopahkat sama aropoh, ‘Tuh io ahli warisoh. Has ihto munu io, mangat ihto duon warisoh tuh!’

YOHANES 1:10

Auh anai ang kolunon, kolunon tonapa nguha Io, tahpi kolunon eam kosono-Oh.

YOHANES 1:14

Auh jari monjadi ulun, Io mohcon ang louk ihto, tutang ihto jari nohto kohajoi-Oh. Kohajoi orih tonorima-Oh kolou anak tukan Amai. Nguha Io ihto nohto Pohotala tutang kasih-Oh ahkan ihto.

YOHANES 1:3

Kokarooh tonapa nguha Io, tutang tahkan kokaro ijo anai, eam ihco ka tonapaoh earo Io.

YOHANES 13:3

Yesus ta'an ijo Amai jari nonga paring kowasa ahkai-Oh. Io ta'an ka'a ijo Io lombut tahkan Pohotala tutang ahkan buli nokuh Pohotala.

YOHANES 13:32

Amat Pohotala konohajo nguha Io, Io ka'a ahkan konohajo bain Pohotala nguha arop-Oh bongoi. Malah Pohotala ahkan mopohajo Io honong jeleng.

YOHANES 15:15

Ihkam eam hino Ahku na'ah jihpon, tului jihpon eam ta'an inon ijo rahat tonguan tepuioh. Ihkam Ahku na'ahoh sobat kotului paring ijo Ahku ngonih tahkan Amai, jari Ahku nyorihtaoh ahkan'mu.

YOHANES 16:15

Paring ijo anai ang Amai anairih aik-Ku. Orih kotuluioh Ahku nuhtui ahkan'kam ijo inon ijo tonyiaroh Roh ahkan'kam, tonorima-Oh tahkan Ahku.’’

YOHANES 17:2

Amai jari nonga kowasa ngosan sohopus ukup kolunon ahkan Anak, mangat Io nonga pombolum sojahti tutang kototahiu, ahkan paring ulun ijo Amai nongarih ahkai-Oh.

YOHANES 3:16

Kotului Pohotala kodorih ngasih ulun ang kolunon tuh, nyiring Io nonga Anak-Oh ijo tukan, mangat nyino-nyinong ulun ijo porocaya umba Io eam binasa, molehkan norima pombolum sojahti tutang kototahiu.

YOHANES 3:25

Pira-pira murid Yohanes hosomba'anauh umba ulun Yahudi tohou aturan muhiarop.

YOHANES 5:26

Kolou Amai bongoi tohasak pombolum, kodorih ka Io ponjadi Anak-Oh tohasak pombolum ka'a.

YOHANES 5:27

Io jari nonga ahkan Anak-Oh hak ahkan mosara, tului Io Anak Ulun.

YOHANES 9:29

Ihkai ta'an ijo Pohotala jari nuhtui umba Museh. Tahpi tohou ulun orih ihkai eam ta'an tahkan umoh asar-Oh.’’

KESAH RASUL-RASUL 10:36

Konduang-konduang jari kota'an usin borihta ijo Pohotala johcokoh ahkan uhtus Israel. Borihta orih, anairih Kabar Hinut tohou kobuah nguha Yesus Kristus, yorih Tuhan paring ulun.

KESAH RASUL-RASUL 2:17

Pohotala nuhtui, ‘Ang lain jaman Ahku ahkan nusuh Roh-Ku nokuh isun paring ulun. Anak-anak'kam ijo bahkas tutang anak-anak'kam ijo bawi ahkan mborihta ahkan'kam hal-hal ijo Ahku mborihtaoh ahkan'ndo. Ulun-ulun biumu ahkan nohto hal-hal ijo Ahku ngorinahoh ahkan iro. Ulun-ulun oko'kam ahkan nuhpi dolang nuhpi ijo Ahku nonga ahkan'ndo.

RUMA 1:4

tahpi socara ko-Pohotala-Oh Io korinah anairih Anak Pohotala. Orih nyahta umba kobasa ijo luar biasa nguha komonyun Aiu tahkan popahtoi.

RUMA 8:17

Nah, amat ihto anairih anak-anak-Oh, mahka ihto ka norima waris-Oh ijo tonahtap bain Pohotala ahkan anak-anak-Oh. Ihto ahkan norima hombo-homboh umba Kristus inon ijo jari tonahtap Pohotala ahkai-Oh, tului amat ihto ngarot umba Kristus, ihto ahkan tonohoromat ka'a homboh Io.

1 KORINTUS 2:7

Kopihtar ijo ahku nyorihtaoh tuh, iorih kopihtar tahkan Pohotala. Kopihtar rih eam tongota'an kobain kopihtaran kolunon, tahpi Pohotala jari nahtap ahkan kosanang ihto sounumba kolunon tuh jari tona'oi.

1 KORINTUS 8:6

Tahpi bagi ihto, Pohotala tihkas ihco. Io Amai ijo na'oi karon aang'co. Ahkai-Oh ihto bolum. Tutang Tuhan tihkas ihco ka'a, iorih Yesus Kristus. Nguha Io karon angihco tona'oi, tutang kotului Io mahka ihto bolum.

GALATIA 4:4

Tahpi ang ohkotoh ijo kona, Pohotala nyuhu Anak-Oh nokuh kolunon. Anak-Oh rih tonganak bain ihcobehti bawi, tutang bolum ang pinda kowasan hukum agama.

EPESUS 1:10

Rancana orih, iorih, mangat kokaron angihco, pios ijo ang soruga, oluka ijo ang tana, monjadi ihco umba Kristus kolou kopala. Tutang hal orihrih ahkan tonongopah bain Pohotala amat ius johcok ohkotoh.

EPESUS 3:9

tutang ka'a mangat nguha ahku paring ulun taan, koloukuwoh Pohotala, Pona'oi aangpindalangit tuh, molalus rancana-Oh ijo tahkan hounlomoi tonosuhuk ahkan kolunon.

IBRANI 1:5

Eam pu'u Pohotala nuhtui koloutuh, ahkan ihcobehti molehkat ka, ‘‘Ihkorih Anak-Ku; aang ondou tuh Ahku monjadi Amai'mu.’’ Eam pu'u hino Pohotala nuhtui koloutuh, tohou molehkat ijo amohka, ka'a, ‘‘Ahku ahkan monjadi Amaioh tutang Io ahkan monjadi Anak-Ku.’’

IBRANI 1:8

Tahpi ahkan Anak rih Pohotala nuhtui, ‘‘Pododusan-Mu yo Pohotala ahkan kototahiu turus-jahamoh! Pomoretah-Mu anairih pomoretah ijo Adil.

IBRANI 11:3

Tului koporocaya, mahka ihto horahti ijo pindalangit tuh tona'oioh bain auh Pohotala; jadi, inon ijo duon tonohto, nyolung tahkan inon ijo eam dahpot tonohto.

IBRANI 2:3

Mahihino umba kosolamatan ijo labih hebat tahkan pohtoh-pohtoh rih! Amat ihto eam anai poduli toharep kosolamatan rih, ihto puna botatu eam ahkan luhput tahkan hukuman. Tului Tuhan bongoirih ijo pahtu-pahtukoh mborihta kosolamatan rih, tutang ulun ijo sula-sulak lomoi ngonihoh, jari mombuktioh komorongoh ahkan ihto.

IBRANI 3:6

Tahpi Kristus bokehtep kolou Anak, ijo botanggung-jawab ngosan Lohpou Pohotala. Tutang ihto tuhrih Lohpou Pohotala, amat ihto tahtap bosomangat tutang tahtap yakin ahkan ngondahpot inon ijo ihto harapoh.

IBRANI 4:14

Orih rih kotuluioh ihto harus botambit tehen aang pongahkuan koporocayan ihto. Kotului ihto anaitepun Imam Hajo ijo hajo, ijo jari nyolong johcok nokuh husuk Pohotala – Iorih Yesus Anak Pohotala.

IBRANI 5:8

Yesus rih anairih Anak Pohotala, tahpi oluka kolourih, Io bolajar monjadi te'et nguha kokarot-Oh.

IBRANI 7:28

Hukum agama Yahudi, potuot ulun ijo eam soporuna monjadi imam hajo. Tahpi pongohino tahkan aturan rih, Pohotala napa bowot honong tulut, ijo Io potuot kolou Imam Hajo, Anak ijo ius monjadi Ponyolamat ijo soporuna ahkan turus-jahamoh.

IBRANI 7:3

Tohou Melkisedek tuh eam anai kotorangan ang umoh ka, ijo io anai amai ata'ai inai ata'ai tahtu ajuh; eam anai ka'a kotorangan tohou konanakoh ata'aika popahtoioh. Io sama kolou Anak Pohotala; io rih anairih imam ijo kototahiu.

IBRANI 9:26

Tului amat kolourih, orih rimai: Io jari dulangduli ngarot, tahkan kolunon tuh tona'oi. Tahpi korinahoh, huntuh aang jaman laiu tuh, Io lombut sinotikat iou ahkan mongapit dusa hawui monyorah arop-Oh bongoi.

1 PETRUS 1:20

Kristus tonopili bain Pohotala hounumba kolunon tona'oi. Tutang aang ondou-ondou donisapai laiu jaman tuh, Io lombut nokuh kolunon mangat ihkam tonyolamat-Oh.

2 PETRUS 3:3

Sula-sulakoh ihkam harus ngota'an, ijo aang ondou-ondou laiu, ahkan lombut ulun-ulun ijo pombolumoh konowasa bain kojolik bolai iro bongoi. Iro ahkan hololea ihkam

YUDAS 1:18

Iro mborihta labih soun ahkan'kam, ijo doni lain jaman, ahkan lombut ulun-ulun ijo ahkan hololenge ihkam, io rih ulun-ulun ijo bolum numbun kojolik-kojolik iro ijo bodusa.