Марк 4:8 - Од Соткс Новый Завет на мордовском-мокша языке 2016

⁸ А кона-кона видьмотне прасть пара мода лангс, нолдасть лисьфкат, лисьфкятне кассть и эрь нетькскять эзда шачсь колмогемонь, кодгемонь и нльне сядонь видьмоня».

Марк 4:8 Iomraidhean Croise

Матфей 13:23

Цебярь модас видеф видьмось тя ся, кие марясы валть и шарьхкодьсы сонь. Сон канды сёрода сядоксть, кодгемоньксть, колмогемоньксть сяда лама видефть коряс».

Матфей 13:8

А конат-конат прасть пара модас и кандсть сёра сядоксть, кодгемоньксть, колмогемоньксть сяда лама видефнень коряс.

Марк 4:20

А лиятне ся видьмотнень лацот, конатнень видезь пара модас. Ся ломаттне кульсазь валть и сувафнесазь ваймозост, и синь кандыхть од видьмот – кие колмогемонь, кие кодгемонь, кие сядонь видьме».

Марк 4:7

Конат-конат прасть сялги тише ёткс. Сялги тишесь кассь и опаптозень лисьфкятнень, сяс синь ашесть канда раштафкс.

Марк 4:9

И мярьгсь Иисус: «Кинь улихть кули пиленза, ся катк кульсы!»

Лука 8:15

Цебярь модас прафне, нят сят, кит ляпе и ару седисост марясазь валть, ванфтсазь сонь и кирдемшкаснон вельде каннихть раштафкс». Азомок тянь, ювадсь: «Кинь улихть кули пиленза, катк кульсы!»

Лука 8:8

А конат-конат прасть пара модас, синь кассть и кандсть сядонь-крда раштафкс». Тянь азомда меле Иисус ювадсь: «Кинь улихть кули пиленза, ся катк кульсы!»

Иоанн 15:5

Мон – виноградонь почксь, а тинь – тараткятне. Кие Монь эсон и Монга эсонзан, ся максы лама иможда. Моньфтомон тейнть мезевок аф тиеви.

Иоанн 7:17

Кие ёрай тиендемс Сонь мяленц коряс, ся кармай содамонза: Шкайть эзда тя тонафтомась, али Мон Эсьстон корхтан.

Апостолхнень тевсна 17:11

Тястонь эряйхне фессалониканнетнень коряс ульсть сяда панжада ваймот. Синь оцю мяльса кулхцондозь Павелонь валонц Пара кулять колга и эрь шиня тонафнезь-ванозь Сёрматфксть: видеть али аф корхтасы Павел.

Павелонь сёрмац Ефесу 2:21

Сонь Эсонза кудть сембе пяльксонза кемоста кирдихть марса и касыхть иняру кудкс Азорть эса.

Павелонь сёрмац Филиппав 1:11

и канттада лама видексшинь иможда, конат касыхть Иисус Христость вельде Шкайть иневалдонцты и шнаманцты.

Павелонь сёрмац Колоссав 1:6

кона тяни пачкодсь тейнть. Тя кулясь келеми и канды цебярь имошт сембе масторга. Сон тинь ётксонтка касы и канды имошт ушедомок ся шиста, мзярда тинь кулесть сонь и шарьхкодесть Шкаень пароказнеть тяфтамкс, кодама сон афкукс ули.