Марк 3:5 - Од Соткс Новый Завет на мордовском-мокша языке 2016

⁵ Иисус кяжиста варжакстсь лангозост, ризназевсь синь калгода седиснон инкса, и мярьгсь коське кядь ломанти: «Венептьк кядцень». Сон венептезе, и кядец арась шумбракс, омбоцеть лаца.

Марк 3:5 Iomraidhean Croise

Матфей 12:13

Сяда меле корхтай сярядити: «Венептьк кядцень». Ся венептезе, и кядец арась шумбракс омбоцеть лаца.

Марк 3:4

А фарисейхнень кизефтезень: «Койть коряс, мезе тиема ваймамань шиня, цебярь али кальдяв тев? Идемс ломанень эряфть али юмафтомс сонь?» Синь кашт ашесть моле.

Лука 13:15

Но Азорсь каршезонза мярьгсь: «Шамафксонь канни! Дяряй аф эрсь ёткстонт юкссекшнесы буканц али осёлонц ваймамань шиня и вятнесы симома?

Лука 17:14

Няемстост Иисус мярьгсь тейст: «Арда, няфтеда пря озксвятихненди». Молембачк синь аруясть урмадост.

Лука 6:10

Сон ётафтозе ванфонц сембонь ланга, сяльде мярьгсь ся ломанти: «Венептьк кядцень». Ся тись стане; и сонь кядец пчкясь.

Иоанн 9:7

и мярьгсь тейнза: «Архт штак Силоамса», тя эшеляма вастть лемоц шарьхкодема кода «кучф». Сокорсь мольсь, штась и мрдась меки няи сельмот.

Павелонь сёрмац Риму 11:25

Кемай ялгат, монь мялезе панжемс тейнть фкя салаваши, кона ванфттядязь тинь надиямада аньцек эсь смузьшинтень лангс: седиень калготкстомась, кона сатозе Израилень ломаттнень финц пяльксснон, таргави аф сембе пингонди. Сон таргави аньцек снярс, мзярс аф пяшкоди лия тналонь ломаттнень лувкссна, конатненди сама Шкайти.

Павелонь омбоце сёрмац Коринфу 3:14

Но синь ёньцна-седисна калготкстомсть, и сяс тячемс, Ташта Сотксть лувомста, тяка вельхтердась ляткшни лангсост, сяс мес тя вельхтердась валхтови аньцек Христость вельде.

Павелонь сёрмац Ефесу 4:18

Синь шарьхкодемасна шобдалгодсь, синь аертфт Шкаень эряфть эзда эсь аф содамошиснон и казяма седиснон инкса.

Павелонь сёрмац Ефесу 4:26

Кяжиямста тяда пра пежес. Мирендада шить валгомда инголе

Павелонь сёрмац Ефесу 4:30

И тясть пичефте Шкайть Иняру Ваймопожфонц, конаса тинь тяштькстафтада Шкаень ломанькс идемань шить самс.

Еврейхненди сёрмась 3:10

Сяс Монь састь кяжне синь лангозост и мярьгонь: "Синь седисна фалу бралги и синь ашель мяльсна содамс Монь кинень".

Еврейхненди сёрмась 3:17

И кинь лангс Шкайсь ульсь кяжи нильгемонь киза? Кали аф сятнень лангс, конат сувасть пежес и конатнень пакарьсна илядсть шавмодаса?

Еврейхненди сёрмась 5:9

И мзярда тянь вельде арась прокс анококс, Сон тиевсь пефтома пингс идемань кандыкс сембонди сятненди, конат кулхцондсазь Сонь,

Иоаннонди панчф няйфкс 6:16

Ня ломаттне ювадсть панттненди и кевбанда прятненди: «Прада лангозонк и кяшемасть оцязоронь вастть лангса Озадоть шамадонза и Верозть кяждонза!