Марк 1:1 - Од Соткс Новый Завет на мордовском-мокша языке 2016

¹ Иисус Христость, Шкайть Цёранц, Пара кулянц ушетксоц.

Марк 1:1 Iomraidhean Croise

Матфей 14:33

Венчса улихне прасть Иисусть пильгс и мярьгсть: «Афкукс, Тон Шкайть Цёрацат».

Матфей 17:5

Мзярда сон нинге корхтась, валдтонга валда ковол тавадозень синь. Коволста кулевсь вайгяль: «Тя Монь кельгома Цёразе, Монь кенярдема вастозе. Кулхцондость Сонь!»

Матфей 3:17

И менельста кулевсь вайгяль: «Тя Монь кельгома Цёразе, Монь кенярдема вастозе».

Матфей 4:3

Маладсь Тейнза варчсись и мярьгсь: «Кда Тон Шкаень Цёрат, мярьк ня кефненди арамс кшикс».

Лука 1:35

Ангелсь каршезонза мярьгсь: «Иняру Ваймопожфсь сай лангозт, Инь Вярденнеть виец вельхтятанза тонь; сяс шачи Идняське ули иняру и лемдеви Шкаень Цёракс.

Иоанн 1:14

Валсь арась ломанькс и эрясь ётксонк пароказнеда и видешида пяшкотьфста. И минь няеськ Сонь оцюшинц, ся оцюшить, кона максф фкя-тяка Цёрати Алянц эзда.

Иоанн 1:34

Мон тянь няине и азондса: Сон – Шкайть Цёрац».

Иоанн 1:49

Нафанаил пшкядсь Тейнза: «Равви! Тон – Шкайть Цёрацат, Тон – Израильть Оцязороцат».

Иоанн 20:31

А мезсь сёрматф, сёрматф вага мезенди – кемаледе: Иисус – тя Христоссь, Шкайть Цёрац, и Тейнза кемазь, тейнть ули максф эряф Сонь вельденза.

Иоанн 3:16

Вдь Шкайсь сяшкава кельгозе масторлангть, нльне максозе фкя-тяка Цёранц, вага мезенди: афоль юма-ара Эзонза фкявок кемайсь, а сатолезе пефтома пингонь эряфть.

Иоанн 6:69

И минь кармаме кемама и лац шарьхкодеськ: Тон Христоссят, эряй Шкайть Цёрацат».

Апостолхнень тевсна 1:22

ушедомок ся пингста, мзярда Иоанн кстиндазе Сонь, и ся шити самс, мзярда Иисус сявфоль эздонк менели. Эздост фкясь катк ули минь мархтонк марса Сонь кулофнень эзда вельмаманц колга азондыкс».

Апостолхнень тевсна 13:24

Иисусонь самдонза инголе Иоанн тердезе Израилень марнек ломаньтналть шарфтомс Шкайти и кстиндафтомс пря.

Павелонь сёрмац Риму 8:3

Мезе ульсь аф вийс коре койти, кона лафчель минь колаф обуцяньконь сюнеда, сянь тиезе Шкайсь. Сон озксказнекс минь пеженьконь инкса кучезе масторлангти Эсь фкя-тяка Цёранц, конань ронгоц ульсь пежу ломаттнень ронгснон лаца. Тяфта Сон судендазе ломанень пежеть Христость ронгонц вельде.

Павелонь сёрмац Риму 8:32

Шкайсь, кона ашезе ужяльде Эсь Цёранц, а максозе Сонь куломас минь сембонь инксонк, дяряй аф макссы тейнек Сонь мархтонза семботь лиятьке?