Иоанн 7:4 - Од Соткс Новый Завет на мордовском-мокша языке 2016

⁴ Вдь кивок мезевок аф тиенди сёпозь, кда сонць вешенди арамс содавиксокс. Кда Тон тиендят тяфтама тефт, няфтьк пряцень сембе масторлангти».

Иоанн 7:4 Iomraidhean Croise

Матфей 23:5

Семботь тиендьсазь аньцек ломаттненди няфтеманкса. Кодама оцюфт и келихть Сёрматфксть мархта коробканясна и кодама кувакат панарсост цёкне!

Матфей 4:6

и корхтай Тейнза: «Кда Тон Шкаень Цёрат, ёрдак пря алу, вдь сёрматф: "Шкайсь кошардсыне ангелонзон ванфтомс тонь, и кядьсост канттядязь тонь, афоль пупорда тонь пильгце кев лангс"».

Матфей 6:16

«Мзярда кирттяда пост, тяда уле сюнерьготфокс, кода шамафксонь каннихне. Синь якайхть сюнерьготфста, сяс мес ёрайхть няфтемс: кирдихть пост. Видеста корхтан тейнть: синь ни сявозь эсь казнеснон.

Матфей 6:5

«И мзярда озонттада, тяда уле, кода шамафксонь каннихне. Синь кельгсазь синагогаса и ошть ульцянзон ужева озондомс, няелезь синь ломаттне. Видеста корхтан тейнть: синь ни сявозь эсь казнеснон.

Лука 6:45

Цебярь ломанць эсь седиенц козяшиста лихти цебярь, а кяжи ломанць эсь седиенц козяшиста лихти кяж; вдь мезьда пяшксе ломанть седиец, ся и лиси кургстонза».

Иоанн 18:20

Иисус каршезонза мярьгсь: «Мон корхнень масторлангти панжада, сембонь ингольде. Мон най тонафтонь синагогава и Шкаень кудса, коза еврейхне фалу пуромкшнихть марс. Салава мезевок ашень корхне.

Иоанн 7:3

Иисусонь брадонза мярьгсть Тейнза: «Тук тяста и архт Иудеяв, эста Тонь тонафнихневок няйсазь тефнень, конатнень Тон тиендьсайть.

Иоанн 7:5

Брадонзовок ашесть кема Тейнза.