Иоанн 3:2 - Од Соткс Новый Завет на мордовском-мокша языке 2016

² И вов сон сась Иисусти веть и мярьгсь: «Равви! Минь содасаськ, Тон Шкайть эзда кучф тонафтыят. Вдь тяфтама тяштькст, кодапт Тон тиендят, киндинге аф тиевихть, аф улендяряй мархтонза Шкайсь».

Иоанн 3:2 Iomraidhean Croise

Матфей 22:16

Синь кучсесазь Тейнза эсь тонафниснон и Иродонь ломанензон. Сят мярьгсть Иисусонди: «Тонафты, минь содасаськ: Тон видешинь кельгият и видеста тонафтат Шкайть коряс эряма, аф арьсят мяльс тумать колга и киньге лангс аф ванат.

Матфей 23:7

кельгсазь мишендема-рамсема вастова шумбракснема-шнама валонь кочксемать, и мзярда ломаттне лемнесазь: "Тонафтыеньке!"

Матфей 23:8

А тинь тяда мярьгонде лемнемс эсь прянтень тонафтыкс, сяс мес тонафтыенте фкя – Христоссь, а фкя-фкянди тинь сембе – браттада.

Марк 12:14

Синь састь и кизефнесазь Иисусонь: «Тонафты! Минь содасаськ: Тон виде ломанят и аф арьсят мяльс тумать колга, сяс мес кодамовок шама лангс аф ванат, но видеста тонафтат Шкайть коряс эряма. Азк, мярьгондеви пандомс каяфкс кесарти али аф мярьгондеви? Тейнек эряви пандомс, али аф эряви?»

Иоанн 1:38

Иисус шарфтсь и няезе – сят молихть мельганза, и кизефтезень: «Мезе тейнть эряви?» Синь каршезонза мярьгсть: «Равви, – лиякс мярьгомс: тонафты, – коса эрят?»

Иоанн 10:38

А кда тиендьсайне, эста, кда ни Тейне аф кематада, кемада Монь тевненди. Тяфта содасасть и шарьхкодьсасть – Алязе Монь эсон, Монга Сонь эсонзан».

Иоанн 12:37

Тняра тяштькс Сон тись инголест; и синь сембе сяка ашесть кема Тейнза.

Иоанн 14:10

Дяряй тон аф кемат, Мон Алязень эсан и Алязе Монь эсон? Валхнень, конатнень Мон корхтасайне тейнть, корхтасайне аф Эсь эздон – тя Алязе, кона Монь эсон, тиендьсыне тевонзон.

Иоанн 15:24

Кда ингольдест афолень тие тефт, кодапт кивок лия ашезь тиенде, эста афоль уле пежесна; а тяни няезь тевнень, и сяка прокс афолемазь няе Монь и Монь Алязень.

Иоанн 2:11

Тяфта Иисус Галилеянь Кана ошса тиезе васень тяштьксонц и тянь вельде няфтезе Эсь оцюшинц, и тонафниенза кармасть кемама Тейнза.

Иоанн 20:16

Иисус корхтай тейнза: «Мария!» Мария шарфтсь ширезонза и мярьги Тейнза еврейкс: «Раввуни!», тя валсь шарьхкодеви кода «Тонафты!»

Иоанн 3:26

Синь састь Иоаннонь ширес и мярьгсть тейнза: «Равви! Ся, кона ульсь мархтот Иорданть тона ширеса и конань колга тон азондоть, вага Сон кстиндай, и сембе молихть Тейнза».

Иоанн 4:31

Сяка пингть тонафнихне эняльдсть Иисусти: «Равви! Ярхцак».

Иоанн 5:36

Но Монь ули лия няфтемазе-азондомазе, кона сяда оцю Иоанноннеть коряс: ся тефне, конатнень путозень лангозон Алязе и конатнень Мон тиендьсайне. Ня тефне няфнесазь – Монь кучемань Алязе.

Иоанн 6:2

Мельганза мольсь пяк лама ломань, сяс мес синь няезь дивань тефнень, конатнень Сон тиендезень сярядихнень пчкафнемста.

Иоанн 7:31

Ломаттнень ёткста ламотне кемасть Тейнза и корхтасть: «Мзярда сай Христоссь, дяряй тии тянь коряс сяда лама тяштькс?»

Иоанн 9:16

Эста кона-кона фарисейхне корхтасть: «Тянь тииец аф Шкайть эзда, сяс мес аф ванфтсы ваймамань шить». Лиятне корхтасть: «Кода пежес суваф ломанць машты тяфтама тяштьксонь тиема?» И срхкась ётксост пялькстома.

Апостолхнень тевсна 10:38

Тинь кулесть, кода Назаретонь Иисусть Шкайсь вадезе Иняру Ваймопожфса и вийса, содасасть, кода Сон якась сембе вастова, тиендсь цебярь и пчкафнезень сембонь, кие ульсь идемэвозть кядяла, сяс мес мархтонзоль Шкайсь.

Апостолхнень тевсна 2:22

Израилень ломатть! Кулхцондость монь валнень. Назаретонь Иисуссь ульсь Ломань, конань кучезе тейнть Шкайсь. Шкайсь тянь няфтезе-кемокстазе вии тевса, дивань тевса и тяштьксса, конатнень Сон тиендезень Иисусонь вельде. Тинь тинць содасасть тянь, сяс мес сембось тя тифоль тинь ётксонт.

Павелонь сёрмац Филиппав 1:14

И тя монь пякстамазень вельде ламоц кемай ялгане кемокставсть Азорса, и тяни кемокстафста и аф пелезь синь пачфнесазь Шкаень валть.