Иоанн 11:34 - Од Соткс Новый Завет на мордовском-мокша языке 2016

³⁴ И мярьгсь: «Ков сонь путость?» Тейнза азозь: «Азор! Сак и ванк».

Иоанн 11:34 Iomraidhean Croise

Матфей 28:6

Сон тяса аш, Сон вельмась, кода и корхтась. Маладода и ваность вастть, коса ащесь Азорсь.

Марк 15:47

Магдаласта Мария и Иосиянь тядяц Мария няезь, коза путозь Иисусонь ловажанц.

Марк 16:6

Од цёрась корхтай тейст: «Тяда пеле. Тинь вешендьсасть Назаретонь Иисусть, конань эськодезь крёз лангс. Сон вельмась, Сон аш тяса. Вага ся вастсь, коза Сон путфоль.

Иоанн 1:39

Иисус корхтай тейст: «Аряда, и няйсасть». Пингсь ульсь кемонце частть маласа. Синь тусть мархтонза и няезь, коса Сон эряй; и ащесть пялонза шоподемс.

Иоанн 11:33

Иисус, мзярда няезе – Мария аварди и мархтонза саф еврейхневок авардихть, тя пяк токазе Сонь ваймонц и Сонцьке ризназевсь.

Иоанн 11:35

Иисусть тусть сельмоведенза.

Иоанн 20:2

Сон ласьксь Симон Пёторонди и омбоце тонафнити, конань кельгозе Иисус, и корхтай тейст: «Калмоста Азорть лихтезь, афи содасаськ, ков Сонь путозь!»