Павелонь омбоце сёрмац Тимофеенди 4:17 - Од Соткс Новый Завет на мордовском-мокша языке 2016

¹⁷ Но монь мархтон ульсь Азорсь. Сяс мес Сон макссь тейне вий, мон маштонь педа-пес азондомс Пара кулять сембе лия ломаньтналхненди, и аралафолень тоса лефонь кургта.

Павелонь омбоце сёрмац Тимофеенди 4:17 Iomraidhean Croise

Матфей 10:19

Но мзярда тинь вяттядязь судс, тяда пичеде, кода и мезе корхтамс; ся пингоня тейнть максови, мезе азомс,

Лука 1:1

Кельгома Феофил, Шкаень надияфтоматне пяшкодсть минь ётксонк и ламотне ушедсть сёрмадома тянь колга сятнень валснон коряс, конат ушетксстокиге няезь семботь тянь эсь сельмосост и конат арасть покодикс Шкаень валти, и пачфтезь тейнек семботь мезе ульсь. Сяс монга сань мяльс, ушетксста сявомок, анцяйняньбес тонафнемадон меле, азондомс тейть семботь тянь мельцек-мельцек.

Лука 21:15

Мон максан тейнть валхт и смузьши, конатнень каршес кивок, тейнть каршек ащихнень эзда, мезевок аф азови и каршек аф молеви.

Апостолхнень тевсна 23:11

Омбоце веня Азорсь эвондась Павелонди и мярьгсь: «Тят пеле! Кода тон няфтеть-азондоть Монь колган Иерусалимса, стане тейть эряви няфтемс-азондомс Римсонга».

Апостолхнень тевсна 9:15

Но Азорсь мярьгсь тейнза: «Архт! Сон Монь кочкаф кядьгозе, кона пачфтьсы Монь лемозень ломаньтналхненди, оцязорхненди и Израилень ломаттненди.

Павелонь сёрмац Риму 15:31

Иудеянь аф кемайхне афольхть тие тейне зиян, и Шкаень ломаттне пара мяльса сяволезь лезксть, конань кандса Иерусалиму.

Павелонь омбоце сёрмац Коринфу 12:9

Но Сон мярьгсь тейне: «Тейть саты Монь пароказнедон. Монь виезе сембода лац няфневи лафчашиса». И сяс мон кенярдезь шнаян пря лафчашинень мархта, улеза-эряза эсон Христость виец.

Павелонь сёрмац Ефесу 3:8

Тейне, сембодонга ёмлати марнек иняру ломаттнень ёткста, максфоль тя пароказнесь: кандомс лия ломаньтналхненди Куля Христость аф ункстави козяшинц колга,

Павелонь васенце сёрмац Тимофеенди 1:12

Сюконян Христос Иисус Азороньконди, конац макссь тейне вий. Сюконян Тейнза, сяс мес Сон лувомань валонь кирдикс и путомань тевсонза покодикс,

Павелонь омбоце сёрмац Тимофеенди 2:1

Тяфта, цёрай, кемокснек пароказнеса, конац ули Христос Иисусса!

Павелонь омбоце сёрмац Тимофеенди 2:9

Тянь инкса мон кирдян сталмот, мянь цинзерса пякстафан, кода пяк оцю кальдявонь тии. Но Шкаень валсь аф пякстави.

Павелонь омбоце сёрмац Тимофеенди 3:11

панцемасон и маятамасон, конат монь мархтон ульсть Антиохияса, Иконияса и Листраса. Кодама панцемат мон кирдень, и эрть эзда Азорсь монь идемань!

Павелонь омбоце сёрмац Тимофеенди 4:5

Но тон ульхть кятавкс сембоса, кирдить сталмотнень, пачфнек Пара кулять и максф тевть тик афсатыксфтома.

Еврейхненди сёрмась 11:33

Кемамать вельде синь сяськондезь масторхнень, кемокснезь виде эряфть, няезь Шкаень надияфтоматнень пяшкодемаснон, пякснезь лефнень кургснон,

Пёторонь васенце сёрмац 5:8

Уледа сргозьфт и фалу анокт, сяс мес тинь душманонте, идемэвозсь, якай вакссонт, кода уркоды лев, кона вешенди кинь сивомс.

Пёторонь омбоце сёрмац 2:9

Тя сембось няфнесы: Азорсь содасы, кода идемс Шкайда пели ломаттнень сталмотнень-варчсематнень эзда, а коень колсихнень кирдемс судонь шить самс наказаманди,