Павелонь омбоце сёрмац Тимофеенди 2:26 - Од Соткс Новый Завет на мордовском-мокша языке 2016

²⁶ и эста ёнияхть и лисевихть идемэвозть кядялда, кона кундазень синь топафнемс эсь мяленц.

Павелонь омбоце сёрмац Тимофеенди 2:26 Iomraidhean Croise

Лука 11:21

Мзярда вии ломанць тюрембяль мархта ванцы кудонц, эста ванфтови уликс-пароц.

Лука 15:17

Эста сонь сргозсь пряёнец, арьсезевсь: "Мзяра сивотьф ломаньда алязень пяле крга видева ярхцайхть кшида, а мон тяса кулсян вачеда!

Иоанн 13:2

Иисус и тонафниенза ётафтозь илядень ярхцамаснон-симомаснон. И идемэвозсь сувафтсь ни Иудать, Симон Искариотонь цёранц седис мяль мимс Иисусть.

Иоанн 13:27

И тя кши сускомть сявомда меле Иудань потмос сувась Сатанась. Эста Иисус мярьгсь Иудати: «Мезе срхксят тиемс, тик ни куроконе».

Апостолхнень тевсна 26:18

Кучте сельмоснон панжема, шобдать эзда валдти шарфтомост, Сатанать азорксшинц эзда – Шкайти. Мондейне кемамать вельде нолдавихть синь пежесна и максови тейст эсь пялькссна сембе иняруяфнень мархта марса".

Апостолхнень тевсна 5:3

Эста Пётр мярьгсь: «Анания, мес тон нолдайть Сатанать путомс седиезт мяльхть васькафтомс Иняру Ваймопожфть и сёпомс ярмакнень пяльксснон миф паксяцень инкса?

Павелонь васенце сёрмац Коринфу 15:34

Сргозеда видешинь эряфти и лоткада пежень тиендемда. Вдь тинь ётксонт улихть стапт, конат аф содасазь Шкайть. Кода тейнть аф визькс!

Павелонь омбоце сёрмац Коринфу 2:11

тязалемазь васькафта Сатанась. Вдь тейнек содафт сонь кичкор мяленза.

Павелонь сёрмац Ефесу 5:14

Сяс и корхтави: «Сргость, уды! Вельмак кулофнень эзда, и тонь валдопттанза Христоссь!»

Павелонь сёрмац Колоссав 1:13

Шкайсь идемазь минь шобдать азорксшинц алда и сувафтомазь кельгома Цёранц Оцязорксшизонза.

Павелонь васенце сёрмац Тимофеенди 1:20

Синь ётксост Именей Александронь мархта, конатнень мон максыне Сатанати, пади лоткайхть Шкайть лемонц сялдома.

Павелонь васенце сёрмац Тимофеенди 3:7

Тейнза аф кемайхнень сельмоса улема пара лувксса, сяс мес кда аф стане, сон машты прамс визьксс и повомс идемэвозть курмозьс.

Иоаннонди панчф няйфкс 12:9

Кабаконашка драконць, кунардонь куйсь, кона лемневи идемэвозькс и Сатанакс, сембе масторлангонь ломаттнень васькафнисна, ёрдафоль эсь ангелонзон мархта масторлангти.