Павелонь омбоце сёрмац Тимофеенди 2:2 - Од Соткс Новый Завет на мордовском-мокша языке 2016

² И ся, мезе кулеть монь эздон лама ломанень инголе, пачфтьк валонь кирди кемайхненди, конат маштольхть тонафтомс и лиятненьге.

Павелонь омбоце сёрмац Тимофеенди 2:2 Iomraidhean Croise

Матфей 13:52

Эста Иисус мярьгсь каршезост: «Сяс койти эрь тонафтысь, кона арась тонафникс Шкаень Оцязорксшиса, шарксты стама кудазор лангс, кона лихнесы кяшф козяшистонза одтьке-ташттьке».

Матфей 24:25

Вага, Мон аноконди азондыне тейнть тянь.

Лука 12:42

Азорсь мярьгсь: «Уледа ёню и кулхцонды кудвятить лаца, конань азорсь апак пельхть путозе сембе покодиензон лангс оцюнякс и кошардозе эрявикс пингста явондомс тейст ярхцамбяльть.

Павелонь васенце сёрмац Коринфу 4:2

Сятнень кядьста, кинди максозь тяфтама оцю тевть, вешеви: эрсь эздост тиендель тевонь максыть мяленц коряс.

Павелонь омбоце сёрмац Коринфу 2:14

Сюконяма Шкайти, кона фалу вятьсамазь минь Христость мельге – Сонь сяськиень молемасонза, и эрь вастова пачфнесы минь вельденк Христость колга содамошить, кона танцти шине лаца.

Павелонь омбоце сёрмац Коринфу 3:5

Мон корхтан тяфта аф сяс, бта минь эсонк ули маштомаши мезе-бди арьсемс, аф, тя маштомашись максф тейнек Шкайть эзда.

Павелонь сёрмац Колоссав 1:7

Тя кулять тинь марясть кельгома Епафрас ялганьконь эзда, кона валонь кирдезь покоди Христости фкя сяка тевса монь мархтон: тейнть паронь кандомаса.

Павелонь васенце сёрмац Тимофеенди 1:12

Сюконян Христос Иисус Азороньконди, конац макссь тейне вий. Сюконян Тейнза, сяс мес Сон лувомань валонь кирдикс и путомань тевсонза покодикс,

Павелонь васенце сёрмац Тимофеенди 1:18

Тимофей цёрай, тя кошардомать мон максса тейть ся пророчестватнень коряс, конат инголи тонь колгат азфтольхть, и сяс, ваномок синь лангозост, вятть цебярь тюрема,

Павелонь васенце сёрмац Тимофеенди 4:14

Тяк юксне, но ноляк тевс Иняру Ваймопожфонь казнеть, кона максф тейть пророчествань вельде, мзярда пуромксонь оцюнятне бславамать пингста путозь кядьснон лангозт.

Павелонь васенце сёрмац Тимофеенди 4:6

Кда тон кармат тяфта тонафтомост эсь кемай ялгатнень, эста тон улят цебярь покодикс Иисус Христости, и сядонга касат кемамань валхнень вельде и цебярь тонафтомать вельде, конань мельге тон туть.

Павелонь васенце сёрмац Тимофеенди 5:22

Тят эряскода бславакшнемс кядень путомать вельде. Эста тон аф улят пежень тиикс лия ломаттнень пежесост. Ванфтк эсь пряцень арушиса.

Павелонь васенце сёрмац Тимофеенди 6:12

Виень путозь и цебярьста тюрьхть кемамать инкса, сатнек пефтома пингонь эряфть, конанди тон и улеть тертьф, мзярда ламотнень инголе тон азондоть эсь кемамацень колга.

Павелонь омбоце сёрмац Тимофеенди 3:10

А тон молеть монь мельган тонафтомаса, эрямаса, мяльса-арьсемаса, кемамаса, куватьс кирдемшкаса, кельгомаса, сталмонь кирдемаса,

Павелонь омбоце сёрмац Тимофеенди 3:14

А тон киртть сянди, мезти тонафтфат и мезти кемат, сяс мес содасак, кит тонь тонафтыхне.

Еврейхненди сёрмась 2:17

Сяс Иисусонди эрявсь сембоса арамс брадонзон лаца. Эста Сон маштоль покодемс кельгозь ужяльди озксвятиень оцюнякс, кона тиенди Шкайть мяленц коряс, и маштоль максомс Эсь прянц озксказнекс ломаттнень пежеснон идемаснон-рамамаснон инкса.