Павелонь омбоце сёрмац Тимофеенди 2:10 - Од Соткс Новый Завет на мордовском-мокша языке 2016

¹⁰ Сяс мон анокан кирдемс сембе сталмотнень Шкаень кочкафнень инкса, катк синьге идевихть Христос Иисусса и сатсазь пефтома эряфонь иневалдть.

Павелонь омбоце сёрмац Тимофеенди 2:10 Iomraidhean Croise

Матфей 24:22

И кда афольхть кирьфтав ся шитне, эста кивок афоль идев, но кочкафнень инкса кирьфтавихть ся шитне.

Матфей 24:24

сяс мес сайхть аф афкуксонь христост и аф афкуксонь пророкт, конат кармайхть тиендема оцю тяштькст и дивань тефт кочкафнень васькафтоманкса, кда васькафтовольхть.

Матфей 24:31

И торамань кайги вайгяльса Сон кучсыне ангелонзон пуроптома Эсь кочкафонзон сембе масторста – фкя менель песта сявомок омбоцети молемс.

Лука 18:7

Кали Шкайсь аф араласыне Эсь кочкафонзон, Тейнза шинек-венек эняльдихнень? Кали Сон аф эряскоды араламост?

Лука 22:57

Пётр сёпсь, мярьгсь авати: «Мон аф содаса Сонь».

Иоанн 11:52

и аф аньцек Израилень ломаньтналть инкса, но Шкайть срафнеф идензон марс пуроптомаснон инксовок.

Иоанн 17:24

Аляй! Монь мялезе: кинь Тон максыть Тейне, катк улихть мархтон тоса, косан Мон, катк няйсазь Монь иневалдозень, конань Тон максыть Тейне, сяс мес кельгомайть Монь менельть-масторть тиемда инголе.

Иоанн 17:9

Мон инксост эняльдян: аф сембе масторлангть инкса эняльдян, но сятнень инкса, конатнень Тон максыть Тейне, сяс мес синь Тоннет.

Павелонь сёрмац Риму 2:7

Сятненди, конат апак сизек тиендихть пара тефт и вешендихть Шкайть эзда шнама, пара лем и аф кулома, Шкайсь максы пефтома эряф;

Павелонь сёрмац Риму 9:23

Тяда башка Сон путсь мяль няфтемс пефтома оцю иневалдонц ся кядьготнень лангса, конатнень Сон Эсь кельгозь ужяльдеманц вельде аноклазень иневалдти.

Павелонь васенце сёрмац Коринфу 1:21

Шкайсь няфтезе Эсь смузьшинц, но мзярда масторлангсь эсь смузьшисонза ашезе сода и ашезе шарьхкоде Шкайть, эста Шкайсь арьсесь идемс кемайхнень тя «ёньфтома» кулять вельде, конань минь пачфнесаськ.

Павелонь васенце сёрмац Коринфу 9:22

Лафчненди мон арань лафчекс, Христости лафчнень вятеманкса. Сембонди мон арсень сембокс, аньцек коданга идемс ёткстост мзярошкать.

Павелонь омбоце сёрмац Коринфу 1:6

Ся стакашитне, конатнень минь кирдьсаськ – улихть тейнть ваймафтоманди-кемокстаманди и идеманди. А мзярда тейнек максови ваймама-кемокстама – тявок моли тейнть ваймафтоманди-кемокстаманди. Тя лезды тейнть кемоста кирдемс сембе ся сталмотнень, конатнень миньге кирдьсаськ.

Павелонь омбоце сёрмац Коринфу 12:15

Тинь инксонт мон оцю мяльса максса сембозень, мезезе ули, мянь эсь прязеньге. Тянь тиса, сяс мес пяк кельктядязь тинь, но мес тинь тяшкава кржа кельгсамасть монь?

Павелонь омбоце сёрмац Коринфу 4:15

Сембось тя тиеви тинь инксонт: пачкодель Шкайть оцю пароказнец сяда лама и лама ломанень седис и эста, шада ведь лаца, ломаттнень эзда кармайхть шудезь шудема сюконямань валхне Шкайть шнаманкса.

Павелонь омбоце сёрмац Коринфу 4:17

Вдь ня тёждя и аф кувака маятаманьке каннихть тейнек оцюдонга оцю и пефтома иневалда, конань аш кода ладямска ня маятаматнень ваксс.

Павелонь сёрмац Ефесу 3:13

Сяс мон эняльдян тейнть аф нолнемс прянтень сталмотнень инкса, конатнень мон кирдьсайне тинь кувалмант, сяс мес синь тейнть – сай пингонь иневалда.

Павелонь сёрмац Колоссав 1:24

Тяни мон кеняртькшнян сянди, мес тинь инксонт кирдян маятамат. Мон эсь ронгозень вельде пяшкотькшнеса сянь, мезе нинге аф сатни Христость маятамасонза. Тянь мон тиса Сонь ронгонц инкса, лиякс мярьгомс, кемаень пуромксть инкса.

Павелонь сёрмац Колоссав 1:27

Шкайть мялецоль панжемс тейст, конашкава оцю и козя салавашить иневалдоц лия ломаньтналхненди. Тя салавашись вага мезьса: Христоссь тинь эсонт и Сон – тинь надияманте сай пингонь иневалдти.

Павелонь васенце сёрмац Фессалоникав 5:9

Сяс мес Шкайсь ладямазь минь аф кяжень пандоманди, а идеманди, кона максови тейнек Иисус Христос Азороньконь вельде.

Павелонь омбоце сёрмац Фессалоникав 2:14

Вага мес Сон тердедязь тинь Пара кулять вельде, конань минь кандоськ тейнть: сатолесть Иисус Христос Азороньконь иневалдонц.

Павелонь омбоце сёрмац Тимофеенди 1:1

Павел, Шкайть мяленц коряс Христос Иисусонь апостолоц, кона кучф пачфнемс кулять надияфтф эряфть колга Христос Иисусса,

Павелонь омбоце сёрмац Тимофеенди 2:1

Тяфта, цёрай, кемокснек пароказнеса, конац ули Христос Иисусса!

Павелонь омбоце сёрмац Тимофеенди 2:3

Киртть мархтонк сталмот тонга, кода Христос Иисусть пара ушманоц.

Павелонь сёрмац Титонди 1:1

Павел, Шкайть покодиец и Иисус Христосонь апостолоц, кучи пара вал Титонди, марстонь кемамать коряс афкуксонь цёранцты. Улеза тейть пароказне, кельгозь ужяльдема и сетьмоши Шкай Алять и Иисус Христос Азорть, минь Идиеньконь эзда! Мон кучфан кемокстамс Шкаень кочкафнень кемамаснон и шарьхкодемаснон тя видешить колга, кона Шкайть мяленц коряс и кона максы надияма пефтома эрямати. Шкайсь надияфтозе тянь нинге пингть ушедомда инголе, и Сон аф васькафни. Мзярда сась виде пингсь, Сон эвондазе Эсь валонц Пара кулянь азондомазень вельде. Тя тевсь максфоль тейне Шкайть, Минь Идиеньконь кошардоманц коряс.

Пёторонь васенце сёрмац 2:10

Инголи тинь уледе аф ломаньтналкс, а тяни тинь араде Шкаень ломаньтналкс. Инголи Сон ашезе эвондакшне тейнть Эсь кельгозь ужяльдеманц, а тяни максозе сонь тейнть.

Пёторонь васенце сёрмац 5:10

Но тейнть аф ламос сави маятакшнемс. Маятамдонт меле Шкайсь стяфттядязь тинь, титядязь тинь афсатыксфтомокс, кемокстатядязь и максы тейнть вийхть. Эрь кодама пароказнень максы Шкайсь тердедязь тинь Христость вельде Эсь пефтома пингонь иневалдозонза.