Павелонь васенце сёрмац Тимофеенди 6:9 - Од Соткс Новый Завет на мордовском-мокша языке 2016

⁹ А сят, кит ёрайхть козякодомс, прашендыхть варчсемас и кундамас, и эрь кодама смузьфтома и зиянонь визькс таколдомас, конат вятьсазь ломанть оцю кальдявс и юмамас-арамас.

Павелонь васенце сёрмац Тимофеенди 6:9 Iomraidhean Croise

Матфей 13:22

А сялги тишетнень ёткс видеф видьмось тя ся, кие кульсы валть, но эряфонь тефне и козяшити прафтомась опапнесазь валть, и сон аф канды раштафкс.

Матфей 19:22

Мзярда од цёрась кулезе тянь, сон пичедезевсь и тусь, сяс мес ульсь пяк козя.

Матфей 26:15

и корхтай: «Мезе макстада тейне, кда мон миса тейнть Иисусонь?» Синь надияфтсть тейнза тянкса максомс сиянь колмогемонь ярмак.

Матфей 6:19

«Тяда кочка эстейнть козяши масторлангса, коса ки мелавсь и шямонць сивсазь сонь, коса салайхне сувайхть куду и саласазь.

Марк 4:19

но эрь шинь тефне, козякодомати прафтомась и лия тевонь кувалма мяльхне сувайхть потмозост и опаптсазь валть, и валсь аф канды раштафкс.

Лука 12:21

Тяфта уленди эрь ломанть мархта, кие кочкай козяши эстейнза, а аф Шкайса козякоды».

Лука 21:35

Сон кода тувор, кундасыне сембонь, кие эряй масторлангса.

Апостолхнень тевсна 8:20

Но Пётр мярьгсь тейнза: «Катк юмайхть тонь ярмакне эсь мархтот, сяс мес тон арьсеть – ярмак лангс рамави Шкаень казнесь!

Павелонь сёрмац Ефесу 4:22

Тинь тонафтодязь кадомс ингольдень эряфть ташта ломанть коряс, кона наксаткшни васькафни мяльхнень вельде.

Павелонь васенце сёрмац Тимофеенди 1:9

И шарьхкодьсаськ: койсь апак макст видексшиса эряй ломанти, а максф коень колсихненди и койть каршек молихненди, Шкаень мяль аф ваныхненди и пежуфненди, тяфта жа сятненди, конатненди аш мезевок иняру, и сятненди, конат арьсихть аньцек тя эряфть колга, тядянь-алянь шавихненди, ломанень шавондыхненди,

Павелонь васенце сёрмац Тимофеенди 3:7

Тейнза аф кемайхнень сельмоса улема пара лувксса, сяс мес кда аф стане, сон машты прамс визьксс и повомс идемэвозть курмозьс.

Павелонь васенце сёрмац Тимофеенди 6:10

Сяс мес ярмаконь кельгомась – эрь кодама кальдявть юроц. Улихть ломатть, конатнень ярмаконь кельгомась шарфтозень кемамать эзда и кандсь тейст лама ризф-сталма.

Павелонь васенце сёрмац Тимофеенди 6:17

Азк тя эряфса козятненди, катк аф няйсазь пряснон и аф надияйхть козяшить лангс, конац аф кеме, но катк надияйхть эряй Шкайть лангс, кона козяста макссесы семботь, мезе эряви тейнек кенярдеманди.

Павелонь омбоце сёрмац Тимофеенди 2:26

и эста ёнияхть и лисевихть идемэвозть кядялда, кона кундазень синь топафнемс эсь мяленц.

Павелонь сёрмац Титонди 2:12

Тя пароказнесь тонафты эсонк кадомс шкайфтома эряфть, масторлангонь пежу мяльхнень-арьсематнень и ётафтомс тяниень пингонь эряфть шумбра-ару мяльса, видексшиса и Шкайть мяленц ванозь.

Пёторонь омбоце сёрмац 2:3

Ня топафксонь аф содай ломаттне, васькафнемок тинь ёжу валса-корхтамаса, кармайхть козякодома тинь вельдент. Но Шкаень судсь аноклаф ни тейст, и юмамась-арамась учи эсост.

Иудань сёрмац 1:11

Кальдяв тейст! Синь молихть Каинонь киге; синь максовсть васькафтомас-эрьготьфтемас ярмакнень инкса, кода Валаам; и синь кулыхть каршек молемать инкса, кода Корей.