Павелонь васенце сёрмац Тимофеенди 6:16 - Од Соткс Новый Завет на мордовском-мокша языке 2016

¹⁶ Сон Фкясь, кона мзярдонга аф кулы. Сон эряй валдса, конанди кивок аф нежедеви. Сонь фкявок ломань ашезе няе и аф машты няемс. Улеза Тейнза шнама и пефтома азорксши! Аминь.

Павелонь васенце сёрмац Тимофеенди 6:16 Iomraidhean Croise

Иоанн 1:18

Шкайть кивок мзярдовок ашезе няе. Фкя-тяка Шкай Цёрац, кона Эсь Алянц маласа, панжезе Сонь тейнек.

Иоанн 14:9

Иисус мярьгсь тейнза: «Тняра пинге Мон мархтонтан, и тон аф содасамак, Филипп? Монь няиезе няезе Алязеньге. Кода ина тон корхтат: "Няфтьк тейнек Аляцень"?

Иоанн 6:46

Но тяса Мон аф корхтан, бта кивок няезе Алять, Шкайть пяльде Сайть башка. Аньцек Сон няезе Алять.

Иоанн 8:58

Иисус мярьгсь тейст: «Видеста корхтан тейнть: Авраамонь шачемдонза инголе Мон ни улень и улян».

Павелонь сёрмац Ефесу 3:21

Улеза Тейнза шнама кемаень пуромксса Христос Иисусть мархта улемать вельде юромста юромс сембе пинкнень! Аминь.

Павелонь сёрмац Филиппав 4:20

Шнама Шкайти, минь Аляньконди пефтома пингс! Аминь.

Павелонь сёрмац Колоссав 1:15

Христос Эсь эсьсонза няфнесы аф няеви Шкайть. Сон васень Цёрась, кона ащи Шкайть сембе тифонц лангса.

Павелонь васенце сёрмац Тимофеенди 1:17

Пефтома пингонь Оцязорти, аф кулыти, аф няевити, фкя тяка смузю Шкайти – шнама и иневалда пефтома пингс! Аминь.

Еврейхненди сёрмась 13:8

Иисус Христоссь фкя тяка и исяк, и тячи, и пефтома пингс.

Иаковонь сёрмац 1:17

Эрь кодама цебярь максомась и эрь кодама афсатыксфтома казнесь максовихть вярде, Шкай Алять эзда, кона тиезень сембе менелень валдоптоматнень. Сон мзярдовок аф полафни менелень валдоптоматнень цильфснон лаца, и Сонь валдоц мзярдовок аф тиеви шобдакс.

Иоаннонь васенце сёрмац 1:5

И вов ся кулясь, конань минь маряськ Сонь эздонза и конань азондсаськ тейнть: «Шкайсь – тя валда, и Сонь эсонза аш кодамовок шобда».

Иоаннонь васенце сёрмац 1:7

А кда эрятама-якатама валдса, кода Сонцьке Шкайсь валдса, эста минь ули марстоньшинке фкя-фкянь мархта, и Иисус Христость, Шкаень Цёрать вероц аруяфтсамазь минь эрь кодама пежеда.

Иоаннонь васенце сёрмац 4:12

Шкайть кивок мзярдовок ашезе няенде. Но кда минь фкя-фкянь кельктяма, эста эсонк эряй Шкайсь, и Сонь кельгомац афкукс пяшкодемазь минь.

Иудань сёрмац 1:25

Тейнза, фкя-тяка Сембодонга Смузю Шкайти, минь Идиеньконди, шнама, иневалда, вий и азорксши Иисус Христос Азороньконь вельде, сембе пингта инголе, тяни, и пефтома пингс! Аминь.

Иоаннонди панчф няйфкс 1:6

Сон тиемазь минь оцязоркс и Шкайти, Эсь Алянцты, озксвятикс. Тейнза шнама и азорксши сембе пинкнень! Аминь.

Иоаннонди панчф няйфкс 1:8

«Мон – Альфась и Омегась, Ушеткссь и Песь» – корхтай Азорсь, – Ся, кие ули, ульсь и сай, Семботь Кирдиец.

Иоаннонди панчф няйфкс 21:3

Мон кулень менельста кайги вайгяль, кона корхтась: «Ванода, Шкайть эряма вастоц ломаттнень ёткса. Сон кармай эряма синь мархтост. И синь арайхть Тейнза ломаньтналкс, и Сонць Шкайсь ули мархтост и кармай улема тейст Шкайкс.

Иоаннонди панчф няйфкс 22:5

Тоса аф кармай улема ве, и ломаттненди аф эрявкстыхть валдоптоматнень валдсна, шитьке валдоц аф эрявксты, сяс мес Азор Шкайсь ули тейст валдокс. И синь кармайхть оцязорондама пефтома пингс.

Иоаннонди панчф няйфкс 4:11

«Азороньке, Шкаеньке! Тонь оцюшицень коряс Тейть максови сюконяма, шнама и азорксши; вдь Тон тиить семботь, и Тонь мяльцень коряс синь эряйхть и тифт».

Иоаннонди панчф няйфкс 7:12

корхтасть: «Аминь! Бславама и иневалда, смузьши и сюконяма, пара лувкс, азорксши и вий Шкаеньконди пефтома пингс! Аминь».