Павелонь васенце сёрмац Тимофеенди 5:8 - Од Соткс Новый Завет на мордовском-мокша языке 2016

⁸ Кда кие аф пичеди-канзеди эсензон колга, а сембодонга пяк эсь кудэряензон колга, ся аердсь кемамать эзда и тиевсь аф кемайдонга кальдявкс.

Павелонь васенце сёрмац Тимофеенди 5:8 Iomraidhean Croise

Матфей 18:17

А кда сон синьге аф кулхцондсыне, азонтк тянь кемаень пуромксти. Аф кулхцондондярясы кемаень пуромкстьке, эста катк сон тейть ули кода ломань, кона аф кемай афкуксонь Шкайти али кода каяфксонь кочкай.

Матфей 7:11

Кда тинь, кяжи ломатть, машттада шабантенди паронь максома, эста сядонга Менелень Алянте максы парот сятненди, кит анайхть Сонь кядьстонза.

Иоанн 15:22

Кда Мон афолень са и афолень корхта тейст, эста афоль уле пежесна; а тяни тейст аш кода мярьгомс – аш пежесна.

Павелонь васенце сёрмац Коринфу 6:6

Но тинь, кемай ялгат, судендатада фкя-фкянь мархта, да нинге аф кемайхнень инголе.

Павелонь омбоце сёрмац Коринфу 12:14

Вага, мон тяни колмоцеда срхкан ширезонт, и тянинге аф улян тейнть сталмокс. Вдь тейне аф эрявихть тинь ярмаконте-уликсшинте, тейне эряфтада тинь тинць! Аф иттне кочксесазь уликс-пароть тядяснонды-аляснонды, меколанкт, тядясна-алясна – иттненди.

Павелонь омбоце сёрмац Коринфу 6:15

Дяряй ладяй Христос Велиаронь мархта? Мезьсна марстонь кемай ломаттнень аф кемайхнень мархта?

Павелонь сёрмац Галатияв 6:10

Сяс, мзярс ули пинге, эрьда карматама сембонди тиендема цебярь, сембода пяк кемай ялгатненди.

Павелонь омбоце сёрмац Тимофеенди 2:12

Кда кирттяма сталмот, Сонь мархтонза азорондамга карматама; Кда мярьктяма: «Минь аф содасаськ Сонь», – эста Сонга мярьги: «Мон аф содатядязь тинь».

Павелонь омбоце сёрмац Тимофеенди 3:5

Няфнемок эсь пряснон Шкайти кемайкс, потмова синь аердайхть кемамать виенц эзда. Ворьготькшнек тяфтапнень эзда!

Павелонь сёрмац Титонди 1:16

Синь корхтайхть, бта содасазь Шкайть, а эсь тевсост шарфтыхть Эздонза. Синь нильготькст, аф кулхцондыхть и кодамовок пара тевонь тиема аф маштыхть.

Пёторонь омбоце сёрмац 2:1

Кода Израилень ломаньтналть ёткса ульсть аф афкуксонь пророкт, тяфта тинь ётксонтка эвондайхть аф виде тонафтыхть. Синь салава сувафнихть кемаень пуромксти юмафты-арафты васькафнемат и мянь потайхть Азорть эзда, кона синь идезень. Тяфта синь таргайхть эсь лангозост куроконь юмама-арама.

Иудань сёрмац 1:4

Тевсь ва мезьса: тинь ёткозонт салава эцесть ломатть, конат кунаркиге аноклафт Шкаень судс. Ня шкайфтомотне Шкайть пароказненц шарфнесазь эсь визькс мяльснон пяшкодеманкса, и туйхть-потайхть фкя-тяка Инь Оцю Шкайть и Иисус Христос Азороньконь эзда.

Иоаннонди панчф няйфкс 2:13

Мон содасайне тонь тефнень, и содаса, тон эрят тоса, коса кемокстазе озама вастонц Сатанась. Но тон ванфтсак Монь лемозень и ашеть лотка Тейне кемамда нльне эстонга, мзярда тинь ошсонт, коса эряй Сатанась, ульсь шавф Антипа, седи ваксста Монь колган азондысь.

Иоаннонди панчф няйфкс 3:8

Мон содасайне тонь тефнень. Вага, Мон панжине инголет кенкшть, и киндинге сон аф пякстави. Хуш тонь и кржа вийдот, но тон сяка кемоста кирдят Монь валозти и ашеть шарфта Монь эздон.