Павелонь васенце сёрмац Тимофеенди 5:6 - Од Соткс Новый Завет на мордовском-мокша языке 2016

⁶ А ся удавась, кона эряй эсь ронгонь мялензон топафтоманкса, ваймосонза сон ни кулось, хуш и иляды ронгса эряйкс.

Павелонь васенце сёрмац Тимофеенди 5:6 Iomraidhean Croise

Матфей 8:22

Но Иисус мярьгсь тейнза: «Мольхть мельган, и катк кулофне калмосесазь эсь кулофснон».

Лука 12:19

Эста мярьган эстейне: тяни тонь мезьце аньцек аш, уликсце саты лама кизонди. Ваймосек, ярхцак, сипть, кеняртькшнек эряфти!"

Лука 15:13

Мзярошка шида меле ёмла цёрась мизе сембонц и тусь ичкоздень масторс. И тоса, усксевозь эрязь, юводозе сембонц, мезец ульсь.

Лука 15:24

Вдь тя цёразе кулофоль, тяни вельмась, сон юмсесь и мувсь". И синь тисть каванямань ила.

Лука 15:32

А сянкса эряви кеняртькшнемс, мес брадце кулофоль и вельмась, юмсесь и мувсь"».

Лука 16:19

«Эрясь фкя козя аля, щакшнесь оцязор лаца, кштизь-моразь ётафнезе эряфонц.

Лука 7:25

Ина мезень ванома якаде тинь? Арьседе няемс козя щамса щаф ломань? Питниста щафне и козяста эряйхне – сят оцязоронь кудгат.

Павелонь сёрмац Ефесу 2:1

Тяда инголе тинь уледе кулофт коень коламать инкса и пежентень инкса.

Павелонь сёрмац Ефесу 2:5

и минь, коень коламать инкса кулофнень, эреклафтомазь Христость мархта. Сонь пароказненц вельде тинь идефтяда.

Павелонь сёрмац Ефесу 5:14

Сяс и корхтави: «Сргость, уды! Вельмак кулофнень эзда, и тонь валдопттанза Христоссь!»

Павелонь сёрмац Колоссав 2:13

Инголи тинь уледе кулофт коень коламантень и киськопень аф керфтомантень инкса. Но Шкайсь тиедязь тинь эряйкс марса Христость мархта. Сон нолдазень минь сембе пеженьконь.

Павелонь омбоце сёрмац Тимофеенди 3:6

Ётксост улихть тяфтапт, конат салава сувсихть кудга и васькафнесазь аватнень, конат вайсихть пеже потмоса и вятневихть эрь кодама визькс мяльса.

Иаковонь сёрмац 5:5

Тинь эряде модать лангса козяшиса и пяшкотькшнесть сембе мялентень. Тинь андость-куялгофтость эсь прянтень кода печкома шинди.

Иоаннонди панчф няйфкс 18:7

Мзяра сон шнафнезе прянц и эрясь козяшиса, сняра максода тейнза маятамада и ризфта. Вдь сон корхтай эсь седисонза: "Озадан оцязорава лаца, мон аф удаван и мон аф няян ризф".

Иоаннонди панчф няйфкс 3:1

«Сардисонь кемаень пуромксть ангелонцты сёрматт: "Вов мезе корхтай Ся, кинь улихть Шкаень сисем ваймопожфонза и сисем тяштенза: Мон содасайне тонь тефнень. Тонь луфтядязь эряйкс, но афкукс тон кулофат.