Павелонь васенце сёрмац Тимофеенди 5:5 - Од Соткс Новый Завет на мордовском-мокша языке 2016

⁵ Удавась, кона афкукс илядсь ськамонза, кемай Шкайть лангс и шинек-венек эняльтькшни и озонкшни Тейнза.

Павелонь васенце сёрмац Тимофеенди 5:5 Iomraidhean Croise

Лука 18:1

Иисус азондсь тонафнихненди валвеляфкс, конань вельде ёрась няфтемс тейст, кода эряви най озондомс и аф прашендомс пичефксс:

Лука 18:7

Кали Шкайсь аф араласыне Эсь кочкафонзон, Тейнза шинек-венек эняльдихнень? Кали Сон аф эряскоды араламост?

Лука 2:37

сяльде кадовсь удавакс, а тяни ни тейнза кафксогемонь нилие киза. Сон мзярдонга ашезе кадонда Шкаень кудть, тосоль шинек-венек, постонь кирдезь и озондозь сюконясь-покодсь Шкайти.

Апостолхнень тевсна 26:7

Минь кемгафтува юромоньке седиень путозь шинек-венек покодихть Шкайти, надияйхть Шкаень варамать пяшкодеманц лангс. Вчёк тя надиямать инкса, Агриппа оцязор, муворгофнесамазь монь еврейхне.

Апостолхнень тевсна 6:1

Ся пингть, мзярда тонафнихнень лувкссна коль кассь, греконь кяльса корхтай еврейхне кармасть изгордома еврейхнень лангс. Синь корхтасть, кле, эрь шиня лезксонь явомста синь удаваснон ётнесазь вакска.

Апостолхнень тевсна 9:39

Пётр срхкась и эстокиге тусь мархтост. Мзярда пачкодсь, сонь вятезь вярцень кудбяльксу. Тоса сонь перьфканза пуромсть удаватне, синь авардезь няфнезь панархнень, лангань щапнень, конатнень стакшнезень Тавифа шиса улемстонза.

Апостолхнень тевсна 9:41

Пётр максозе кяденц, лездсь стямс, меле серьгядезень сембе кемайхнень и удаватнень, и арафтозе авать инголест шиса-парса.

Павелонь сёрмац Риму 1:12

лиякс мярьгомс, улелеме нежекс фкя-фкянди минь марстонь кемамасонк: тинь улеледе нежекс тейне, а мон – тейнть.

Павелонь сёрмац Риму 1:5

Сонь вельденза тейнек максфоль пароказнесь и апостолонь тевсь: вятелеськ сембе ломаньтналхнень Иисусонь лемс кемамати.

Павелонь васенце сёрмац Коринфу 7:32

Монь мялезе: афоледе лажна-пичеде стакащемда. Аф рьвяяфсь лажнай Азоронь тефнень колга, кода ваномс Азорть мяленц,

Павелонь васенце сёрмац Коринфу 7:34

рьвакс апак тук стирсь лажнай Азоронь тефнень колга – сянь колга, кода улемс инярукс ваймонек-ронгонек. Ина рьвакс туфсь лажнай масторлангонь тефнень колга, кода ваномс мирденц мялец.

Павелонь сёрмац Ефесу 6:18

Тянь тиендесть эрь кодама озондомаса и эняльдемаса. Сембе пинкнень озондода Иняру Ваймопожфса. Уледа анокт и апак лотксек озондода Шкайти сембе иняру ломаттнень инкса.

Павелонь сёрмац Филиппав 4:6

Мезеньге колга тяда пичеде, но фалу озондомаса и эняльдемаса, сюконязь панчсесть мялентень Шкайть инголе.

Павелонь васенце сёрмац Тимофеенди 2:1

Сянкса эняльдян, васендакиге тиендеда тяфта: катк озондоманте, вешфксонте, эняльдеманте, сюконяманте улихть сембе ломаттнень инкса,

Павелонь васенце сёрмац Тимофеенди 5:16

Кда кемай авать юромсонза улихть удават, катк сон лезды тейст, и тя удаватне аф улихть сталмокс кемаень пуромксти. Эста пуромкссь машты пичедемс-канзедемс афкуксонь удаватнень колга, конат илядсть ськамост.

Павелонь васенце сёрмац Тимофеенди 5:3

Кирдить пара лувксса и лезтт удаватненди, конат афкуксонь удават.

Павелонь омбоце сёрмац Тимофеенди 1:3

Мон сюконян Шкайти, конанди покодян ару ваймовайгяльса кунардонь пингонь раднянень лаца, и фалу, шинек-венек, лятфнете тонь эсь озондомасон.

Пёторонь васенце сёрмац 3:5

Тяфта мазопнезь эсь пряснон кунардонь пингонь Шкайти кемай рьватне, конат надиясть Сонь лангозонза. Синь ульсть мирдень кулхцондыкс.