Павелонь васенце сёрмац Тимофеенди 3:16 - Од Соткс Новый Завет на мордовском-мокша языке 2016

¹⁶ И афкукс виде: минь кемаманьконь салавашиц инь оцю: Шкайсь сась ломанень ронгса, Иняру Ваймопожфсь няфтезе Сонь видексшинц, Сонь няезь ангелхне; Сонь колганза кулясь пачфтьфоль ломаньтналхненди, Тейнза кемасть масторлангса, и Сон иневалдса кепотьфоль менельти.

Павелонь васенце сёрмац Тимофеенди 3:16 Iomraidhean Croise

Матфей 1:23

«Аляса апак токак стирсь пекияй и шачфты Цёра, и путыхть Тейнза лем Еммануил», кона шарьхкодеви: «Шкайсь мархтонк».

Матфей 13:11

Сон мярьгсь каршезост: «Сяс мес тейнть максф содамс Менелень Оцязорксшить салавашинзон, а тейст тя апак макст.

Матфей 28:2

Апак учсек, вииста шерьхкозевсь модась, сяс мес менельста валгсь Шкайть ангелоц. Сон маладсь калмоти, шашфтозе сувама вастста кевть и озась лангозонза.

Матфей 3:16

Кстиндамда меле Иисус эстокиге лиссь ведьста, и панжевсь Тейнза менельсь, и няезе Шкаень Ваймопожфть, кона гуляня лаца валгсь Сонь лангозонза.

Матфей 4:11

Эста идемэвозсь кадозе Иисусонь, и вов, ангелхне састь и кармасть лездома Тейнза.

Марк 1:13

Сон ульсь шавмодаса вирьбаксянь жувататнень ёткса нильгемонь ши. И тоса Сатанась тяряфнезе сувафтомс Сонь пежес, но ангелхне лездкшнесть Тейнза.

Марк 16:19

Синь мархтост тяфта корхнемда меле Иисус Азорсь кепотьфоль менели и озась Шкайть види кядь ширесонза.

Марк 16:5

Аватне сувасть калму, види ширеса няйсть од цёра, кона щафоль акша щамса; и пяк эводсть.

Лука 2:32

валдть, кона валдоптсыне сембе ломаньтналхнень, и иневалдть Тонь Израилень ломаньтналцти».

Лука 20:44

Лисенди, Давид лемнесы Христость Азоркс; кода ина Христоссь ули Давидонди цёракс?»

Лука 22:43

Эвондась Тейнза менельста ангел и кемокснезе Сонь.

Лука 24:4

Мзярс синь абонкшнесть, апак учт инголест эвондасть пиндолды щамса кафта алят.

Лука 24:51

Бславамбачк Иисус кармась аердома эздост и ульсь кепотьф менели.

Иоанн 1:14

Валсь арась ломанькс и эрясь ётксонк пароказнеда и видешида пяшкотьфста. И минь няеськ Сонь оцюшинц, ся оцюшить, кона максф фкя-тяка Цёрати Алянц эзда.

Иоанн 13:3

Иисус содазе: Аляц семботь максозе Сонь кядялонза, и содазе: Сон сась Шкайть ширде и туй Шкайти.

Иоанн 15:26

Тейнть сай Лезды, Мон кучса Сонь Алязень эзда. Тя Лездысь – видешити вяти Ваймопожф, кона лиси Алязень эзда. Сон кармай азондома колган.

Иоанн 16:28

Мон сань Алязень ширеста и сань масторлангти; и тяни кадса масторлангть и туян Алязти».

Иоанн 17:5

Аляй, тяни Тон няфтьк Монь иневалдозень Эсь ширесот, максомок Тейне ся иневалдть, кона ульсь Монь кядьсон, мзярда Тонь мархтотолень нинге менельть-масторть тиемда инголе».

Иоанн 20:12

и няйсы: ся вастса, коза инголи путфоль Иисусть ронгоц, озафт акша щамса кафта ангелхт, фкясь озаф пряпеса, омбоцесь пильгопеса.

Иоанн 6:62

Мезе ина улель мархтонт, кда няендярялесть Ломанень Цёрать кеподеманц тоза, коса ульсь тяда инголе?

Апостолхнень тевсна 1:19

Тянь колга кульсть Иерусалимонь сембе эряйхне, и тя паксять лемдезь "Акелдама", синь кяльстост ётафневи "Веры пакся".

Апостолхнень тевсна 10:34

Пётр мярьгсь: «Вов тяни мон афкукс шарьхкодень, Шкайсь фкакс лувсыне сембе ломаттнень.

Апостолхнень тевсна 14:27

Антиохияв самста синь кочказь кемаень пуромксонь сембе ломаттнень и азондозь тейст, мезе Шкайсь тись синь вельдест и кода Сон панжезе лия тналонь ломаттненди кемамань кенкшть.

Апостолхнень тевсна 20:28

Ванода эсь мельгант и марнек стадать мельге, конань ваномонза ладядязь Иняру Ваймопожфсь. Ваность Азорть и Шкайть кемаень пуромксонц, конань Сон рамазе Эстейнза веронц питнеса.

Павелонь сёрмац Риму 10:12

Тя азф сембонди, и еврейти, и лия ломаньтналоннети. Азорсь сембонди фкя, и козяста казьсыне сембонь, кие тердьсы Сонь.

Павелонь сёрмац Риму 10:18

Но мон кизефнян: кали синь ашезь куле? Кулемс кулезь! Вдь Сёрматфксса азф: «Модать келес срадсь синь вайгяльсна, масторть пенцты пачкодсть валсна».

Павелонь сёрмац Риму 3:4

Прокс аф! Шкайсь фалу кирдьсы валонц, а эрь ломанць кяльготни, кода азф Сёрматфксса: «Тонь сембе валхне най лувовихть видекс, и сятнень лангса, кит муворгофнетядязь Тонь, сявсак вярть».

Павелонь сёрмац Риму 8:3

Мезе ульсь аф вийс коре койти, кона лафчель минь колаф обуцяньконь сюнеда, сянь тиезе Шкайсь. Сон озксказнекс минь пеженьконь инкса кучезе масторлангти Эсь фкя-тяка Цёранц, конань ронгоц ульсь пежу ломаттнень ронгснон лаца. Тяфта Сон судендазе ломанень пежеть Христость ронгонц вельде.

Павелонь сёрмац Риму 9:5

Синнет ульсть кунардонь пингонь атянь-атятневок, и синь эздост ломанькс шачсь Христос, семботь лангса ащи Шкайсь, кона бславаф пефтома пингс! Аминь.

Павелонь васенце сёрмац Коринфу 15:47

Васенце ломанць ульсь мода лангста, тиф пульста, омбоце Ломанць – Азорсь менельста.

Павелонь васенце сёрмац Коринфу 2:7

Аф, минь азондсаськ Шкаень смузьшить, салаваннеть, кяшфть; ся смузьшить, конань Шкайсь ладязе тейнек иневалдокс менельхнень-масторхнень тиемда инголе.

Павелонь омбоце сёрмац Коринфу 1:19

Вдь Шкаень Цёрась, Иисус Христоссь, конань колга минь: мон, Силуан и Тимофей, азондоме тейнть, фкя сяка пингть ашезь корхне «тяфта» и «аф тяфта»; но Иисусонь вельде пяшкодевсь «тяфта» валсь,

Павелонь сёрмац Галатияв 2:8

Вдь Ся, кие лездсь Пёторонди покодемс апостолонь тевса еврейхнень ёткса, Ся тейненге лездсь покодемс лия ломаньтналхнень ёткса.

Павелонь сёрмац Галатияв 4:4

Но мзярда сась ладяф пингсь, Шкайсь кучезе Эсь Цёранц. Сон шачсь ломанькс авань эзда и эрясь койть ала ва мес:

Павелонь сёрмац Ефесу 1:9

Шкайсь пара мяленц коряс панжезе тейнек Эсь мяленц салавашинц, конань инголькиге путозе-ладязе пяшкодемс Христость эса

Павелонь сёрмац Ефесу 6:19

И моньге инксон озондода: катк, мзярда мон ушедан корхтама, Шкайсь максы тейне виде валхт и мон аф пелезь карман панчсемонза Пара кулять салавашинц.

Павелонь сёрмац Колоссав 1:23

Аньцек тейнть сяда товга эряви кемоста ащемс кемамаса и аф тушендомс Пара кулянь надиямать эзда, конань тинь кулесть. Тя Пара кулясь ульсь пачфтьф масторлангонь сембе ломаттненди. И тя Куляти мон, Павел, арань покодикс.

Павелонь сёрмац Колоссав 1:27

Шкайть мялецоль панжемс тейст, конашкава оцю и козя салавашить иневалдоц лия ломаньтналхненди. Тя салавашись вага мезьса: Христоссь тинь эсонт и Сон – тинь надияманте сай пингонь иневалдти.

Павелонь сёрмац Колоссав 1:6

кона тяни пачкодсь тейнть. Тя кулясь келеми и канды цебярь имошт сембе масторга. Сон тинь ётксонтка касы и канды имошт ушедомок ся шиста, мзярда тинь кулесть сонь и шарьхкодесть Шкаень пароказнеть тяфтамкс, кодама сон афкукс ули.

Павелонь сёрмац Колоссав 2:2

Тянь семботь мон тиендьса, сяс мес мялезе кемокстамс тинь седиентень и сотомс тинь фкя-фкянь мархта кельгомань сотксса. Эста тинь пачкоттяда сембода крхка и питни шарьхкодемати: тинь карматада содамонза Шкайть салавашинц – Христость.

Павелонь омбоце сёрмац Фессалоникав 1:10

Тяфта тиеви ся шиня, мзярда Сон сай и ули шнаф Эсь иняру ломанензон ёткса. Эста лангозонза ванозь дивандазевихть сембе сят, кит кемасть Тейнза. Ётксост ульхтяда тиньге, сяс мес тинь кемаде минь няфтеманьконди-азондоманьконди Христость колга.

Павелонь омбоце сёрмац Фессалоникав 2:7

Тя койфтомошинь вийсь салава ни тиендьсы эсь тевонц. Аньцек сонь кистонза эряви сявомс ся, кие персесы кинц.

Павелонь васенце сёрмац Тимофеенди 3:9

Тейст эряви ванфнемс ару ваймовайгяльса кемамать салавашинц, конань смузенц тяни панжезе Шкайсь.

Еврейхненди сёрмась 1:3

Цёрась – Шкаень иневалдть вандолфоц и Сон Эсьсонза няфнесы афкукс кодама Шкайсь, и Сон семботь кирдьсы Эсь валонц виенц вельде. Сон аруяфтомазь минь пеженьконь эзда и тяда меле озась менельса инь оцю Шкайть озама вастонц види ширезонза.

Еврейхненди сёрмась 12:2

Апак лотксек карматама ванома Иисусонь лангс, кемаманьконь ушедыенц и педа-пес пяшкодиенц лангс. Сон инголенза ащи кеняртьксть вастс кулось крёз лангса, аф ваномок визьксть лангс, и тяни озаф Шкайть озама вастонц види ширесонза.

Еврейхненди сёрмась 7:7

Апак корхтак содави, ёмлась бславави сяда оцюса.

Еврейхненди сёрмась 8:1

Минь азфоньконь эзда инь оцюсь тя: минь ули тяфтама Озксвятиень оцюняньке, кона озась менельса инь оцю Шкайть оцязоронь озама вастонц види ширесонза.

Пёторонь васенце сёрмац 1:12

Тейст панчфоль: мзярда синь корхтасть ня тефнень колга, синь покодсть аф эстейст, а тейнть. Тяни ня тефнень колга тейнть пачфтсть сят, конат менельста кучф Иняру Ваймопожфть вийса кандсть тейнть Пара куля. Ня тефнень лангс, пчкясь, ангелхневок ванольхть оцю мяльса!

Пёторонь васенце сёрмац 1:20

Сон ладяфоль тянди нинге менельхнень-масторхнень тиемдост инголе, а тяни, мекольдень пинкнень, Сонь эвондазь тинь инксонт.

Пёторонь васенце сёрмац 1:21

Христость вельде тинь кармаде кемама Шкайти, кона вельмафтозе Сонь кулофнень эзда и макссь Тейнза оцюши. Сяс тяни тиньге кематада и надиятада Шкайть лангс.

Пёторонь васенце сёрмац 3:18

Вдь Христосовок весть и сембе пинкненди кирдсь маятамат минь пеженьконь инкса: видексшиса эряйсь аф видексшиса эряйхнень инкса, сяс мес Сонь мялецоль вятемс минь Шкайти. Сонь ронгоц ульсь кулофтф, но Сон вельмафтфоль ваймопожфонь эряфти,

Пёторонь васенце сёрмац 3:22

Сон менели кеподемдонза меле ащи Шкайть види кяденц ширеса, и сембе ангелхне, азорксшитне и вийхне тиевсть Тейнза кулхцондыкс.

Иоаннонь васенце сёрмац 1:2

Тя эряфсь панжевсь тейнек и минь няеськ сонь. И сяс корхтатама кода няихне-содайхне и пачфнесаськ тейнть тя пефтома эряфть, кона ульсь Алять мархта и тяни панжевсь тейнек.

Иоаннонь васенце сёрмац 3:5

Но кода тинь содасасть, Христоссь сась минь пеженьконь сявома; а Сонцень эсонза аш кодамовок пеже.

Иоаннонь васенце сёрмац 3:8

А кие тиенди пеже, ся идемэвозть эзда, сяс мес идемэвозсь ушетксстокиге тиенди пеже. Сянкса и сась Шкаень Цёрась: машфтомс идемэвозть тевонзон.

Иоаннонди панчф няйфкс 17:5

Конясонза тяштьфоль лем, конань ульсь кяшф смузец: «Инь оцю Вавилонць, усксевихнень и масторлангонь туткотксшитнень тядясна».

Иоаннонди панчф няйфкс 17:7

Ангелсь мярьгсь тейне: «Мес тон дивандазевоть? Мон панчса тейть салавашинц тя авать и сисем пряса и кемонь сюроса кяжи жуватать, конань лангса сон арни ластя.

Иоаннонди панчф няйфкс 7:9

Сяльде мон няень ламодонга лама ломань, конат киндинге ашесть лувов, эрь кодама масторста и юромста, сембе ломаньтналхнень и кяльхнень эзда. Синь ащесть акша щамса оцязоронь озама вастть и Верозть инголе, кядьсост кирдсть пальмань тараткат.