Павелонь васенце сёрмац Тимофеенди 2:6 - Од Соткс Новый Завет на мордовском-мокша языке 2016

⁶ кона максозе Эсь прянц сембе ломаттнень идемаснон-рамамаснон инкса. Тя ульсь виде пингста, и няфнесы Шкайть арьсефонц.

Павелонь васенце сёрмац Тимофеенди 2:6 Iomraidhean Croise

Матфей 20:28

Ломанень Цёраське сась аф Эсь лангозонза лиятнень покотьфтома, меколанкт Сон сась покодема лиятненди и максомс Эсь эряфонц ламотнень идемаснон инкса».

Марк 1:15

Сон корхтась: «Пингсь сась. Шкаень Оцязорксшись маласа. Шарфтода Шкайти и кемада Пара куляти».

Марк 10:45

Вдь Ломанень Цёраське сась аф Эсь лангозонза лиятнень покотьфтема, а лиятнень лангс покодемс и максомс Эсь ваймонц ламотнень идемаснон инкса».

Иоанн 10:15

сянь лаца кода Алязе содасамань Монь и Монга содаса Алязень; и Эсь прязень путса учатнень инкса.

Иоанн 6:51

Мон менельста валкф эряфонь максы кшисян: тя кшида ярхцайсь кармай эряма пефтома. Кшись, конань Мон максса, – Монь ронгозе, конань Мон максса масторлангонь эряйхнень инкса».

Павелонь сёрмац Риму 5:6

Мзярда минь ашель виеньке лездомс эстейнек, Христос ладяф пингть кулось минь инксонк, пежу ломаттнень.

Павелонь васенце сёрмац Коринфу 1:6

вдь Христость колга кулясь кемокставсь эсонт, –

Павелонь омбоце сёрмац Коринфу 5:21

Шкайсь путозе муворшить сембе минь пеженьконь инкса Христость лангс, конань прокс ашельхть пеженза. Тянь вельде Христосса минь араме видексшинь ломанькс Шкайть инголе.

Павелонь сёрмац Галатияв 1:4

Сон максозе Эсь прянц минь пеженьконь инкса, сяс мес Сонь мялец идемс минь кяжи вийть эзда, кона азорондай тяни масторлангса. Тя ульсь Шкайть, минь Аляньконь, мяленц коряс,

Павелонь сёрмац Галатияв 4:4

Но мзярда сась ладяф пингсь, Шкайсь кучезе Эсь Цёранц. Сон шачсь ломанькс авань эзда и эрясь койть ала ва мес:

Павелонь сёрмац Ефесу 1:17

Катк Иисус Христос Азороньконь Шкаец, иневалдонь Алясь, максы тейнть смузьшинь Ваймопожф и Шкайть эзда панжема, и тяфта тейнть содави-шарьхкодеви Сон.

Павелонь сёрмац Ефесу 1:7

И Цёрать эса улемать вельде минь идефтяма Сонь версонза, лиякс, тейнек нолдафт пеженьке. Тяфтама козя Шкайть пароказнец!

Павелонь сёрмац Ефесу 3:5

Сяда ингольдень эряйхненди апак макстоль содамс тя салавашить, но тяни Иняру Ваймопожфсь панжезе сонь Шкаень иняру апостолхненди и пророкненди.

Павелонь сёрмац Ефесу 5:2

Эряда кельгомаса, кода Христосовок кельгомазь минь и максозе минь инксонк Эсь прянц Шкайти озксказнекс, кантфокс танцти шине мархта.

Павелонь омбоце сёрмац Фессалоникав 1:10

Тяфта тиеви ся шиня, мзярда Сон сай и ули шнаф Эсь иняру ломанензон ёткса. Эста лангозонза ванозь дивандазевихть сембе сят, кит кемасть Тейнза. Ётксост ульхтяда тиньге, сяс мес тинь кемаде минь няфтеманьконди-азондоманьконди Христость колга.

Павелонь васенце сёрмац Тимофеенди 6:15

Эсь пингстонза Сонь саманц тейнек панчсы Шкайсь, Бславафсь и семботь лангса фкя Виись. Сон оцязорхнень Оцязорсна и азорхнень Азорсна.

Павелонь омбоце сёрмац Тимофеенди 1:8

Сяс тят визде азонкшнемс Иисус Христос Азороньконь колга ломаттненди, тяфта жа тямак визде монь, Сонь валонц пачфнеманкса пякстафть. Меколанкт, кирдить мархтон сталмонень Христость Пара кулянц инкса, надиязь Шкайть виенц лангс.

Павелонь сёрмац Титонди 2:14

Сон максозе прянц инксонк и тяфта идемазь сембе пежетнень эзда, аруяфтомазь и тиемазь минь Эстейнза ломаньтналкс, кона ваймонь путозь ёрай тиемс пара.

Еврейхненди сёрмась 9:12

Сон сувась иняруда-иняру пяльксти аф сяватнень и вазнятнень верснон вельде, а Эсь веронц вельде. Сон весть и сембе пинкненди кандозе ломаттненди идемать пефтома пингс.

Пёторонь васенце сёрмац 2:24

Сон Сонць Эсь ронгсонза кеподезень минь пеженьконь крёз лангс вов мезенкса: кадомок пеженьконь, эрялеме видексшить коряс. Сонь сярятьфксонзон-аржензон вельде тинь уледе пчкафтфт.

Пёторонь васенце сёрмац 3:18

Вдь Христосовок весть и сембе пинкненди кирдсь маятамат минь пеженьконь инкса: видексшиса эряйсь аф видексшиса эряйхнень инкса, сяс мес Сонь мялецоль вятемс минь Шкайти. Сонь ронгоц ульсь кулофтф, но Сон вельмафтфоль ваймопожфонь эряфти,

Иоаннонь васенце сёрмац 4:10

Афкуксонь кельгомась аф тоса, мес минь кельгсаськ Шкайть, а вов мезьса: Шкайсь Сонць кельгомазь минь и кучезе Эсь Цёранц ладямань канды озксказнекс минь пеженьконь инкса.

Иоаннонди панчф няйфкс 1:5

и Иисус Христость, видеть азондыенц эзда. Сон васенцесь, кие вельмась кулофнень эзда и Сон масторлангонь сембе оцязорхнень азорсна. Сон кельгомазь минь и Эсь версонза аруяфтомазь пеженьконь эзда.

Иоаннонди панчф няйфкс 5:9

Синь морасть од мора: «Тонь оцюшицень коряс Тейть сявови книгась и валхтовихть лангстонза пякстамань тяштьксне, сяс мес Тон улеть печкф и Эсь версот рамайть Шкайти ломаттнень эрь юромста, кяльста, ломаньтналста и масторста.