Павелонь васенце сёрмац Тимофеенди 1:5 - Од Соткс Новый Завет на мордовском-мокша языке 2016

⁵ Тя кошарксть вешфксоц – кельгомась, кона лиси ару седиста, цебярь-пара ваймовайгяльста и афкуксонь кемамаста.

Павелонь васенце сёрмац Тимофеенди 1:5 Iomraidhean Croise

Матфей 12:35

Пара ломанць парода пяшксе седистонза лихни цебярь, а кяжись кяжда пяшксе седистонза – кяж.

Матфей 5:8

Павазуфт сят, кинь аруфт седисна, сяс мес синь няйсазь Шкайть.

Апостолхнень тевсна 15:9

Сон лувозень синь минь мархтонк фкакс, сяс мес кемамаса аруяфтозень синь седиснон.

Апостолхнень тевсна 23:1

Павел варжакстсь Оцю пуромксонь ломаттнень лангс, мярьгсь: «Ялгат! Мон сембе эряфозень и тячиень шить самс ару ваймот эрянь Шкайть инголе».

Апостолхнень тевсна 24:16

Сяс мон семботь тиса ваймозень аруста ванфтоманкса ломаттнень и Шкайть инголе.

Павелонь сёрмац Риму 10:4

А вдь Христос педа-пес пяшкодезе койть, сяс тяни эрсь, кие кемай Тейнза, ули лувф видексшинь ломанькс Шкайть инголе.

Павелонь сёрмац Риму 12:9

Катк тинь кельгоманте ули седиваксстонь. Аердода кяжть эзда и педеда паронь тиемати.

Павелонь сёрмац Риму 14:15

Кда тонь кемай ялгацень колави мялец сянкса, мезьда тон ярхцат, эста тон аф кельгомас коре тиендят. Тяк вяте юмамас-арамас ярхцамбяльцень мархта сянь, кинь инкса кулось Христос.

Павелонь сёрмац Риму 9:1

Мон корхтаса видеть и кемокстаса тянь Христость лемса. Мон аф кяльготнян и тянь кемокстасы монь ваймовайгялезе, кона вятневи Иняру Ваймопожфса.

Павелонь васенце сёрмац Коринфу 13:1

Корхтандярян мон ломанень и ангелонь кяльса, а кельгома эсон аш, эста мон кода пайгонь шава гайняман али кальдердемань цингордоман.

Павелонь омбоце сёрмац Коринфу 1:12

Минь шнатама пря, сяс мес ару ваймовайгяленьке кемокстай эсонк: минь тя масторлангса, а сембода пяк тинь ётксонт, эряме седиень панжезь и виде ваймоса, Шкайть мяленц коряс. Прянь вятемаса минь тиендеме аф ломанень смузьшить коряс, а Шкаень пароказнеть коряс.

Павелонь сёрмац Галатияв 5:22

Но Ваймопожфсь касфтсы Эсь иможенц. Тя: кельгомась, кенярдемась, сетьмошись, куватьс кирдемшкась, парошись, ляпошись, кемамась,

Павелонь сёрмац Галатияв 5:6

Вдь, кда минь сотофтама Христос Иисусонь мархта, эста сембе сяка – керф киськопеньке али аф. Эряви аньцек кемама, кона няфтеви кельгомаса.

Павелонь васенце сёрмац Тимофеенди 1:18

Тимофей цёрай, тя кошардомать мон максса тейть ся пророчестватнень коряс, конат инголи тонь колгат азфтольхть, и сяс, ваномок синь лангозост, вятть цебярь тюрема,

Павелонь васенце сёрмац Тимофеенди 1:19

ванфнемок кемамацень и ару ваймовайгяльцень. Кой-конат сонь юмафтозь и кемамасна лазовсь, кода лазови венчсь, мзярда цяподи оцю кевти.

Павелонь васенце сёрмац Тимофеенди 3:9

Тейст эряви ванфнемс ару ваймовайгяльса кемамать салавашинц, конань смузенц тяни панжезе Шкайсь.

Павелонь омбоце сёрмац Тимофеенди 1:3

Мон сюконян Шкайти, конанди покодян ару ваймовайгяльса кунардонь пингонь раднянень лаца, и фалу, шинек-венек, лятфнете тонь эсь озондомасон.

Павелонь омбоце сёрмац Тимофеенди 1:5

Мон мяляфтса тонь панжадонь седихть кемамацень, кона инголи ульсь тонь Лоида бабацень и Евники тядяцень седисост. Мон кеман, тя кемамась ули тонь седисотка.

Павелонь омбоце сёрмац Тимофеенди 2:22

Од ломанень пси-лакай маряматнень эзда тук ласькозь. Сатнек видексшить, кемамать, кельгомать, сетьмошить сембонь сятнень мархта, кит ару седиса тернесазь Азорть лездомс.

Павелонь сёрмац Титонди 1:15

Аруфненди сембось ару. А сятненди, конат аф аруфт и аф кемайхть – тейст мезевок аш ару. Сятнень мяльсна и ваймовайгяльсна тиевсть ни аф арукс.

Еврейхненди сёрмась 10:22

Эрьда сашенттама Шкайть инголи панжада седиса, кеме кемамаса, стама седиса, конац аруяфтф верса мувору ваймовайгяльть эзда, и ронгса, конац штаф ару ведьса.

Еврейхненди сёрмась 13:18

Озондода минь инксонк. Минь кемоста содасаськ: ваймовайгяленьке аруфт, вдь минь сембоса ёратама эрямс видеста.

Еврейхненди сёрмась 9:14

эста конашкава сяда аруяфты Христость вероц! Пефтома пингонь Иняру Ваймопожфть вельде Сон кандозе Эсь прянц афсатыксфтома озксказнекс Шкайти. Сонь вероц аруяфтсыне ваймовайгяленьконь кулоф тефнень эзда и тисамазь минь маштовиксокс эряй Шкайть покодемасонза.

Иаковонь сёрмац 4:8

Маладода Шкайти, Сонга малады тейнть! Штасть кядентень, пежуфт, и тинь, конатнень мяльсна явфт кафтова, аруяфтость эсь седиентень!

Пёторонь васенце сёрмац 1:22

Тяни тинь араде кулхцондыкс видешити, и тянь вельде Ваймопожфсь аруяфтозень тинь ваймонтень и макссь тейнть вий кельгомс эсь кемай ялгантень. Тяфта тиендеда сяда товга: фалу кельгода фкя-фкянь ару седиса.

Пёторонь васенце сёрмац 3:16

ванфнемок эсь ваймовайгялентень арушиса. Эста араза визькс сятненди, кит кальдявста корхтайхть колгант и сялдсазь тинь ару эряфонтень, кона Христость мяленц коряс.

Пёторонь васенце сёрмац 3:21

Тя ведсь няфнесы кстиндамать, кона тяни тиньге идетядязь. Кстиндамась – тя аф ронгть лангста рдазонь штама, а Шкайть кядьста ару ваймовайгялень вешема. Кстиндамась идетядязь тинь Иисус Христосонь вельмаманц вельде.

Пёторонь васенце сёрмац 4:8

Васенда, седи ваксста кельгода фкя-фкянь, сяс мес кельгомась вельхтяй лама пеже.

Пёторонь омбоце сёрмац 1:7

Шкайть мяленц коряс эрямасонт няфтеда ялгаксши кемай ялгантенди, а ялгаксшисонт – кельгома.

Иоаннонь васенце сёрмац 3:10

Шкаень иттне и идемэвозень иттне вага кода содавихть: кие аф тиенди видексшить коряс, ся аф Шкайть эзда, кода и сявок, кие аф кельгсы эсь кемай ялганц.

Иоаннонь васенце сёрмац 3:23

А Шкайть кошардомац тяфтама: тейнек эряви кемамс Сонь Цёранцты, Иисус Христосонди, и кельгомс фкя-фкянь, кода Сон кошардомазь.

Иоаннонь васенце сёрмац 3:3

Эрь ломанць, конань ули тяфтама надиямац Шкайть лангс, тисы эсь прянц стама арукс, кодама ару Христоссь.