Павелонь васенце сёрмац Фессалоникав 4:8 - Од Соткс Новый Завет на мордовском-мокша языке 2016

⁸ Тяфта, кие шарфты тя тонафтомать эзда, ся аф ломанть эзда шарфты, а Шкайть, кона максозе тейнек Эсь Иняру Ваймопожфонц.

Павелонь васенце сёрмац Фессалоникав 4:8 Iomraidhean Croise

Лука 10:16

Тинь кулхцондыенте Монь кулхцондсамазь, и тинь эздонт аердысь Монь эздон аерды; а Монь эздон аердысь Монь Кучиезень эзда аерды».

Иоанн 12:48

Эздон аердыть, Монь валозень аф кулхцондыенц ули ни судендаец: Монь валозе кармай сонь судендамонза мекольце шиня.

Апостолхнень тевсна 13:41

"Ванода, низелкшнихть, дивандада и юмада! Сяс мес Мон тиян тяни, пингстонт, тяфтама тев, конанди тинь афоледе кема, кда кивок азондолезе тейнть"».

Павелонь сёрмац Риму 5:5

А надиямась аф васькафты, сяс мес Шкайсь Эсь кельгоманц валозе минь седиезонк Иняру Ваймопожфть вельде, кона максф тейнек.

Павелонь васенце сёрмац Коринфу 2:10

А тейнек Шкайсь тянь панжезе Эсь Ваймопожфонц вельде, сяс мес Ваймопожфсь ванцы и тонафнесы семботь, нльне Шкайть салавашинцка-крхкашинцка.

Павелонь васенце сёрмац Коринфу 7:40

Но сон ули сяда павазу, кда ляды ськамонза. Тяфтама монь мялезе, а мон арьсян, моньге эсон ули Шкаень Ваймопожф.

Павелонь омбоце сёрмац Коринфу 1:22

Сон тяштькстамазь минь Эсь тяштькссонза и максозе Эсь Ваймопожфонц минь седиезонк. Ваймопожфть вельде минь кемоста содасаськ: Сон макссы тейнек сянь, мезе надияфтсь максомс.

Павелонь сёрмац Галатияв 4:6

Тяни ни тиньге Шкаень иттяда. Тянь няфтеманкса Шкайсь кучезе тинь седиезонт Эсь Цёранц Ваймопожфонц, кона тердьсы Шкайть: «Авва! Аляй!»

Пёторонь васенце сёрмац 1:12

Тейст панчфоль: мзярда синь корхтасть ня тефнень колга, синь покодсть аф эстейст, а тейнть. Тяни ня тефнень колга тейнть пачфтсть сят, конат менельста кучф Иняру Ваймопожфть вийса кандсть тейнть Пара куля. Ня тефнень лангс, пчкясь, ангелхневок ванольхть оцю мяльса!

Пёторонь омбоце сёрмац 1:21

Вдь мзярдовок пророчествась ашезь азондов ломанень мяльть коряс. Сонь азонкшнезь Шкаень иняру ломаттне, конат вятневсть Иняру Ваймопожфть вельде.

Иоаннонь васенце сёрмац 3:24

Кие ванфтсыне Шкайть кошардоманзон, ся эряй Шкайть эса, а Шкайсь эсонза. Сон афкукс эряй минь эсонк, тянь минь содасаськ ся Ваймопожфть коряс, конань Сон максозе тейнек.

Иудань сёрмац 1:8

Тяконь лаца ня шкайфтомотне, ононь-няйфксонь няихне, тиендьсазь аф арукс эсь ронгснон, мезькска аф лувсазь оцюнятнень и сялдсазь менелень вийхнень.