Павелонь васенце сёрмац Фессалоникав 4:4 - Од Соткс Новый Завет на мордовском-мокша языке 2016

⁴ Катк эрсь азорондай эсь ронгонц лангса, ванфтсы сонь инярушиса и пара лувксса,

Павелонь васенце сёрмац Фессалоникав 4:4 Iomraidhean Croise

Апостолхнень тевсна 9:15

Но Азорсь мярьгсь тейнза: «Архт! Сон Монь кочкаф кядьгозе, кона пачфтьсы Монь лемозень ломаньтналхненди, оцязорхненди и Израилень ломаттненди.

Павелонь сёрмац Риму 1:24

Сяс Шкайсь кадозень синь аф арушис, визькс мялень топафнемас, тяфта синць максозь туткотксшити эсь ронгснон.

Павелонь сёрмац Риму 12:1

Сяс эняльдян тейнть, кемай ялгат, Шкайть кельгозь ужяльдеманц инкса максость марнек прянтень Шкайти, кода эряй озксказне, кона лемтьф Тейнза и тушенды мялезонза. Тя ули Шкайти тинь афкуксонь и ваймопожфонь покодеманте.

Павелонь сёрмац Риму 6:19

Мон тянь корхтаса стама кяльса, кона сяда шарьхкодеви тейнть. И кода тинь мзярда-бди максость прянтень урексшис аф арушити и койфтомошити – тиендемс койфтома тефт, тяфта тяни максость ронгонтень урексшис видешити – тиендемс иняру тефт.

Павелонь васенце сёрмац Коринфу 6:15

Кали тинь аф содасасть: тинь ронгонте – Христость ронгонцты пялькст? Кали мон сявсайне Христость ронгонь пяльксонзон и тисайне синь пяльксокс усксеви авать ронгонцты? Мзярдонга аф!

Павелонь васенце сёрмац Коринфу 7:2

Но усксевомас аф праманкса, катк эрь алять ули эсь рьвац, а авать эсь мирдец.

Павелонь васенце сёрмац Коринфу 7:9

Но кда синь аш кирдемшкасна, катк рьвяйсихть. Сяда пара рьвяямс салава мялень толса паломать коряс.

Павелонь омбоце сёрмац Коринфу 4:7

Тяфтама питни козяшить минь каннесаськ эсьсонк, бта сёвонень кядьгоняса. Тянь вельде няеви: тя аф ункстави вийсь моли Шкайть эзда, а аф минь эздонк.

Павелонь сёрмац Филиппав 4:8

И нинге, кемай ялгат, фалу арьседа сянь колга, мезсь видешинь, мезсь лувови цебярькс, мезсь виде, мезсь ару, мезсь кельгови, мезсь кулеви парокс, мезсь цебярь и шнави.

Еврейхненди сёрмась 13:4

Катк эрсь кирдьсы пара лувксса рьвяямань сотксть. Мирттненди и рьватненди эряви улемс видекс и арукс фкя-фкянь инголе; вдь Шкайсь судендасыне сятнень, кит усксевихть и васькафнесазь поласнон.

Пёторонь васенце сёрмац 3:7

Тяфта тиньге, миртть, эсь рьвантень мархта уледа шарьхкодикс, сяс мес синь тинь корязонт сяда лафчт. Кельгость синь и лувость синь питникс Шкайть сельмоса, сяс мес тейст, кода тейнтьке, казнекс максови Шкайть эзда пефтома эряф. Эста мезевок аф кармай шоряма тинь озондомантенди.