Павелонь васенце сёрмац Фессалоникав 3:8 - Од Соткс Новый Завет на мордовском-мокша языке 2016

⁸ Вдь мзярда тинь кемоста ащетяда Азорса, эста минь тага афкукс эрятама.

Павелонь васенце сёрмац Фессалоникав 3:8 Iomraidhean Croise

Иоанн 15:4

Уледа Монь эсон, Монга улян тинь эсонт. Кода тараткясь почкфтома сонць аф канды имошт, стане тиньге аф канттада имошт, кда аф ульхтяда Монь эсон.

Иоанн 15:7

Кда тинь ульхтяда эсон и Монь валневок улихть тинь эсонт, эста Алязень кядьста анада, мезе мяленте, и максови тейнть.

Иоанн 8:31

Эста Иисус мярьгсь ся еврейхненди, конат кармасть Тейнза кемама: «Эряндярятада Монь валозень коряс, эста тинь видекс Монь тонафнине.

Апостолхнень тевсна 11:23

Тов пачкодемста сон эсь сельмосонза няезе Шкаень пароказнеть и сонь сявозе кенярдема. Сон тернезень сембе ломаттнень кемоста ванфтомс Азорти кемамаснон.

Павелонь васенце сёрмац Коринфу 15:58

Сяс, кельгома ялгат, уледа кемот и мезевок тязадязь шерьфте. Марнек прянтень максость Азорть тевонцты, сяс мес тинь содасать: стака покодеманте Азорть инголе шавокс аф ули.

Павелонь васенце сёрмац Коринфу 16:13

Тяда уда, кемоста ащеда кемамаса, уледа аф пеликс и виикс!

Павелонь сёрмац Галатияв 5:1

Христос минь нолдамазь воляшис. Сяс, ащеда кемоста и оду тясть эцекшне прянтень урексшис.

Павелонь сёрмац Ефесу 3:17

и кемамать вельде седисонт кармай улема Христоссь.

Павелонь сёрмац Филиппав 1:21

Вдь эряфсь тейне – тя Христос, а куломась – Сонь мархтонза пефтома эряфонь сатома.

Павелонь сёрмац Филиппав 1:27

Аньцек эряда Христость Пара кулянц оцю питненц коряс. Эста мон, кда саян и няйхтядязь тинь, али кда аф саван, кульса колгант: тинь кемоста ащетяда фкя ваймоса и фкя мяльса вяттяда тюрема Пара кулянь кемамать инкса.

Павелонь сёрмац Филиппав 4:1

Сяс, кельгома кемай ялгане, ащеда кемоста Азорса. Кельгомне, мон лажадонь тейнть. Тинь монь кеняртьксозе и каштазозе!

Павелонь сёрмац Колоссав 1:23

Аньцек тейнть сяда товга эряви кемоста ащемс кемамаса и аф тушендомс Пара кулянь надиямать эзда, конань тинь кулесть. Тя Пара кулясь ульсь пачфтьф масторлангонь сембе ломаттненди. И тя Куляти мон, Павел, арань покодикс.

Павелонь васенце сёрмац Фессалоникав 3:7

Кемай ялгат, сяс сембе стакашиньконь и маятаманьконь ёткса кулясь тинь кемамантень колга ваймафтомазь-кемокстамазь минь.

Еврейхненди сёрмась 10:23

Карматама кемоста кирдевома ся надиямаса, конань минь азонкшнесаськ сембонь инголе, сяс мес Надияфтысь кирдьсы валонц.

Еврейхненди сёрмась 3:14

Вдь минь суваме марстонь тевс Христость мархта, кда аньцек педа-пес кемоста ванфтсаськ ся кемамать, конац ульсь минь эсонк ушетксста.

Еврейхненди сёрмась 4:14

Сяс мес минь ули инь оцю Озксвятиень оцюняньке – Иисус, Шкаень Цёрась, кона ётась менельхнень пачк, эрьда карматама кемоста кирдема ся кемамати, конань азонкшнесаськ ломаттнень ингольде.

Пёторонь васенце сёрмац 5:10

Но тейнть аф ламос сави маятакшнемс. Маятамдонт меле Шкайсь стяфттядязь тинь, титядязь тинь афсатыксфтомокс, кемокстатядязь и максы тейнть вийхть. Эрь кодама пароказнень максы Шкайсь тердедязь тинь Христость вельде Эсь пефтома пингонь иневалдозонза.

Пёторонь омбоце сёрмац 3:17

Кельгома ялгане, тейнть инголькиге содаф тя. Сяс ванфтода пря: афоледязь уска эсь мельгаст шкайфтомотнень васькафты-эрьготьфти валсна и афоледе пра кеме юронтень лангста.

Иоаннонди панчф няйфкс 3:11

Мон курок саян – тон ина кемоста киртть сянди, мезце тонь ули, кивок тязазе сяв сяськиень каштазцень.

Иоаннонди панчф няйфкс 3:3

Лятфтак, мезе тейть максфоль и мезе тон кулеть. Киртть сонь эсонза и каендак. А кда аф сргозят, Мон саян апак учт, салай лаца, содамонга аф кармат, мзярда кундате тонь.