Павелонь васенце сёрмац Фессалоникав 2:5 - Од Соткс Новый Завет на мордовском-мокша языке 2016

⁵ Кода тинь содасасть, минь ашедязь васькафне тинь мялень пети валса-шнамаса, минь ашель салавань мяленьке мезевок сатомс тинь кядьстонт эстейнек. Шкайсь тянь няиец-содаец.

Павелонь васенце сёрмац Фессалоникав 2:5 Iomraidhean Croise

Матфей 22:16

Синь кучсесазь Тейнза эсь тонафниснон и Иродонь ломанензон. Сят мярьгсть Иисусонди: «Тонафты, минь содасаськ: Тон видешинь кельгият и видеста тонафтат Шкайть коряс эряма, аф арьсят мяльс тумать колга и киньге лангс аф ванат.

Матфей 23:13

«Кальдяв тейнть, койти тонафтыхть и фарисейхть! Шамафксонь каннихть! Тинь сёлгондсасть ломаттнень эзда Менелень Оцязорксшить. Тинцьке аф сувсетяда и сятненьге, кинь мяльсна сувамс, аф нолясасть.

Апостолхнень тевсна 20:33

Мон ашень анце кядьстонт аф сия, аф зрня, аф щамбяль.

Павелонь сёрмац Риму 1:9

Мон Шкайти сединек-ваймонек покодян, азондомок Пара кулять Сонь Цёранц колга. Сон няйсы-содасы: мон фалу лятфнетядязь тинь

Павелонь сёрмац Риму 16:18

Ня ломаттне покодихть аф Иисус Христос Азороньконди, а эсь пекснонды. Синь ламбама и кяльготнемань кяльсост васькафнесазь сятнень седиснон, кит тёждяста кемайхть мезьс повсь.

Павелонь сёрмац Риму 9:1

Мон корхтаса видеть и кемокстаса тянь Христость лемса. Мон аф кяльготнян и тянь кемокстасы монь ваймовайгялезе, кона вятневи Иняру Ваймопожфса.

Павелонь омбоце сёрмац Коринфу 12:17

Эста азость, пади мон усксень кядьстонт ярмакт ся ломаттнень вельде, конатнень кучсине ширезонт?

Павелонь омбоце сёрмац Коринфу 2:17

Вдь минь аф ся ламотнень эзда, конат мишендьсазь Шкаень валть ярмаконь сатоманкса. Меколанкт, минь виде ваймот пачфнесаськ Шкаень валть, кода вал, кона максф Шкайть эзда. И минь тянь тиендьсаськ Шкайть сельминголе Христость виенц вельде.

Павелонь омбоце сёрмац Коринфу 4:2

Минь аердоме сембе визьксонь тефнень эзда, конат тиендевсть салава. Минь аф прафнетяма ёжу тефненди и мезьсонга аф шоворясаськ Шкаень валть, но меколанкт, аф сёпозь пачфнесаськ видешить. Тянь няемста, эрь ломанць эсь ваймовайгяльсонза, Шкайть инголе, шарьхкодьсы: нят Шкайть афкуксонь покодиенза.

Павелонь омбоце сёрмац Коринфу 7:2

Тялькфтомасть минь эсь седиезонт. Минь киндинге ашеме тие кальдяв, киндинге ашеме канда зиян и киньге эзда мезевок ашеме веше эстейнек.

Павелонь сёрмац Галатияв 1:20

Шкайсь няйсы: мон сёрмадса тейнть видеть, аф васькафнян.

Павелонь васенце сёрмац Фессалоникав 2:10

Тинь и Шкайсь няесть-содасть сянь, кода иняруста, видеста и аф муворуста минь вятеськ пряньконь тинь мархтонт, кит кемайхть.

Павелонь васенце сёрмац Тимофеенди 3:3

аф симикс, аф тюрикс, аф изгордыкс, аньцек эстейнза паронь аф вешендикс, но сетьмокс, лиянь мархта ладяйкс, ярмаконь мельге аф панцикс.

Павелонь васенце сёрмац Тимофеенди 3:8

И пуромксонь лездыхненди тяконь лаца эряви улемс пара лувксса, аф улемс кафта шама мархта, а меколанкт, тейст улема виде ваймокс, винати аф прафтыкс и ярмакнень мельге аф панцикс.

Павелонь сёрмац Титонди 1:7

Вдь кемаень пуромксть мельге ваныти, кода Шкаень кудть тевонзон вятиенцты, эряви улемс аф муворукс, прянь вярьге аф кепсикс, вишкста кяжс аф сувайкс, аф симикс, аф тюрикс и ярмакнень мельге аф панцикс.

Пёторонь васенце сёрмац 5:2

ванода Шкайть стаданц мельге, кона максф тейнть. Ванода сонь мельганза седи ваксста, оцю мяльса, кода кельгсы Шкайсь, но аф сянкса, мес тинь кошардодязь тянди, и аф казненкса.

Пёторонь омбоце сёрмац 2:18

Корхтамок прянь шнафты, но шава валхт, синь тарксесазь-кунцесазь визьксонь мялень топафтомас сятнень, конат аньцек явсть васькафтфнень-эрьготьфнень эзда.

Пёторонь омбоце сёрмац 2:3

Ня топафксонь аф содай ломаттне, васькафнемок тинь ёжу валса-корхтамаса, кармайхть козякодома тинь вельдент. Но Шкаень судсь аноклаф ни тейст, и юмамась-арамась учи эсост.

Иудань сёрмац 1:11

Кальдяв тейст! Синь молихть Каинонь киге; синь максовсть васькафтомас-эрьготьфтемас ярмакнень инкса, кода Валаам; и синь кулыхть каршек молемать инкса, кода Корей.