Павелонь васенце сёрмац Фессалоникав 1:5 - Од Соткс Новый Завет на мордовском-мокша языке 2016

⁵ Вдь минь азондоськ тейнть тя Пара кулять аф аньцек валса, но Иняру Ваймопожфть вийсовок, крхкаста кемазь сонь видешинцты. Тинь тинцьке лац содасасть, кодамкс минь улеме тинь ётксонт, тейнть паронь кандомга.

Павелонь васенце сёрмац Фессалоникав 1:5 Iomraidhean Croise

Марк 16:20

А тонафнихне тусть и азонкшнезь Пара кулять сембе вастова. Азорсь лездсь тевсост и кемокснезе синь азондомаснон тяштькснень вельде. Аминь.

Лука 1:1

Кельгома Феофил, Шкаень надияфтоматне пяшкодсть минь ётксонк и ламотне ушедсть сёрмадома тянь колга сятнень валснон коряс, конат ушетксстокиге няезь семботь тянь эсь сельмосост и конат арасть покодикс Шкаень валти, и пачфтезь тейнек семботь мезе ульсь. Сяс монга сань мяльс, ушетксста сявомок, анцяйняньбес тонафнемадон меле, азондомс тейть семботь тянь мельцек-мельцек.

Апостолхнень тевсна 11:21

Синь мархтост ульсь Азорть виец, и ламодонга лама ломань кармась кемама и шарфтсь Азорти.

Апостолхнень тевсна 16:14

Кулхцондыхнень ёткса ульсь Фиатир ошста Шкайда пели ава, конац мишендсь шобда-якстерь котфт. Сонь лемоцоль Лидия. Шкайсь панжезе сонь седиенц сянди, мезе корхтась Павел.

Апостолхнень тевсна 2:33

Шкайсь кеподезе Сонь види кядь ширезонза и максозе Тейнза надияфтф Иняру Ваймопожфть, конань Сон сяльде каязе минь лангозонк. И тинь тяни няйсасть тянь и кульсасть.

Павелонь сёрмац Риму 1:16

Мон аф виздян Христость Пара кулядонза, вдь тя Шкаень вий, кона идекшнесыне сембе кемайхнень, васендакиге еврейхнень, сяльде – лия ломаньтналхненьге.

Павелонь сёрмац Риму 15:13

Катк Шкайсь, надиямань лихтибрясь, пяшкоттядязь тинь кемамантень вельде оцю кенярдемаса и максы тейнть сетьмоши. Эста тинь надияманте апак лотксек касы-оцюлгоды Шкаень Ваймопожфть виенц вельде.

Павелонь сёрмац Риму 2:16

Тяфта ули ся шиня, мзярда Шкайсь Иисус Христость вельде кармай судендамост ломаттнень салавань тевснон. Тяфта азф Пара куляса, конань эса мон пачфтян.

Павелонь васенце сёрмац Коринфу 1:24

А сятненди, конатнень тердезень Шкайсь: еврейхненди и грекненди, Христоссь – Шкаень вий и Шкаень смузьши,

Павелонь васенце сёрмац Коринфу 10:33

Тиендеда монь лацон: мон тяряфнян ваномс сембонь мяльснон, мон аф вешендян эстейне цебярь, а вешендян цебярь лиятненди, синь идемаснон инкса.

Павелонь васенце сёрмац Коринфу 3:16

Кали тинь аф содасасть – тинь Шкаень куттада и Шкаень Ваймопожфсь эряй тинь эсонт?

Павелонь васенце сёрмац Коринфу 3:6

Мон путонь видьмот, Аполлос валондозень, но касфтозень синь Шкайсь.

Павелонь васенце сёрмац Коринфу 4:20

Сяс мес Шкаень Оцязорксшись аф валса, а вийса.

Павелонь васенце сёрмац Коринфу 9:14

Азорське тяфта ладязе: сят, кит кандсазь Пара кулять, тянь эзда и трясазь пряснон.

Павелонь омбоце сёрмац Коринфу 3:6

Сон тяфта жа макссь тейнек маштомаши улемс од сотксонь покодикс. Тя сотксть юрсонза – аф койть букванза, а Ваймопожфсь. Вдь буквась канды кулома, а Ваймопожфсь максы эряф.

Павелонь сёрмац Галатияв 2:2

А молень сяс, мес тейне панжезе Шкайсь: эряви молемс тов. Тоса сятненди, конат лувовсть содавикс оцюнякс, мон башка васедемста азондыне ся Пара кулять, конань пачфнеса лия ломаньтналхненди. Мон тяфта тиень сянкса: стак афоль юма ингольдень и тяниень покодемазе.

Павелонь сёрмац Галатияв 5:5

Но минь ули надияманьке: Шкайсь лувсамазь минь видексшинь ломанькс кемаманьконь инкса, и тянь минь пяк учсаськ Ваймопожфть вийса.

Павелонь сёрмац Ефесу 2:10

Сяс мес минь Шкайть тифонза, Сон тиемазь минь Иисус Христосса цебярь тевонди, конатнень инголькиге ладязень тиемс тейнек.

Павелонь сёрмац Ефесу 3:20

Шкайсь, минь эсонк покоди вийть коряс, машты тиемс ламодонга лама сянь коряс, мезе минь анатама али мезень колга арьсетяма.

Павелонь сёрмац Филиппав 2:13

Вдь тинь эсонт оцю вийса покоди Сонць Шкайсь, кона вятьсыне тинь мялентень и тевонтень: топафтовольхть Сонь пара арьсеманза тинь эряфсонт.

Павелонь сёрмац Филиппав 4:9

Тиендеда сянь, мезенди тонадоде, мезе сяводе и куледе монь эздон, и мезе няеде монь эсон. Эста Шкайсь, сетьмошинь лихтибрясь, ули мархтонт.

Павелонь сёрмац Колоссав 2:2

Тянь семботь мон тиендьса, сяс мес мялезе кемокстамс тинь седиентень и сотомс тинь фкя-фкянь мархта кельгомань сотксса. Эста тинь пачкоттяда сембода крхка и питни шарьхкодемати: тинь карматада содамонза Шкайть салавашинц – Христость.

Павелонь васенце сёрмац Фессалоникав 2:13

Минь апак лотксек азонттама сюконяма Шкайти сянкса, мес эздонк кульф Шкаень валть тинь сявость аф кода ломанень вал, а кода Шкаень вал, кодамкс сон афкукс и ули. Сон и тии тев тинь эсонт, кит кемайхть.

Павелонь омбоце сёрмац Фессалоникав 2:14

Вага мес Сон тердедязь тинь Пара кулять вельде, конань минь кандоськ тейнть: сатолесть Иисус Христос Азороньконь иневалдонц.

Павелонь омбоце сёрмац Тимофеенди 2:10

Сяс мон анокан кирдемс сембе сталмотнень Шкаень кочкафнень инкса, катк синьге идевихть Христос Иисусса и сатсазь пефтома эряфонь иневалдть.

Павелонь омбоце сёрмац Тимофеенди 2:8

Мяляфтк Давидонь юромста шачф Иисус Христос Азорть, кона ульсь вельмафтф кулофнень эзда. Тя ся Пара кулясь, конань мон пачфнеса.

Еврейхненди сёрмась 10:22

Эрьда сашенттама Шкайть инголи панжада седиса, кеме кемамаса, стама седиса, конац аруяфтф верса мувору ваймовайгяльть эзда, и ронгса, конац штаф ару ведьса.

Еврейхненди сёрмась 6:11

Минь пяк оцю мяленьке: катк эрсь эздонт няфти тяфтама жа оцю седиень путома петь самс, мзярс аф пяшкоди тинь надияманте.

Пёторонь васенце сёрмац 1:12

Тейст панчфоль: мзярда синь корхтасть ня тефнень колга, синь покодсть аф эстейст, а тейнть. Тяни ня тефнень колга тейнть пачфтсть сят, конат менельста кучф Иняру Ваймопожфть вийса кандсть тейнть Пара куля. Ня тефнень лангс, пчкясь, ангелхневок ванольхть оцю мяльса!

Пёторонь васенце сёрмац 1:3

Улеза шнаф Шкайсь, Иисус Христос Азороньконь Аляц! Сон вельмафтозе кулофста Иисус Христосонь и тянь вельде, Эсь оцю кельгозь ужяльдеманц коряс, шачфтомазь минь од эряфонди и макссь тейнек кеме надияма.

Пёторонь васенце сёрмац 5:3

Тяда азоронда тейнть максф ломаттнень лангса, но уледа тейст цебярь кепотьксокс.

Пёторонь омбоце сёрмац 1:10

Сяс, кемай ялгат, нинге сяда лама вийда путода эсь тердемантень и кочкамантень кемокстаманкса. Кда карматада тяфта тиендема, мзярдонга аф пупордатада.

Пёторонь омбоце сёрмац 1:19

Тя нинге сядонга кемокстай эсонк: пророчествань валсь виде; и тинь лац тиенттяда, мес кирдьсасть тя валть, кода валдоптома, кона цифторды шобдаса, мзярс аф валдашкоды ся Шить валдоц и аф цифторгоды тинь седисонт шобдавань заря тяштсь.