Matthew 9:2 - Pupu Oharo Āre 1963 Genese 1970 Rute 1972

² Iapai; ere epe apo heheva haela ra kile kohahai kaivi areve oki avikepe. Iesu ereve ikikekela aheke ore leipe la hoa are maea haela mari maeape, Akore e, ave haeae oaria le hapururuka.

Matthew 9:2 Iomraidhean Croise

Matthew 14:27

Iesu erero elavelave maeaeape, Ikiveveke leila, ara mae: Oaoka kalaivahaelue.

Matthew 4:24

Areve hari veveke Syria karikara oaria kopurapape, ere maea heahaha haela lahua lahua oaria, haiaru hekeheke haela oaria, iki haveva haela oaria i epe apo heheva haela oaria ila, arero kai kari ekevahaeape.

Matthew 6:12

Ela havahu haela ve ape karava hapururukaki hovea, Elare kara laria hapururukakive.

Matthew 8:10

Iesu la oharo iapai ikihorahora eapapo leipe. Are areve aireaki auvahaeape la haela maeaeape, O iele, ara ero maeaeaive, ara haela ve ikikekela maria va au koaraila Israel ve hoa.

Matthew 8:16

Hailaea hoa ere ovehahu ila la haela oaria areve leia kari auvahaeape. Ovehahu areve oharo iapai le titavape, maea haela oaria kara are lei makukuri mekaka le leivaheape.

Matthew 9:22

Kahara, Iesu helari arero eavi mari maeape, Mari e, ikiveveke: ave ikikekela ave maea veveke laleila. La hoa la uamari maea veveke le leipe.

Matthew 9:5

Le koraoka ha? Mari maeakive, Ave haeae ra hapururukakive, aka mari maeakive, Urou, kile ra kaivi, aula?

Matthew 9:6

Kahara, ehovea e ore leikive haela ve Akore meahaiapo hoa mai haeae hapururuka hovea, Are epe apo heheva la haela maeape, Urou, kile ra kaiva, ave uvi aula.

Mark 1:32

Hailaea, hare hoaupe hoa, ere va areve oropa kari ekevahaeape maea heahaha lahua lahua haela oaria, kai ovehahu ila haela oaria kara.

Mark 10:49

Iesu au hiki epavape kai arero itavakive maeaeape — Ere ovohae kariri haela itavi mari maeape, Ikiveveke leila, urou, are aro itavave.

Mark 5:34

Are arero maeape, Mari e, ave ikikekela aro lei veveke laleila. Havila ra avi aula, ave maea veveke la.

Mark 6:50

Ehovea ere oaria arero eavape kai iki ihahape. Are elavelave erero oharo maeaeape maria, Ikiveveke leila, maia va ara! Oaoka kalailue!

John 16:33

Ara ero ma oharo lamaeaila ehovea e ara v'ila havila avakilai. Meahaiapo ve e va heraho eapapo leivahaeakilai — aka ikiveveke leivahaeaila, ara meahaiapo heaorapape.

John 2:25

Aeka are ikivere ka haela ae haela ae v'ila vavavakive: ehovea are havahu haela ve iki ureve la eharu are havahu mea oaria ore.

John 21:5

Iesu erero maeaeape, Mekehaku, e va eapai ila ha?

Horova 14:9

Ma haela Paul oharo hukavavila iapape. Paul arero ovohae auhohi eavi ore lei areve ikikekela arero lei makurikive hovea, laelave,

Horova 19:12

Laelave ere muko i mai ila areve maea ve hareavi aihoahukai maea heahaha haela lei veveke leivahaeape, la eharu kara ovehahu le haruapape.

Horova 23:11

La opoa oroa — Amua areve maea iele epavi mari maeape, Ikiveveke leila — a ara v'ila Jerusalem vavavape — a ara v'ila Rome kara laria vavavakilai.

Rome 5:11

Leia hiki ka, aka elaviila aeka Aualari v'ila ikiveveke leilula, elaviilave Amua Iesu Keriso la okiharo ve; ehovea elaviila la okiharo ve lei ehohoe leivahaeape.

James 2:18

Kaire! Haela ae maeakilai, A va ikikekela ila, ara ka horova mai veveke ila. A va horova karia ila la ikikekela araro amoeaki — ara va horova mai veveke ila la ikikekela aro amoeakilai.