Matthew 9:13 - Pupu Oharo Āre 1963 Genese 1970 Rute 1972

¹³ E va auila, ma oharo ve iele ore leikive, Ara va ikiheroe mai ikivere, arava maea morava mai ikivere va ka. Ara ekepe ehovea mai ehoe haela va ka, aka, ehovea mai haeae haela lei ikihelarikive.

Matthew 9:13 Iomraidhean Croise

Matthew 12:3

Are erero kavale maeaeape, E va David leipe la mai au mureaila ha? are eroahape la hoa, are kake haela ila?

Matthew 12:5

E va pupu buka ma oharo au mureaila ha? Sabati hare oharo haela Hehe Uvi hararualula, haeae va ka;

Matthew 12:7

E va ma oharo ve iele ore overa la leikilava: Ara va ikiheroe mai ikivere, ara va maea morava mai ikivere va ka: e va haeae karia la haela o heaha au eila.

Matthew 19:4

Are erero kavale maeaeape, E va au mureaila ha? Meahaiapo avare koai karikipe la haela are mea i avu ila karikipe.

Matthew 21:42

Iesu erero maeaeape, E va pupu buka ureve au mureaila ha? Uvi kupe haela haure leipe la have Mahau are uvi ve ihau leive. Ma va Aualari ve horova, Elave ikihorahora leiki eharu.

Matthew 3:2

Areve oharo maria, Ikihelarivahaeaki, kaia ve basileia ekeki maia iele.

Matthew 3:8

Eve mai heaha ve ikihuru hihi leivahaeaki:

Matthew 4:17

La hoa ve Iesu iroro oharo mari ape, Ikikelavaki — ehovea kaia ve basileia maea iele.

Mark 12:26

Apihaea haela urahukakive la oharo maria: E va Moses ve buka ureve au mureaila ha? Huakara leia Aualari arero maria maeape, Ara va Abraham ve Aualari, Isaac ve Aualari, kai Jacob ve Aualari.

Mark 12:33

Kai iki oaria, ikikekela oaria, ove oaria, aheke oaria ila arero ikivere leikive, kai elare maea ra ikivere leivila hovea ela i apealula haela ikivere leikive, leia pupu veveke eapapo, maea morava mai ve hovea lei va ka.

Mark 2:17

Iesu la oharo iapai erero mari maeaeape, Maea mekaka haela muramura haela ikivere va ka — maea heahaha haela hiki. Ara ekepe mai ehohoe haela itava va ka, aka mai heahaha haela ereve hahaeae ve ikihuru kelava itavakive.

Luke 10:26

Are arero maeape, Pupu ve oharo leari hape ha? A leari mureavila ha?

Luke 19:10

Ehovea haela ve Akore ekepe, havoavape la eharu haropi lei makurikive.

Luke 24:47

Aeva ikihelariki oharo i mai heaha ve hapururukaki oharo vilaipipi oaria ve areve rare ve iroro oharo iapakilai — Jerusalem oropa la.

Luke 5:31

Iesu erero kavale maeaeape, Maea mekaka haela doctor haela ikivere lei va ka — aka maea heahaha haela hiki.

Luke 5:32

Ara mai ehohoe haela hiki itavakive au ekeila — aka mai heahaha haela ereve hahaeae ve ikihuru leivahaeakive itavakive ekepe.

John 10:34

Iesu erero maeaeape, Eve pupu buka au haila ha, Ara ero maeaeape, e oaria va aualari?

Horova 11:18

Ere ma oharo iapai oharo kari lei Aualari morapaeape maria, Aualari ita lahua haela kara haeae ve ikihuru leivahaeai ovokake kara le avarape.

Horova 2:38

Peter erero maeaeape, Heaha ve ikihuru leivahaeaki, e haela oaria Iesu ve rare v'ila bapatiso leivahaeaki aiai mai haeae ve hapururukakilai: e va Ove Veveke la meru avakilai.

Horova 20:21

Ara Judea haela i Greek haela ila hareho Aualari v'ila haeae ve ikihuru leiki mai i Amua Iesu Keriso ikikekelaki mai ila auhohi kileavahaeape.

Horova 3:19

Eve haeae ve ikihuru leivahaeai iki kekelaki, aireaki Amua ve oropa ve iki veveroro leiki la hoa, eve mai heahaha le hapururukakilai.

Horova 5:31

Aualari areve mai ore v'ila arero morapaeai, Amua i Ovokake avaraki haela leikive, ehovea are v'ila Israel haela ve haeae ve ikihuru lei hapururukakilai.

2 Peter 3:9

Amua ve okoare hahari hahari lei va ka, Uku haela ve hahari hahari hovea. Aka are elaviilara ikihuru leilula. Are ikivere ka areve haela heaha leivahaeakive. Are va ikivere haela oaria haeae ve ikihuru lei helarivahaeakive.