Matthew 7:7 - Pupu Oharo Āre 1963 Genese 1970 Rute 1972

⁷ Apevelavela leila, ero aireaki aiarakilai, haropaki, aireaki koarakilai, okiape va kokoeaila, okiape e v'ila hapakilai.

Matthew 7:7 Iomraidhean Croise

Genese 26:32

La hare havahu Isako ve horova haela ere ihape la koru ve oharo arero maeape; ere kai arero maeape: “Ela ma le koarai.”

Matthew 18:19

Ara ero kai maeaeaive, Eve haela orahoka meahaiapo apevelavela leiki eharu aea ve ikikekela haroapo hovea ra leikilava, arave kaia ve Oa ereve la eharu aiarakilai.

Matthew 21:22

E va ivaiva hoa velavela leiki la eharu oaria e va iki iele la kelavakilava, e va aeakilai.

Matthew 6:33

E va oropa Aualari ve basileia haropaki, areve mai ehoe kara: aeka eharu oaria are ero aireaki aiarakilai.

Matthew 7:11

E va haela heaha akoremari meru veveke aiaraki ore la leivahaeakilava, eve kaia ve Oa iele havahu eharu mekaka arero apevelavela leivahaeaki la haela aiara va ka ha?

Matthew 7:8

Apevelavela leivahaeaki la haela oaria eharu aeakilai: haropaki la haela oaria, eharu koarakilai, okiape kokoeaki la haela oaria okiape ere v'ila le hapakilai.

Mark 11:24

Laelave ara ero maeaive, E va eharu ikivere ra leikilava, ivaiva leiki hoa iki iele ra kekelaki, kahara, e la eharu aeakilai.

Luke 13:25

Uvi haela urai okiape overa kolakaukakilava, e va mahokaea ve pavi okiape kokoeaki la haela mari la maeakilava, Amua, okiape ela v'ila hela hapaki. Are ero kavale kimaeaeakilai, Ara ero haveva, e va lela haela?

Luke 18:1

Are erero parabole kileape ehovea ere mea oaria ivaiva kiva leikive la heroe, iki mahuka lei va arekaea.

John 15:16

E va araro au itavaila, aka ara ero itavavahaeape, kai ero maeaeape e v'ai hae iele horeavakive, aeva eve la hae iele aheke apeakive. Laelave e va Oa arave rare v'ila lela eharu velavela leivahaeakilai, la eharu are ero aiarakilai.

John 15:7

E va ara i hareho la apeakilava, arave oharo kara eve ureve la apeakilava, e va learia eharu velavela leikilai, la eharu e v'ila le leikilai.

John 4:10

Iesu arero kavale maeape, A va Aualari ve meru iele, aeva aro lari ma ve velavela laleila la haela ore va leila, a va arero havahu velavela leikilai — are kara aro ovokake ma le avarakilai.

Rome 2:7

Mai veveke kiva leilula la haela, ovokake haiapo i basileia ve mea veveke aeakilai: ere va ovokake haiapo aeakilai.

Rome 3:11

Iki auhohi kelavaki haela va karia, Aualari iele haropavila haela va karia.

Hebrew 11:6

Aka ikikekelaki aue haela Aualari ikivere va ka; ehovea Aualari ve oki ekeki haela, Aualari iki iele kekela va heroe, Aualari arero auhohi haropaki la haela kavale iele leikilai,

James 5:15

Ikikekela haela ve ivaiva maea kakare haela lei makurikilai; Amua arero lai urapakilai. Are va mai heaha va laila, la mai heaha hapururukakilai,

1 John 3:22

Elaviila arero velavela leivahaeaki la eharu aeakilai, ehovea elaviila areve pupu kiva leilula kai areve ikivere horova leilula.