Matthew 7:6 - Pupu Oharo Āre 1963 Genese 1970 Rute 1972

⁶ Hehe eharu avita va aikararue, aitave hae kara ilaita oropa ka koavarue, ere loa haeaki ave, aeka ere aho ea avi ero vuvuraeaki ave.

Matthew 7:6 Iomraidhean Croise

Matthew 15:26

Are arero kavale maeape, Veveke va ka akoremari ve eapai kaivi avita la aiarakive.

Matthew 24:10

La hoa haela oaria ikihairhairi leikilai kai elarelare hihila epavahaeakilai kai elarelare hahaure hahaure leivahaeakilai.

Matthew 7:5

Opore haela e, oropa ave ovohae ureve la kora hakaea hauavi, aire a apoheari ve ovohae ureve la kora harava hauavi auhohi eavakilai.

2 Corinth 11:26

Hahi oaria, ahea ma hihi ve, heraho hoa oaria, korea haela araro hararuape: ara havahu ve ita haela araro hararuape: karikara hihi i huakara ila ara va heraho leipe — ahea ma ve heraho, opore apavara, opore hararuape mai, ara hoa oaria ore leipe.

Philippi 3:2

La avita heaha, horova heaha haela, peritome ikivere haela, e kiva leivahaeaki.

Hebrew 10:29

Laelave, ikikelavaila, Aualari ve Akore haure havahu leipe la haela, are va heaha eapapo koarakilai. Ehovea are va Okoare ve apu naoae naoae kekelape: arero hehe leipe la haela are heaha rare ape; are ve ikiheroe meru ve ove iele haure le leipe.

Hebrew 6:6

La haela la titavakilava, ere va aireaki laria lei ikihuru leivahaeai helarikive. Ehovea ere haela ve Akore satauro akea ve āre harive haela, kai arero lei haeae leivahaeairo.

2 Peter 2:22

Overa hape oharo ere v'ila iele leipe maria, Mu kaitavape la ave helari areve la mu aeka le lape. Mi mitape la ila abu, aeka elare pikuru le hoaupe.

Apokalupto 22:15

Ehovea mahokaea va avita, kai harea haela, kai airi pavora mai leilula haela, kai haela haeaki haela, kai hohao harihu momorapulula haela, kai opore mai ikivere leilula haela.