Matthew 7:22 - Pupu Oharo Āre 1963 Genese 1970 Rute 1972

²² Aireaki la hare haela oaria araro mari kimaeakilai — Amua e, Amua e, ela ave rare ve peroveta oharo au avahaila ha? Ela ave rare ve ove heaha va au haruapaila ha? Ela ave rare ve horova veveke oaria au leivahaeaila ha?

Matthew 7:22 Iomraidhean Croise

Matthew 10:15

O iele ara ero maeaeaive, Aireaki heheavaki hoa Sodom Gomorrha ila perehekai veveke koarakilai, aka la karikara veveke koara va ka.

Matthew 24:36

Aka la hare, la hoa ila haela aea haveva: Kaire, Kaia ve aneru kara ore va ka, ore arave Oa hiki.

Matthew 25:11

Aireaki la marita uku ekevahaeai mari maeaeape, Amua e, Amua e, okiape hela ra hapa.

Matthew 7:21

Araro Amua e, Amua e, oharo maeaeaki la haela oaria hareho kaia ve basileia arahava va ka. Arave kaia ve Oa ve ikivere mai leivahaeaki la haela hiki.

Luke 10:12

Ara ero maeaive, Aireaki la hare ve, Sodom perehekai veveke koarakilai, la karikara veveke koara va ka.

John 11:51

Are ma oharo are v'ila au maeaila, aka ehovea are va la hitolo akea oharo haela, laelave are peroveta oharo maria ape, Iesu haela oaria v'ila apakilai.

1 Thessalonia 5:4

Aka, apavara e, e va muru ka apea va ka. La hare korea hovea e v'ila muruhari horera va ka.

2 Thessalonia 1:10

La hare areve hehe haela arero momorapukilai, ikikekela haela oaria are v'ila iki haparae?-?haparae leivahaeakilai (ehovea ela ero kileavahaeape la oharo e iki kelavape).

2 Timothy 1:12

Ehovea la ara ma hoa heraho leivila. Aka ara makiri lei va ka, ehovea ara ikikekelape la Amua ara v'ore — ara v'ore iele ara arero avarape arave la ove are kiva leivila aiai hita hare iele la.

2 Timothy 1:18

Amua aireaki la hare iele arero ikihuru leikilai. Ephesus leia kara are araro kiva auhohi leipe, a va leia ve ore overa leipe.

2 Timothy 4:8

Aireaki arave mai ehoe ve kavale veveke ara avakilai. Amua, ehoe heheavaki la Amua, la Hare Iele araro avikiarakilai. Ara hiki ka: horova veveke leivahaeai arero karivahaeape haela oaria kara.